Urkunde Nr. 350 aus Band I

Seite im UB:

322-323

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. I (Inventar 25), Nr. 3.

Druckvorlage:

nach Original

Abdruck als:

Volltext

Sprache:

Latein

---

350

1317 Mai 25 König Karl bestätigt die Urkunde des Königs Andreas II. von 1224, „Andreanum", Nr. »43, für die Siebenbürger Deutschen von Broos bis Draas.

Karolus¹⁾ dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Bulgariae Cumaniaeque rex omnibus Christi fidelibus praesentes literas inspecturis salutem in omnium salvatore. Ad universorum notitiam harum serie volumus pervenire, quod accedentes ad nostram praesentiam comites Blafuuz et Hennyng pro tota universitate Saxonum de Chybinio ac ad sedem Chybiniensem pertinentibus exhibuerunt nobis quandam chartam tenorem ut dixerunt privilegii super libertate ipsorum confecti continentem petentes a nobis cum instantia, ut ipsam ratificare et approbare ac nostro dignaremur privilegio confirmare. Cuius tenor talis est. (Folgt die Urkunde des Königs Andreas II. von 1224 Nr. »43.) Nos igitur petitionibus dictorum Blauuz et Hennyng comitum ac totius universitatis Saxonum praedictorum inclinati tenorem dicti privilegii eorundem eatenus quatenus valere ipsum invenimus et cognovimus praesentibus de verbo ad verbum insertum approbamus et etiam confirmamus. In cuius rei memoriam praesentes concessimus literas duplicis sigilli nostri munimine roboratas. Datum per manus discreti viri magistri Johannis Albensis ecclesiae praepositi et archidiaconi Kukullensis düecti et fidelis nostri, aulae nostrae vicecancellarii, VIII^o Kalendas Junii, anno domini millesimo trecentesimo decimo septimo, regni autem nostri anno similiter decimo septimo.


1) Verlängerte Schrift.^{^}