Urkunde Nr. 89 aus Band I

Seite im UB:

81-82

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 42.

Druckvorlage:

nach Original

Abdruck als:

Volltext

Sprache:

Latein

---

89

1257 Stephan rex primogenitus bestätigt für die Nachkommen des Johann Latinus die Urkunden der Könige Emerich von 1204 Nr. »15, Andreas II. von 1206 Nr. »16 und Bela rex primogenitus von 1231 Nr. »63.

[S. 82] Stephanus dei gratia rex primogenitus illustris Vngariae et dux Transsiluanus omnibus praesentium notitiam habituris salutera in eo qui est vera salus. Plurimum expedit devotioni regiae serenitatis, quia ex fonte nascitur pietatis ut universos ad suum sinum confugientes suscipiat, foveat et protegat opere pietatis, maxime tamen eos, quos considerat invigilare ad coronae regiae gloriam et honorem. Hinc est igitur quod ad universorum notitiam tenore praesentium volumus pervenire, quod accedentes ad nostram praesentiam Gyaninus filius Corrardi et Daniel filius Johannis frater eiusdem exhibuerunt nobis privilegia avorum nostrorum inclitorum regum Hemirici videlicet et Andreae et domini patris nostri illustris regis Belae, quorum privilegiorum unum videlicet inclitae memoriae regis Hemirici incipit in haec verba. (Folgt die Urkunde des Königs Emerich von 1204 Nr. »15.) Aliud vero privilegium videlicet recolendae memoriae regis Andreae continetur in hac forma. (Folgt die Urkunde des Königs Andreas II. von 1206 Nr. »16.) Tertii vero privilegii videlicet domini ac patris nostri carissimi tenor talis est. (Folgt die Urkunde des rex primogenitus Bela von 1231 Nr. »63.) Quibus inspectis, auditis et intellectis supplicabant nobis viri supra dicti, ut iuxta formam privilegiorum supra dictorum ipsos ac eorum heredes heredumque successores fovere et conservare dignaremur. Nos igitur ipsorum petitionem¹⁾ iustam fore et condignam considerantes eorum supplicationibus misericorditer inclinati, ipsos Gyaninum et Danielem ac eorum successores concessa perfrui volentes libertate, seriem privilegiorum gloriosorum regum ratam habentes de verbo ad verbum nostro privilegio inserendo confirmavimus et auctoritate praesentium²⁾ confirmamus. Ut autem huius nostrae donationis series et facti robur obtineat perpetuae firmitatis praesentes concessimus literas sigilli nostri duplicis munimine roboratas. Datum per manus magistri Philippi³⁾ praepositi Dymisiensis, aulae nostrae cancellarii, anno domini M^o CC^o L^o septimo.


1) Vorlage: petitiones.^{^}
2) Vorlage: actoritate praesentiun.^{^}
3) Nachtrag UB I 618: statt Ph. lies Philippi. Philippus ist als Propst von Dömös für das Jahr 1246 bezeugt; sieh Wenzel, Cod. Arpad. II, 118.^{^}