Urkunde Nr. 15 aus Band I

Seite im UB:

7-8 ^a)

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 42.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

15

1204 König Emerich belohnt Johann Latinus in Heltau.

In nomine sanctae trinitatis et individuae unitatis. Hemiricus dei gratia Hungariae, Dalmaciae, Chroaciae, Ramae Seruiaeque rex in perpetuum. Quanto pluribus innotescit uniuscuiusque forma exemptionis vel contractus, eo quod ab humana tardius evanescat memoria, maioris roboris percipere consuevit incrementum.¹⁾ Hinc est quod ad universorum tam praesentium quam futurorum notitiam volumus pervenire, quod Johannem Latinum inter Theutonicos Transiluanenses in villa Riuetel commorantem propter servitium suum, quod nobis multoties intulit, cum tota suorum heredum successione ex omni officio praedictorum Theutonicorum et etiam aliorum talium regia benignitate exemimus, et tali libertate ²⁾ donavimus, ut tam ipse quam ipsius heredes in aula regia liberam habeant conversandi facultatem, nec in aliquo alicui de rebus suis vel possessionibus, tam in domibus quam in aliis, quas usque modo acquisivit vel adhuc acquirere poterit, exactionem aliquam vel tributum vel ipse vel heredes sui dare de cetero teneantur, nisi in armis militaribus, in quibus nobis et regno tali libertate²⁾ donati servire tenentur. Concessimus etiam ei, ut ante alium iudicem praeter nos et illum qui iudicat [S. 8] filios iobagionum¹⁾ nostrorum, nullatenus cogatur in aliquo respondere. Ut autem huius regiae concessionis series firma et invariabilis in perpetuum permaneat, praesentem paginam in rei testimonium intitulatam sigillo nostrae imaginis fecimus communiri. Datum per manus Petri Albensis praepositi et aulae regiae cancellarii, anno ab incarnatione domini MCCIIII. Venerabili Johanne Colocensi archiepiscopo, Vgrino Strigoniensi archielecto et Jauriensi episcopo, Calano Quinqueecclesiensi episcopo, Desiderio Chenadiensi episcopo, Symone Waradiensi episcopo, Willermo Utrasiluano episcopo. Benedicto palatino, Ypochyo bano et Bachiensi comite, Jula Nitriensi et curiali comite, Tiburcio Budrugiuensi comite, Chepano Supruniensi comite.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 7, 1 auf S. 8 (dortige 2-3 zu nachfolgender Urkunde).^{^}
[S. 7]
1) Vorlage: ingrementum.^{^}
2) Vorlage: libertati.^{^}
[S. 8]
1) Vorlage: hiobagionum.^{^}