Urkunde Nr. 2214 aus Band IV

Seite im UB:

549-551

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 69.

Druckvorlage:

nach Original

Abdruck als:

Volltext

Sprache:

Latein

---

2214

1435 März 12 König Sigmund bestätigt seine Urkunde von 1424 Nr. »1956 die Aufhebung der Hermannstädter Propstei betreffend, mit dem neuen Doppelsiegel.

Von der Kanzlei: Relatio domini Clementis episcopi Jauriensis.

Sigismundus¹⁾ dei gratia Romanorum imperator semper augustus ac Hungariae, Bohemiae, Dalmaciae, Croaciae, Ramae, Serviae, Galliciae, Lodomeriae, Comaniae, Bulgariaeque rex omnibus Christi fidelibus praesentibus pariter et futuris praesentium notitiam habituris salutem in salutis largitore. Clari et catholici principis auribus benignis modesta petitio non displicere sed potius debet ad exauditionis gratiam admitti, maxime cum aliquid ad proprietatem, commodum et profectum ecclesiarum dei et ministrorum eius postulatur; interest namque gloriosi principis ex innata benignitate et suscepti regiminis officio pro statu et honorifica conservatione ecclesiarum dei iugiter invigilare et nedum suas sed et aliorum fidelium pias largitiones apicibus et privilegiis communire, ut futuris temporibus obtinere valeant immobilis perseverantiae firmitatem. Proinde tam praesentium quam futurorum notitiam harum serie volumus pervenire, quod providus et circumspectus vir Jacobus magister civium civitatis nostrae Cibiniensis in nostrae maiestatis veniens conspectum, in sua ac iudicis universorumque civium et totius communitatis eiusdem civitatis nostrae Cibiniensis nominibus et in personis exhibuit et praesentavit nobis quasdam literas nostras privilegiales duplici autentico sigillo nostro, quo ut rex Hungariae utebamur pridem propter augmentum tituli nostri imperialis dissecato, loco videlicet cuius aliud similiter maius duplex autenticum sigillum formae dissimilis pro nostra maiestate sculpi fecimus et fabricari, communitas, vigora quarum praeposituram ecclesiae beati Ladislai regis de Cibinio cum villis Ruz, Naghekemezew et Kysekemezew vocatis ac certis utilitatibus ad eandem praeposituram spectantibus item portionibus possessionariis Nicolai de Salgo in possessionibus Balkaach et Sythwa vocatis, in comitatu de Kekellew partium nostrarum Transsiluanarum situatis certis et rationabilibus de causis in praedictis aliis literis nostris specificatis ad manus nostras regias devolutis et eidem praepositurae²⁾ virtute earundem literarum nostrarum per nos ascriptis annexisque incorporatis, sub clausulis, articulis et conditionibus in eisdem nostris literis expresse specificatis fidelibus nostris annotatis iudici, iuratis civibus ac toti communitati praefatae [S. 550] nostrae civitatis Cibiniensis ac eorum successoribus et posteritatibus universis pro ampliori augmento cultus divini in parochiali eorum ecclesia in dicta civitate nostra Cibiniensi constructa ministrandi donasse et contulisse ac ad gubernandum perpetue commisisse dinoscimur tenoris infrascripti, supplicans annotatus Jacobus magister civium suo ac aliorum quorum supra nominibus nostro culmini humiliter et devote, ut praetactas literas nostras privilegiales ratas, gratas et acceptas habendo nostrisque literis similiter privilegialibus sub moderno novo duplici autentico sigillo nostro, quo nunc similiter ut rex Hungariae utimur emanandis, verbotenus inseri faciendo, pro ipsis eorumque successoribus et posteris universis innovando perpetue valituras confirmare dignaremur. Quarum tenor talis est. (Folgt die Urkunde König Sigmunds von 1424 Nr. »1956.) Nos igitur tum humillimis et devotis supplicalionibus annotati Jacobi magistri civium per cum suo ac aliorum quorum supra nominibus maiestati nostrae propterea porrectis imperiali atque regia pietate exauditis clementer et admissis potissime cum etiam ob spem et puram devotionem, quam ad ipsum sanctissimum Christi confessorem regem Ladislaum regni nostri Hungariae gloriosum patronum semper gessimus et singulari devotionis