Urkunde Nr. 4678 aus Band VII

Seite im UB:

465-467

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 438.

Druckvorlage:

nach Original

Abdruck als:

Volltext

Sprache:

Latein

---

4678

Ofen 1486 November 24 König Matthias vertagt die Entscheidung in dem Zollstreit zwischen den sächsischen Städten, Märkten und Dörfern Siebenbürgens und dem Bischof Ladislaus von Weissenburg um die Erhebung von Zöllen in Gilău.

Nos Mathias dei gratia rex Hungariae, Bohemiae et cetera damus pro memoria, quod in congregatione generali praelatorum et baronum regnique rectorum nobilium singulorum comitatuum superioribus diebus pro electione palatinali in hac civitate nostra Budensi de nostro regio mandato celebrata nobis unacum certis ex eisdem praelatis et baronibus per nos ad id deputatis magistrisque prothonotariis curiae nostrae causas quorumlibet querulantium audientibus et iusto iuris tramite discutientibus feria tertia proxima post dominicam Invocavit nunc praeteritum, ¹⁾ prudentes et circumspecti Thomas Altemberger magister civium de Cibinio, Stephanus Kronar iudex regius de Zazwaras et Petrus Beer iuratus civis de Brassovia in ipsorum ac universorum aliorum Saxonum et communitatum omnium civitatum, oppidorum et villarum nostrarum Saxonicalium partium nostrarum Transsilvanarum personis nostram dictorumque praelatorum, baronum necnon magistrorum prothonotariorum venientes in praesentiam, contra reverendissimum in Christo patrem dominum Ladislaum episcopum ecclesiae Albensis Transsilvanae in praefatis regnis nostris apostolicae sedis cum praetactae legati de latere legatum personaliter adherentem conquesti fuerant in eo. Quomodo idem dominus Ladislaus episcopus in tributo suo in possessione sua Gyalw vocata exigi solito per suos tributarios a praefatis Saxonibus rebusque et bonis ipsorum contra antiquas eorum libertates ipsis a divis legibus nostris scilicet praedecessoribus gratiose concessas, tributum exigi facere indebite in eorum praeiudicium et dampnum valde magnum. Ex parte cuius iidem Thomas magister civium, Stephanus Kronar et Petrus Beer, in personis quorum supra eis in praemissis per nos iudicium et iuris aequitatem supplicarunt administrari. Quo perpepto dictus dominus Ladislaus episcopus ut praemittitur personaliter in nostram dictorumque praelatorum, baronum et magistrorum poothonotariorum exurgens praesentiam, responderat et adverso quod ipse in praefato suo tributo a praefatis Saxonibus ac rebus et bonis ipsorum iuste et licite fecisset et faceret tributum exigi superindeque ecclesia sua antedicta literas et literalia habuisset et haberet instrumenta. Eas tamen et ea ad tunc ex eo, quod nondum adhuc in manus suas plenarie deveniri potuissent, exhibere minime paratus esset, sed reacquirere in termino ulteriori per nos sibi praefigendo coram nobis exhibere vellet. Ex quia praefati etiam Thomas magister civium, Stephanus Kronar et Petrus Beer in personis quorum supra iura privilegia ipsorum super dictis libertatibus confecta similiter in eodem termino ulteriori se exhibere velle referebant, pro eo nos de praefatorum praelatorum, baronum et magistrorum prothonotariorum consilio partium etiam praescriptarum voluntate huiusmodi causae discussionem et deliberationem ad octavas festi beati Georgii martiris tunc venturi²⁾ duxeramus prorogandam eo modo, ut dictae ambae partes universas ipsorum iura et literalia instrumenta, si quae haberent facto in praemisso pro se confecta octavis in eisdem coram nostra personali praesentia producere et exhibere deberent et tenerentur. Quibus visis iudicium et iustitiam facere valeret eadem nostra personalis praesentia [S. 466] inter pares in praemissis dictante iuris aequitate, committentes infra decisionem praemissae causae a praefatis Saxonibus per praefatum Gyalw euntibus et redeuntibus rebusque et bonis ipsorum nullum tributum inibi exigeret, sed absque cuiuslibet tributi exactione libere abire et redire permitterentur, quodque ipsi etiam Saxones res aliorum, qui tributum solvere tenerentur, penes res ipsorum deferre et deportare per oblisquasque et falsas vias iter facere non auderent, sed semper per viam rectam tam eundo quam redeundo profisci et se semper tributario praefati domini episcopi ostendere deberent et tenerentur. Si vero aliquo modo contra aliquem ex ipsis super eo, quod res alienas de quibus tributum solvi deberet penes res suas haberet et deferret, suspicio oriretur, teneretur talis iuramento suo superinde coram dicto tributario praestito se expurgare et res omnino suas vel autem alterius Saxonis consimili libertate fungentis esse comprobare. Qui si id facere recusaret, tributum de talibus rebus tunc secum habitis solvere teneretur, hoc adiicientes, quod si qui Saxonum praedictorum cum eorum rebus contra huiusmodi nostram commissionem per falsas vias iter facere praesumeret, tunc praefatus tributarius tales si in eisdem viis comprehendere posset, ne aliis etiam per ipsas falsas vias eundi et ambulandi occasio decretur, inducendi et poena solita puniendi omnimodam haberet potestatis facultatem. A quibus quidem octavis festi beati Georgii martiris