Urkunde Nr. 787 aus Band II

Seite im UB:

193-195 ^a)

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 6.

Druckvorlage:

nach Original

Abdruck als:

Volltext

Sprache:

Latein

---

787

1361 Dezember 28 König Ludwig I. verfügt, dass die zu Verteidigungszwecken eingezogene Zehntquarte der Pfarrer des Burzenländer Kapitels nach Ablauf von zwei Jahren wieder in den Besitz dieser Pfarrer übergehen soll.

[L]odouicus²⁾ dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex, princeps Sallernitanus et honoris montis sancti Angeli dominus omnibus Christi fidelibus praesentibus pariter et futuris praesentium notitiam habituris salutem in omnium salvatore. Et quia sedentis throno in excelso procedit gladius bis acutus, qui nulli parcens contra iustitiam reddit unicuique quod suum est, nec videretur regalis sublimitas tramitem tenere iustitiae, si in eius dextra iustitia ecclipsim pateretur, proinde ad universorum notitiam harum serie volumus pervenire, quod reverendus in Christo pater dominus Nicolaus eadem et apostolica gratia archiepiscopus Strigoniensis locique eiusdem comes perpetuus una cum discreto viro Nicolao decano de Brassow³⁾ capellano nostro speciali ad celsitudinis nostrae accedentes praesentiam nostrae gravi cum querela detexerunt maiestati, quod quartae partes decimarum omnium ecclesiarum et plebanorum in dicto decanatu de Brassow constitutorum ad castra nostra in partibus Transsiluanis existentia pro eorundem sustentatione [S. 194] tempore impacato occupatae exstitissent et nunc conservarentur indebite occupatae. Supplicantes nostro regio culmini humiliter et devote, ut inspecta nostra conscientia divinaeque remunerationis intuitu dictas quartas partes decimarum praetactarum eisdem ecclesiis earumque rectoribus et plebanis de liberalitate regia remittere et restituere dignaremur. Nos itaque ex innata cordis nostri pietate, quae cunctis eam devote implorantibus se exhibere solet liberalem et gratiosam, circa ecclesiarum defectus et incommoda interne et anxie invigilare et per opportuna remedia ipsis debemus providere, attendentesque ex praemissarum decimarum sic indebita occupatione saluti nostrae periculum et derogamen non modicum imminere, de consensu serenissimae principissae dominae Elizabet reginae Hungariae genitricis nostrae carissimae necnon consilio praelatorum et baronum nostrorum praematuro statuimus et commisimus decernentes, quod dicti plebani et ecclesiarum rectores sicut a sex annis citra sic ex nunc illum censum, quem pro sustentatione eorundem castrorum nostrorum comiti de Brassow et castellanis nostris occasione ipsarum quartarum decimalium solvere erant astricti, duobus annis solummodo et non ultra dare et solvere teneantur, elapsis autem et exspiratis dictis duobus annis praetactae quartae partes omnium decimarum supra dictarum a dictis castris nostris et comitis ac castellanorum nostrorum manibus sequestratae ipsis ecclesiis in dicto decanatu constitutis earumque plebanis remittantur, restituantur et resignentur perpetuo percipiendae et utendae, immo eaedem sicut ex nunc sic ex tunc restitutae et remissae intelligantur pleno iure. Vobis itaque comiti nostro de Brassow nunc constituto et in futurum constituendo necnon castellanis et orficialibus nostris, qui pro tempore exstiterint ibidem constituti, firmissimo regio sub edicto damus in mandatis, quatenus elapsis dictis duobus annis saepe fatas quartas partes dictarum decimarum ipsis ecclesiis et earum rectoribus omni occasione cessante et dissimulatione et difficultate semota remittere, restituere et resignare debeatis plene et integre nulla parte vel portione de eisdem pro nobis vel ipsis castris nostris reservata manus vestras retractas habentes ab eisdem, nec eosdem plebanos ad ulteriorem solutionem alicuius census vel dacii faciendam audeatis compellere et coartare et sicut nostram regiam indignationem gravissimam cupitis evitare secus facere non ausuri. In cuius rei memoriam firmitatemque perpetuam praesentes concessimus literas nostras privilegiales pendentis et authentici sigilli nostri duplicis munimine roboratas. Datum per manus dicti domini Nicolai archiepiscopi Strigoniensis aulae nostrae cancellarii dilecti et fidelis nostri, anno domini M<sup>mo>/hoch>. CCCmo>/hoch>. LXmo>/hoch> b) primo, quinto Kalendas mensis Januarii, regni autem nostri anno vigesimo. Venerabilibus in Christo patribus et dominis eodem Nicolao Strigoniensi, Thoma Colocensi, Wgulino Spalatensi, Nicolao Jadrensi archiepiscopis, Nicolao Agriensi, Demetrio Waradyensi, Dominico Transsiluano, Colomanno Jauryensi, Dominico electo Chanadiensi confirmato, Stephano Zagrabiensi, Ladizlao Wesprimiensi, Mychaele Wachyensi, Petro Boznensi, fratribus Stephano Nitriensi, Thoma Syrimiensi, Johanne Tininiensi, Bartholomeo Traguriensi, Demetrio Nonensi, Stephano Farensi, Valentino Macarensi, Matheo Sibinicensi, Mychaele Scardonensi, Portina Seniensi ecclesiarum episcopis ecclesias dei feliciter gubernantibus, Ragusi- [S. 195] ensi, Quinqueecclesiensi et Corbauiensi sedibus vacantibus. Magnificis viris Nicolao Konth palatino, Dyonisio vaivoda Transsiluano, comite Stephano Bubek iudice curiae nostrae, Johanne magistro tavarnicorum nostrorum, Leustacio Sclauoniae, Nicolao de Zeech Dalmaciae et Croaciae, Nicolao de Machow banis, Petro Zudor pincernarum, Paulo de Lyzka dapiferorum et Emerico agasonum nostrorum magistris et magistro Conya comite Posonyensi aliisque quampluribus comitatus regni nostri tenentibus et honores.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-3 auf S. 193 (1 zu voranstehender Urkunde).^
b) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier über dem Zahlzeichen, letztes nach dem Zahlzeichen nichthoch mit Abkürzungssstrich.^

2) Raum für L leer gelassen. ^
3) 1384: Brasschow.^</sup>