ardore gerimus indefesse, cuius preces et piae intercessiones nedum in terris verum etiam in coelesti patria speramus nobis patrocinari praetactas literas nostras privilegiales non cancellalas, non abrasas nec in aliqua sui parte vitiatas sed omni prorsus vitio et suspicione carentes immo merae et sincerae veritatis integritate praepollentes praesentibusque de verbo ad verbum insertas quoad omnes earum clausulas continentias et articulos acceptamus, approbamus et ratificamus easque nihilominus ut illa missarum solemnia ac cultus divinus in praedictis aliis nostris literis expressati votive et sine negligentia peragantur ministrique ad ea in servitium conditoris altissimi instituti pro suarum personarum debita sustentatione uberius sicuti pluralitate sic et devotione augeantur simul cum donatione praemissae praepositurae ac ascriptione et incorporatione eidem praetactarum portionum possessionariarum aliisque omnibus et singulis superius in tenoribus praeallegatarum literarum nostrarum limpidius explicatis et contentis mera imperiali regalique potestatis plenitudine ac ex certa nostrae maiestatis scientia praelatorum etiam et baronum nostrorum ad id accedente consilio pro dictis iudice iuratisque civibus et tota communitate praetactae civitatis nostrae Cibiniensis ipsorumque heredibus et posteritatibus universis innovando, perpetuo valituras confirmamus praesentis scripti nostri patrocinio mediante salvis iuribus alienis. In cuius rei memoriam firmitatemque perpetuam praesentes concessimus literas nostras privilegiales praescripti duplicis pendentis novi autentici sigilli nostri, quo ut rex Hungariae utimur munimine roboratas. Datum per manus venerabilis domini Mathiae de Gathaloucz praepositi ecclesiae Quinqueecclesiensis, aulae nostrae supremi cancellarii fidelis [S. 551] nostri dilecti, anno domini millesimo quadringentesimo tricesimo quinto, quarto Idus Marcii, regnorum nostrorum anno Hungariae et cetera quadragesimo octavo, Romanorum vicesimo quinto, Bohemiae quinto decimo, imperii vero secundo. Venerabilibus in Christo patribus dominis Georgio Strigoniensi, Johanne Colocensi et Bachiensi canonice unitarum, Doymo Spalatensi archiepiscopis, Jadrensi sede vacante, Petro de Rozgon Agriensi, Waradiensi sede vacante, Georgio Lepes Transsiluanensi, Zagrabiensi sede vacante, Henrico Quinqueecclesiensi, Simone de dicta Rozgon Vesprimiensi, Clemente Jauriensi, Waciensi sede vacante, Georgio Nittriensi, Chanadiensi sede vacante, Jacobo Sirimiensi, Josepho¹⁾ Bozznensi, Johanne Tininiensi, Vito Corbauiensi, Johanne de Dominis Segniensi ecclesiarum episcopis ecclesias dei feliciter gubernantibus, Sibinicensi, Nonensi, Scardoniensi, Traguriensi, Makarensi et Pharensi sedibus vacantibus. Item honore palatinatus similiter vacante, spectabili et magnifico Hermanno Ciliae et Zagoriae comite, socero nostro carissimo, totius regni nostri Sclauoniae bano, comite Mathyus de Palloucz iudice curiae nostrae, Ladislao de Chaak vaivoda nostro Transsiluanensi, Johanne et Stephano Weglae, Segniae et Madrussiae comitibus regnorum nostrorum Dalmaciae et Croaciae praedictorum, Desew et Ladislao de Gara Machouiensi, Nicolao de Radawicz crucifero ordinis Prutenorum Zeuriniensi banis, Johanne de antedicta Rozgon thavarnicorum, Emerico filio vaivodae de Marczali ianitorum, Johanne et Stephano de Peren dapiferorum, Paulo et Johanne Kompolth de Nana pincernarum, Laurencio de Hedrehwar agazonum nostrorum magistris ac Stephano et Georgio de praefata Rozgon comitibus nostris Posoniensibus, aliis quam pluribus regni nostri comitatus tenentibus et honores.

Unter der Plica von der Kanzlei: Relatio domini Clementis episcopi Jauriensis.

Auf der Rückseite von einer Hand des 16. Jahrhunderts: Donatio Sigismundi super praeposituram ecclesiae Cibiniensis.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 549, keine auf S. 550, 1 auf S. 551.^{^}
[S. 549]
1) Verlängerte Schrift.^{^}
2) Vorlage: praepositore.^{^}
[S. 551]
1) Vorlage: Joseph.^{^}