Urkunde Nr. 1214 aus Band II

Seite im UB:

609-611^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U .I (Inventar 25), Nr. 53.

Druckvorlage:

nach Original

Abdruck als:

Volltext

Sprache:

Latein

---

1214

Ofen 1387 Juni 4 König Sigmund bestätigt die Urkunde der Königin Maria von 1383 Nr. »1172 mit dieser die Urkunde des Königs Ludwig I. von 1366 Nr. »860 mit dieser die Urkunde des Königs Karl von 1317 Nr. »350 enthaltend die Urkunde des Königs Andreas II. von 1224 Nr. »43, betreffend die Siebenbürger Deutschen von Broos bis Draas.

Von der Kanzlei: Propria commissio domini regis.

Nos Sigismundus dei gratia rex Hungariae, Dalmaciae, Crouaciae et cetera ac marchio Brandemburgensis et cetera memoriae commendantes tenore praesentium significamus quibus expedit universis, quod discretus vir dominus Petrus plebanus de Sebeswar necnon providi viri comites Jacobus et Nicolaus sedis Cybiniensis, Petrus de Tyx, Tilmannus de Senk, Emericus de Olchwa, Nicolaus de Ludas et Johannes de Sebeswaras fideles nostri suis et universorum fidelium Saxonum nostrorum septem sedium partium Transiluanarum in personis ad nostrae maiestatis venientes praesentiam exhibuerunt nobis quasdam literas privilegiales serenissimae principis dominae Mariae dicti regni Hungariae inclitae reginae contoralis nostrae praecarae privilegium paternum tenorem cuiusdam privilegii quondam illustris domini Karoli regis divae memoriae praedecessoris nostri super variis libertatum et gratiarum praerogativis Saxonibus ipsarum septem sedium olim in solidum factarum et concessarum emanati exprimens et ratificans in se confirmative continentes tenoris subnotandi, supplicantes exinde nostrae humillime nominibus quibus supra maiestati, ut easdem literas reginales approbare et acceptare nostrisque literis patentibus de verbo ad verbum redigi faciendo pro ipsis ac eorundem fidelium nostrorum Saxonum sobolibus innovantes perenniter dignaremur valituras confirmare. Quarum tenor is est. (Folgt die Urkunde der Königin Maria von 1383 Nr. »1172 mit dieser die Urkunde des Königs Ludwig I. von 1366 Nr. »860 mit dieser die Urkunde des Königs Karl von 1317 Nr. »350 enthaltend die Urkunde des Königs Andreas II. von 1224 Nr. »43.) Nos itaque praetaxatis humillimis et iuri consonis ipsorum Saxonum nostrorum fidelium supplicationibus nostrae pro eisdem ut est praehabitum oblatis maiestati regali benignitate exauditis clementer et admissis consideratis potissime ipsorum eximiis fidelitatibus et fidelium servitiorum uberimis meritis per ipsos sacro regio et eisdem regiae et reginali maiestatibus diademati et per [S. 611] consequens nobis iugiter et laudabiliter teraporibus opportunis impensis praetaxatas literas ipsius reginalis raaiestatis consortis scilicet nostrae praecarae privilegiales omni prorsus vitio suspicionis destitutas meraque integritatis plenitudine praepollentes praesentibusque verbotenus sine diminutione et augmento insertas quoad omnes earum continentias et clausulas de maturo consilio praelatorum et baronum regni nostri ex unanimique consensu et sanctione eorundem simul cum ante fatis libertatum in earundem tenore superius latius explicatarum gratiosis praerogativis acceptamus, approbamus et ratificamus easque et ex certa mera potestate, scientia nostrae maiestatis pro ipsis nostris fidelibus Saxonibus septem sedium eorumque heredibus et posteritatibus universis innovantes perpetue valituras confirmamus praesentium literarum nostrarum patentium patrocinio mediante. Praesentes tandem nobis allatas privilegialiter emanari faciemus pro eisdem. Datum Budae, tertio die festi sanctae trinitatis, anno domini millesimo trecentesimo octuagesimo septimo.

Unter dem Siegel: Propria commissio domini regis.