praefatorum iurium et literialium instrumentorum exhibitio praenotata seriebus aliarum literarum nostrarum prorogatoriarum partes inter praedictas ventilantium praesentes octavas festi beati Michaelis archangeli³⁾ dilative attigisset, ipsis itaque octavis instantibus circumspecti Petrus Krich iudex regius de Zaz Sebes et dictus Petrus Beer iuratus civis de praefata Brassovia in ipsorum ac omnium aîiorum praefatorum Saxonum et communitatum personis cum procuratoriis literis eorundem in dictam nostram personalem venientes praesentiam pro praefatis iuribus et literalibus instrumentis pro parte eorundem Saxonum exhibere assumptis exhibuerunt nostro iudiciario examinando quasdas literas nostras privilegialis anno in praesenti octavo idus Februarii⁴⁾ regnorum nostrorum Hungariae et cetera anno vigesimo nono, Bohemiae vero decimo septimo sub duplici sigillo nostro emanatas confirmantes literas condam domini Sigismundi regis, anno domini millesimo quadringentesimo sexto, quarto Calendas Martii editas⁵⁾, pendentis et autentici novi sui sigilli duplicis roboratas habentes in se confirmative tenorem quarundam aliarum literarum suarum Budae tertio die sanctae trinitatis anno domini millesimo trecentesimo octuagesimo septimo emanatarum confirmantium literas condam dominae Mariae reginae anno domini millesimo trecentesimo octuagesimo tertio, decimo Kalendas Martii exaratas⁵⁾ ac duplici sigillo eiusdem roboratas literas condam domini Lodovici regis genitoris sui duodecimo Kalendas mensis Iulii anno domini millesimo trecentesimo sexgesimo sexto⁵⁾, regni autem sui anno vigesimo sexto sub duplici ipsius sigillo confectas continentes in se confirmative tenorem literarum condam domini Karoli regis octavo Calendas Iunii anno domini millesimo trecentesimo decimo septimo⁵⁾ regni autem sui similiter decimo septimo editarum habentium in se et confirmantium quandam cartam tenorem privilegii condam domini Andreae regis<sup>5)pro tota universitate Saxonum praedictorum super libertate ipsorum confecti continentem anno ab incarnatione domini millesimo ducentesimo vigesimo quarto. regni autem sui anno vigesimo primo confectam, inter alias libertates ipsorum Saxonum declarantem: quod nullus tributariorum nec ascendendo nec descendendo praesumat impedire eos adicientes insupra supradictis libertatibus ipsorum, quod mercatores eorum ubicumque voluerint in regno libere et sine tributo vadant et reversantur efficaciter ius suum regiae serenitatis intuitu prosequentes, Quibus exhibitis idem uterque Petrus per dictum [S. 467] etiam dominum Ladislaum episcopum exhibere assumpta iura et literalia instrumenta per eundem exhiberi postularunt coram nobis, Quo percepto Georgius de Bozzyas pro eodem domino Ladislao episcopo cum literis procuratoriis eiusdem in praefatam nostram personalem exurgens praesentiam allegavit talimodo, Quod licet praefatus dominus Ladislaus episcopus reacquisitione praescriptorum iurium et literalium instrumentorum suorum et ecclesiae suae saepedictae sollicitudinem diligentem adhibuerit. quia tamen praefatam ecclesiam suam tam Thurci christianae religionis infestissimi persecutores. quam etiam alii hostes et aemuli pluries invasissent et non solum rebus et bonis suis spoliassent verum etiam igne combusissent praescripta iura et literalia instrumenta in tantum dispersa et alienata extitissent. quod idem dominus episcopus eadem usque modo nullo modo plenarie reinvenire potuisset, Cum autem et ecclesia sua praenotata et Saxones praedicti nostrae maiestatis essent. idem dominus episcopus se in eandem ecclesiam suam in praemissis dum primum nos in praefatum regnum nostrum Hungariae deo duce personaliter rediremus. propria nostrae maiestatis iudicio et deliberationi committere vellet, Unde nos hiis perceptis tamen partium praescriptarum statu in eodem ad felicem reditum maiestatis nostrae in praefatum regnum nostrum Hungariae fiendum ac donec quousque nos propria nostra in persona eiusdem causae decisioni et deliberationi intendere et interesse, eandemque finaliter concludere poterimus duximus prorogandum tali modo, Quod quemadmodum supra dictum est infra tempus finalis decisionis ipsius causae a praefatis Saxonibus rebusque et bonis eorum in dicto tributo de Gylw nullum tributum exigatur. nihilominus tamen iidem Saxones tam ineundo quam redeundo semper per viam rectam proficisci et se tributario eiusdem loci ostendere aliasque tam praefati Saxones quam dictus tributarius in praemissis in praescripta primaria nostra iudiciaria commissione permanere eandemque in omnibus suis punctis et clausulis suo modo observare debeant et teneantur, Datum Budae quinquagesimo die octavarum festi beati Michaelis archangeli praedictarum anno domini millesimo quadringentesimo octuagesimo sexto.

Von der Kanzlei rechts unten: Lecta et praesentata in sede per magistrum Ladislaum protonotarium coram me M<fnz>6)</sup> et certis.

<fnzt>1) Februar 14.</fnzt> <fnzt>2) April 30.</fnzt> <fnzt>3) Oktober 6.</fnzt> <fnzt>4) Februar 6.</fnzt> <fnzt>5) Vgl. die Nr. »1551, »1214, »1172, »860, »350 und »43. [5x]</fnzt> <fnzt>6) Hierauf Sigle einer Unterschrift.</fnzt>