Urkunde Nr. 586 aus Band II

Seite im UB:

3-4 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 399.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

586

Wissegrad 1342 Dezember 10 König Ludwig I. verleiht dem Bischof und Kapitel von Grosswardein die Zölle des Biharer Komitates.

Nos Lodouicus dei gratia rex Hungariae significamus tenore praesentium quibus expedit universis, quod cum nos post decessum carissimi patris nostri favente divina clementia ad solium regiminis Hungariae adepta nostra coronatione fuissemus sublimati, ad visitandumque sepulcrum sanctissimi regis Ladislai, a quo divinum auxilium summa cum fiducia quotidie praestolamur, cum fidelibus baronibus regni nostri, nostri decenti cum honore Waradinum accessissemus, licet etiam devotio nostra diuturna ad id nos coartasset, ut eidem ecclesiae Waradiensi, in qua ipse sanctissimiis rex Ladislaus nutu divino variis choruscans miraculis feliciter requiescit, antiqua et approbata consuetudinariaque lege ac consuetudine regni approbante praetextu novae coronationis nostrae possessionariam donationem facere et eam dotare, utpote per nostros pios progenitores id fieri exstitit consuetum, prompti utique fuissemus et parati. Verum quia venerabilis in²⁾ Christo pater dominus Andreas eadem gratia episcopus Waradiensis et totum dictae ecclesiae capitulum nobis illuc volente domino prospera cum sospitate advenientibus, summa cum reverentia nos utpote dominum eorum naturalem recipientes, [S. 4] privilegia progenitorum nostrorum olim regum Hungariae piae memoriae videlicet¹⁾ Ladislai, Stephani, Belae et Henrici consequenterque domini Karoli praedicti patris nostri carissimi ipsa consequenter confirmantia, in quorum tenoribus expresse continebatur, quod idem Henricus rex clarae memoriae duas partes tributorum, quae regiam contingunt maiestatem, tam de villis quam de foris totius comitatus Byhoriensis, tam circa Byhor quam circa Zarand et de Bekes existentium, exceptis tributis, quae ad quatuor spectant fora, scilicet de Akyel et de Keleser, de Janosd et de foro Reginae, dictae ecclesiae Waradiensi perpetuo contulisset, quas quidem duas partes dictorum tributorum ab ipsa ecclesia Waradiensi per indebitam et potentialem ablationem alienata fore idem episcopus et capitulum allegabant, exhibuerunt¹⁾ culmini nostro regio humiliter supplicantes, ut et ipsas duas partes dictorum tributorum alienatas restituere et eidem ecclesiae applicare more pristino et residuam tertiam partem eorundem tributorum, quae ad regias manus spectare dignoscebantur, novae nostrae donationis titulo perpetuo conferre ex regali munificentia dignaremur. Nos siquidem, qui de statu ecclesiarum regni nostri, quarum orationum suffragantibus meritis vivimus et regnamus specialiterque praedictae ecclesiae Waradiensis, ad quam refugium habemus speciale, nostri regiminis et regalis honoris officio incumbente commodoso, pacifico et tranquillo invigilare debemus et tenemur, praedictas duas partes dictorum tributorum indebite ab ipsa ecclesia alienatas reddidimus et restituimus praesentium auctoritate de plenitudine regiae potestatis plene et integre eidem ecclesiae ad modum pristinum possidendas. Reliquam vero tertiam partem eorundem tributorum, quae hactenus ad ius ipsius ecclesiae non pertinuit, similiter ipsi ecclesiae Waradiensi perpetuo et irrevocabiliter cum omnibus redditibus eiusdem et proventibus duximus conferendam ita, quod a modo totali et integrali iure ipsorum tributorum absque omni diffalcatione ipsa ecclesia Waradiensis gratuletur et fruatur, nec regalis maiestas vel quaevis persona deinceps aliquid proprietatis habeat in eisdem, sed ipsorum tributorum redditus inter episcopum et capitulum, ut prius fuit consuetum, videlicet duas partes episcopus et tertiam capitulum percipiendo dividatur. In corporalem autem¹⁾ possessionem dictorum tributorum eosdem dominum episcopum et capitulum per honorabilem et discretum virum magistrum Demetrium praepositum Budensem fidelem et familiarem capellanum nostrum fecimus publice introduci. Et cum praesentes nobis fuerint reportatae, in formam nostri privilegii easdem redigi faciemus. Datum in Wyssegrad, feria tertia proxima post festum conceptionis virginis gloriosae, anno domini millesimo tricentesimo quadragesimo secundo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 3 (1 zu voranstehender Urkunde), 1-2 auf S. 4.^{^}
[S. 3]
2) Über der Zeile nachgetragen. ^{^}
[S. 4]
1) Über der Zeile nachgetragen [2x].^{^}
2) Fehlt in der Vorlage.^{^}