Urkunde Nr. 860 aus Band II

Seite im UB:

252-254

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. I (Inventar 25), Nr. 18.

Druckvorlage:

nach Original

Abdruck als:

Volltext

Sprache:

Latein

---

860

1366 Juni 20 König Ludwig I. bestätigt für die Sachsen der sieben Stühle die Urkunde des Königs Karl von 1317 Nr. »350 mit der Urkunde des Königs Andreas II. von 1224 Nr. »43, betreffend die Siebenbürger Deutschen von Broos bis Draas.

[S. 253] Lodouicus dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex, princeps Sallernitanus et honoris ac montis sancti Angeli dominus omnibus Christi fidelibus praesentibus pariter et futuris praesentium notitiam habituris salutem in omnium salvatore. Solet a principe confirmari, quod a suis praedecessoribus sibi subiecto populo est indultum et gratiose concessum. Proinde noverint universi, quod fidelis noster devotus venerabilis in Christo pater dominus Wilhelmus episcopus Quinqueecclesiensis comes capellae nostrae et regius secretarius cancellarius ac vicarius Saxonum septem sedium terrae nostrae Transiluanae per nos constitutus generalis, necnon Johannes filius Petri de Diznoio ac Nicolaus filius Martini de Hyuhalm ad nostrae serenitatis accedentes praesentiam in personis universitatis fidelium nostrorum Saxonum praedictarum sedium exhibuerunt nobis quasdam literas privilegiales quondam serenissimi principis domini Karoli genitoris nostri carissimi felicis recordationis regis Vngariae illustris, privilegium olim domini Andreae regis avi nostri super libertatibus ipsorum confectum confirmantes tenoris subsequentis, supplicantes nostrae maiestati nominibus eorundem Saxonum humiliter et devote, ut ipsas literas privilegiales paternas acceptare et nostris literis inseri facere ac nostro privilegio confirmare dignaremur. Quarum tenor talis est. (Folgt die Urkunde des Königs Karl von 1317 Nr. »350 mit der Urkunde des Königs Andreas II. von 1224 Nr. »43.) Nos itaque supplicationibus praedictorum fidelium nostrorum episcopi videlicet et Saxonum regii favoris benevolentiam adhibentes praedictas literas privilegiales ipsius quondam domini Karoli regis patris nostri carissimi praesentibus de verbo ad verbum insertas acceptamus, approbamus, et eas, in quantum in scriptura et sigillo vigorem seu valorem habere censentur, confirmamus harum sub maiestatis nostrae duplici sigillo testimonio literarum. Datum per manus venerabilis in Christo patris domini Nicolai archiepiscopi Strigoniensis locique eiusdem comitis perpetui aulae nostrae summi cancellarii fidelis nostri et dilecti, duodecimo Kalendas mensis Julii, anno a nativitate domini millesimo trecentesimo sexagesimo sexto, regni autem nostri anno vigesimo sexto. Venerabilibus in Christo patribus dominis eodem Nicolao Strigoniensi, Thoma Colocensi, Wgolino Spalatensi et Nicolao Jadrensi archiepiscopis, necnon Demetrio Waradiensi, Michaele Agriensi, Colomanno Jauriensi, Dominico Transiluanensi, Wilhelmo praedicto Quinqueecclesiensi, Stephano Zagrabiensi, Ladizlao Wesprimiensi, Johanne Waciensi, Dominico Chanadiensi, Petro Boznensi, Demetrio Syrimiensi, Stephano Nitriensi, Nicolao Tyniniensi, Protiua Segnensi, Michaele Scardonensi et Dominico Corchulensi ecclesiarum episcopis ecclesias dei feliciter gubernantibus, sede Corbauiensi vacante. Item magnificis viris dominis Nicolao Kont palatino et iudice Comanorum, comite Stephano Bebek iudice curiae nostrae, Dionisio vaivoda Transiluano et capitaneo Bodiniensi comitatusque Temesiensem et de Zonuk tenente, Nicolao de Zeech Dalmaciae et Croaciae et Nicolao de Gara Machouiae banis, eodem Stephano episcopo Zagrabiensi vicariatum regni nostri Sclauoniae tenente¹⁾ et gubernante ex nostra dilectione speciali, item Johanne tavarnicorum, [S. 254] Petro Zudor dicto pincernarum, Paulo de Lizkow dapiferorum, Johanne filio Thomae filii Petri ianitorum et Emerico fratre praedicti vaivodae agasonum nostrorum regalium magistris ac eodem Johanne filio Thomae comitatum Jauriensem regente, Ladizlao filio Zobonia comite Posoniensi, item Georgio Bebek tavarnicorum, Nicolao de Hedrehwara ianitorum, Petro filio Stephani de Darow agasonum et Nicolao filio Pauli de Pukur dapiferorum reginalium magistris, necnon Johanne filio Oliueri Symigiensi, Nicolao filio Lachk Zemliniensi, Paulo fratre eiusdem de Berek, Benedicto filio Pauli filii Heem de Kewe et de Crassow, Andrea filio Dionisii de Zarand, item Nicolao filio quondam Stephani vaivodae Siculorum nostrorum et Zathmariensi, Maramorosiensi et de Wgacha, Nicolao filio Dominici Pilisiensi et castellano de Wyssegrad, Johanne filio Laurencii de Canisa, de Worosd et de Zaguria comitibus existentibus ceterisque quampluribus comitatus regni nostri tenentibus et honores.


1) Vorlage: tenenente.^{^}