Urkunde Nr. 780 aus Band II

Seite im UB:

187-188 ^a)

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 7.

Druckvorlage:

nach Original

Abdruck als:

Volltext

Sprache:

Latein

---

780

Wissegrad 1361 Januar 28 König Ludwig I. verfügt, dass die zu Verteidigungszwecken eingezogene Zehntquarte der Pfarrer des Burzenländer Kapitels nach Ablauf von zwei Jahren wieder in den Besitz dieser Pfarrer übergehen soll.

Nos Lodouicus dei gratia rex Hungariae memoriae commendantes tenore praesentium significamus quibus expedit universis, quod reverendus in Christo pater dominus Nicolaus eadem et apostolica gratia archiepiscopus Strigoniensis locique eiusdem comes perpetuus una cum discreto viro Nicolao decano de Brassou capellano nostro speciali ad celsitudinis nostrae accedentes praesentiam nostrae gravi cum querela detexerunt maiestati, quod quartae partes decimarum omnium ecclesiarum²⁾ in dicto decanatu de Brasso constitutarum³⁾ ad castra nostra in partibus Transsiluanis existentia pro eorundem sustentatione tempore impacato occupatae exstitissent et nunc conservarentur indebite occupatae, supplicantes nostro regio culmini humiliter et devote, ut inspecta nostra conscientia divinaeque remunerationis intuitu dictas quartas partes [S. 188] decimarum praetactarum eisdem ecclesiis earumque rectoribus et plebanis de liberalitate regia remittere et restituere dignaremur. Nos itaque ex innata cordis nostri pietate, quae cunctis eam devote implorantibus se exhibere solet liberalem et gratiosam, circa ecciesiarum defectus et incommoda interne et anxie invigilare et per opportuna remedia ipsis debemus providere attendentesque ex praemissarum decimarum sic indebita occupatione saluti nostrae periculum et derogamen non modicum imminere, de consensu serenissimae principissae dominae Elizabet reginae Hungariae genitricis nostrae necnon consilio praelatorum et baronum nostrorum praematuro statuimus et commisimus decernentes, quod dicti plebani et ecciesiarum rectores sicut a sex annis citra sic ex nunc illum censum, quem pro sustentatione eorundem castrorum nostrorum comiti de Brasso et castellanis nostris occasione quartarum decimalium solvere erant astricti, duobus annis solummodo et non ultra dare et solvere teneantur, elapsis autem et exspiratis dictis duobus annis praetactae quartae partes omnium decimarum supra dictarum a dictis castris nostris et comitis ac castellanorum nostrorum manibus sequestratae ipsis ecclesiis in dicto decanatu constitutis earumve plebanis remittantur, restituantur et resignentur perpetuo percipiendae et utendae, immo eaedem sicut ex nunc sic ex tunc restitutae et remissae intelligantur pleno iure. Vobis itaque comiti nostro de Brasso nunc constituto et in futurum constituendo necnon castellanis et officialibus nostris, qui pro tempore exstiterint ibidem constituti, firmissimo regio sub edicto daraus in mandatis, quatenus elapsis dictis duobus annis saepe fatas quartas partes dictarum decimarum ipsis ecclesiis et earum rectoribus omni occasione cessante et dissimulatione seu difficultate semota remittere, restituere et resignare debeatis plene et integre nulla parte vel portione de eisdem pro nobis vel ipsis castris nostris reservata manus vestras retractas habentes ab eisdem nec eosdem plebanos ad ulteriorem solutionem alicuius census vel dacii faciendam audeatis compellere et coartare, et sicut nostram regiam indignationem gravissimam cupitis evitare secus facere non ausuri. Datum in Vissegrad, feria quinta proxima ante festum purificationis beatae virginis, anno domini M<sup>mo>/hoch> CCCmo>/hoch> b) sexagesimo primo.

Unter dem Siegel: Commissio domini regis propria in stuba sua ante capellam existente feria quinta post dominicam circumdederunt1) ante prandium.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-3 auf S. 187 (1 zu voranstehender Urkunde), 1 auf S. 188.^
b) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier stets über den Zahlzeichen.^
[S. 187]
2) Hierauf: et plebanorum [unterpunktet]. ^
3) Vorlage: constitutorum.^
[S. 188]
1) Januar 28.^</sup>