Urkunde Nr. 2215 aus Band IV

Seite im UB:

551-553

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2215

1435 März 12 König Sigmund bestätigt seine Urkunde für Winz und Burgberg von 1411 Nr. »1658 mit der Urkunde von 1393 Nr. »1308, sowie die Urkunde von 1430 Nr. »2086 mit dem neuen Doppelsiegel.

Nos Sigismundus dei gratia Romanorum imperator semper augustus ac Hungariae, Boemiae, Dalmatiae, Croatiae, Ramae, Seruiae, Gallitiae, Lodomeriae, Comaniae Bulgariaeque rex omnibus [S. 552] Christi fidelibus tam praesentibus quam futuris praesentium notitiam habituris salutem in eo, qui est omnium vera salus. Cum in multitudine plebis regum honor et gloria famaeque praeconium non modicum attollatur taliter et tam benigne imperialis atque regalis providentia libertates et immunitates suorum fidelium subditorum benigne debet literis mediantibus roborare, ut populi beneficiorum intuitu numero semper et fidelitate augeantur. Proinde ad universorum tam praesentium quam futurorum notitiam praesentium serie volumus pervenire, quod venientes nostrae serenitatis in conspectum fideles nostri providi et circumspecti viri Jacobus magister civium nostrae civitatis Cibiniensis ac Hedericus de Olczna et Laurencius de Weresmorth iudices nominibus et personis fidelium nostrorum iudicis ac universorum civium Saxonum et incolarum civitatis nostrae Alwyncz et Borpergh vocatae in partibus nostris Transsiluanensibus ex utraque parte fluvii Moros nuncupati situatae exhibuerunt nobis quasdam duas literas nostras privilegiales priori nostro dupplici authentico sigillo, quo uti rex Ungariae utebamur nuper propter augmentum tituli nostri imperialis susceptis coronis imperialibus per nos confracto et in partes dissecato loco videlicet¹⁾ cuius aliud similiter maius duplex sigillum formae dissimilis pro nostra maiestate denuo sculpi fecimus et fabricari impendenti communitas, unam continentem in se confirmative tenorem quarundem literarum nostrarum sub priori minori secreto sigillo nostro alias certis et rationabilibus de causis per nos confracto et permactato patenter emanatarum vigore quarum annotatam civitatem nostram Alwyncz et Borpergh ipsiusque cives et habitatores a potestate et iurisdictione vaivodarum dictarum partium nostrarum Transsiluanarum exemisse ac certas alias libertates in huiusmodi tenoribus aliarum literarum nostrarum specificatas ipsis concessisse, aliam vero per quam nostra celsitudo ipsam civitatem nostram Alwyncz et Borpergh liberam civitatem nominasse et instituisse ac certas libertates et praerogativas in eadem litera nostra contentas eidem civitati et eius incolis concessisse dinoscimur tenorum infrascriptorum supplicantes antefati Jacobus magister civium ac Hedericus et Laurentius iudices nominibus quibus supra nostro culmini humili prece et devota, ut easdem binas literas nostras privilegiales ratas, gratas et acceptas habentes nostrisque literis privilegialibus sub praesenti novo duplici authentico sigillo nostro emanandis verbotenus inseri faciendo pro eisdem iudice, civibus Saxonibus et incolis praefatae civitatis nostrae Alwyncz et Borpergh vocatae eorumque heredibus ac posteris universis innovantes perpetuo valituras confirmare dignaremur. Quarum quidem literarum nostrarum tenor unius sequitur in haec verba. (Folgt die Urkunde König Sigmunds von 1411 Nr. »1658 mit der Urkunde dieses Königs von 1393 Nr. »1308.) Alterius vero literae nostrae series sequitur in haec [S. 553] verba. (Folgt die Urkunde König Sigmunds von 1430 Nr. »2086.) Nos igitur humillimis et devotis supplicationibus annotatorum Jacobi magistri civium ac Hederici et Laurencii iudicum per eos nominibus quorum supra nostro culmini propterea porrectis imperiali atque regia pietate exauditis clementer et admissis praetactas binas literas nostras privilegiales non abrasas, non cancellatas nec in aliqua ipsarum parte suspectas immo merae et sincerae veritatis integritate praepollentes praesentibusque de verbo ad verbum insertas, quoad omnes earum continentias, clausulas et articulos acceptamus, approbamus et ratificamus easque nihilominus requirentes fidelitatibus et fidelium servitiorum meritis praefatorum iudicis civium Saxonum et incolarum memoratae civitatis Alwyncz et Borpergh per eos nostrae serenitati constanter observatis simul cum libertatibus ac aliis omnibus et singulis superius in tenoribus praetaxatarum binarum literarum nostrarum contentis mera auctoritate imperiali atque regali et ex certa nostrae maiestatis scientia pro praefatis iudice, civibus Saxonibus et incolis iam tactae civitatis nostrae Alwyncz et Borpergh ac ipsorum heredibus et posteritatibus universis, ut iidem sicuti fide et fidelitate sic etiam numero et personarum pluralitate augeantur innovantes perenniter valituras confirmamus praesentis scripti nostri patrocinio mediante salvis iuribus alienis. In cuius rei memoriam firmitatemque perpetuam praesentes concessimus literas nostras privilegiales praescripti duplicis pendentis novi authentici sigilli nostri quo ut rex Hungariae utimur munimine roboratas. Datum per manus venerabilis domini Mathhiae de Gataloucz praepositi ecclesiae Quinqueecclesiensis, aulae nostrae summi cancellarii fidelis nostri dilecti, anno domini millesimo quadringentesimo tricesimo quinto, quarto Idus Marcii, regnorum nostrorum anno Hungariae et cetera quadragesimo octavo, Romanorum XX^o quinto, Boemiae quinto decimo, imperii vero secundo. (Folgen die Namen der Grossen des Reiches, vgl. Nr. »2214.)


1) Vorlage: uczt.^{^}