Urkunde Nr. 2011 aus Band IV

Seite im UB:

298-300 ^a)

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 35.

Druckvorlage:

nach Original

Abdruck als:

Volltext

Sprache:

Latein

---

2011

1427 Juni 19 König Sigmund bestätigt seine Urkunde von 1395 Nr. »1346 über eine Messestiftung für die Martinsberger Kapelle in Kronstadt.

Sigismundus¹⁾ dei¹⁾ gratia¹⁾ Romanorum rex semper augustus ac Hungariae, Bohemiae, Dalmaciae, Croaciae, Ramae, Seruiae, Galliciae, Lodomeriae, Cumaniae, Bulgariaeque rex marchio Brandemburgensis necnon Lucemburgensis heres omnibus Christi fidelibus, praesentibus pariter et futuris praesentium notitiam habituris salutem in omnium salvatore. Regiae benignitatis sublimitas generosa quamquam universis fidelibus suis, quos regii regiminis latitudo complectitur, grata beneficia dignatur [impendere]²⁾ et tanto copiosius in subiectos suae largitatis propagare donaria, quanto ex huiusmodi distributione magnifica suis frequenter aerariis experilur accrescere et fidelium devotiones augere, tamen ad illos qui per observantiam sacerdotalis disciplinae mundi aliquatenus renunciatis illecebris specialis praerogativae favores signanter inclinat, ut ex rebus transitoriis immarcescibiles beatitudinis res in aeternis beatorum gaudiis thezaurizet. Proinde ad universorum tam praesenlium quam futurorum notitiam harum serie volumus pervenire, quod honorabilis et circumspeclus vir dominus Johannes artium facultatis baccalaureus, plebanus plebis rectorque parochialis ecclesiae beatae Mariae virginis civitatis nostrae Brassouiensis aliter Corona nuncupatae partium nostrarum Transsiluanarum nostrae maiestatis veniens in praesentiam exhibuit nobis unam literam nostram privilegialem sub nostro priori maiori duplici authentico sigillo ex causis legitimis permactato et in partes dissecato super perpetua donatione et largitione quadraginta florenorum auri puri, boni et iusti ponderis seu ipsorum florenorum veri et iusti valoris pro tempore currentis ad continuam et perpetuam celebrationem quatuor missarum in dicta litera privilegiali specificatarum singulis hebdomadis et statutis ibidem diebus in capella beati Martini episcopi et confessoris in monte Brassouiensi seu Coronae construi et aedificari incepta iamque in bona sui parte constructa per plebanum eiusdem ecclesiae beatae Mariae virginis de Brassouia seu de Corona pro tempore existentem et idoneum presbyterum per eundem plebanum ad hoc eligendum et deputandum sine intermissione fiendarum et celebrari procurandarum sub conditionibus. articulis, clausulis et poenis unius floreni solutionibus necnon [S. 299] praeceptis, iussis et mandatis literis in eisdem contentis et expressis per nostram maiestatem in perpetuam elemosinam factam, confectam et emanatam, nostrae humiliter et devote supplicans maiestati ut easdem literas nostras non obstante, quod eaedem iuxta decretum nostrum super confirmationibus literarum tam sub eodem quam aliis prioribus sigillis nostris confectis ex causis et rationibus in eodem decreto nostro contentis in termino ad id praefixo nobis praesentatae et per nos confirmatae non fuerunt acceptare, approbare et ratificare literisque nostris sub moderno authentico novo sigillo nostro duplici conficiendis verbotenus inseri faciendo ad perpetuam stabilitatem tanti et tam salutiferi operis et instituti pro eisdem capella sancti Martini de monte et plebano memoratae ecclesiae beatae Mariae virginis civitatis Brassouiensis seu Coronae innovantes perpetuo valituras confirmare dignaremur. Quarum tenor per omnia sequitur et est talis. (Folgt die Urkunde König Sigmunds von 1395 Nr. »1346.) Nos¹⁾ igitur¹⁾ qui¹⁾ prae ceteris virtutum operibus, ad quae ex innatae nobis regalis dignitatis aspiramus officio illud libentius et ampliori desiderio maiestas nostra prosequitur quos ad decorem et commodum domus domini, statum parificum et sustentationis adminiculum in ipsa militantium amplius operatur, supplicationibus eiusdem domini Johannis plebani tamquam iustis et a salute non deviis benigne exauditis et clementer admissis praefatas literas nostras privilegiales non abrasas, non cancellatas, non vitiatas nec in aliqua sui parte suspectas immo omni vitio et suspicionis scrupulo carentes praesentibusque de verbo ad verbum nil addito, diminuto et immutato insertas quoad omnes earum articulos, puncta, clausulas et limitationes in tenore earundem limpide contentas acceptamus, approbamus et ratificamus eas nihilominus ob spem et devotionem, quas tam in eiusdem gloriosissimae dei genitricis et virginis Mariae per cuius manus humano generi filius universa, lapsis videlicet veniam, fatigatis requiem, merentibus consolationem et desperantibus spem salutis largitur meritis et intercessione, quae etiam mater est misericordiae et omnium de quacumque tribulatione ad eam devote clamantium celerrima adiutrix, lapsorum relevatrix, peccatorum reparatrix et ad patriam aeternae felicitatis tutissima exsistit conductrix, quae in annotati beati Martini episcopi et confessoris regni nostri patroni specialissimi qui oppido Sabariae regni nostri ortus, in Italia Ticini id est Papiae alitus denique per multa temporum intervalla vexillum sanctae crucis occiduas orbis portavit in partes et sacramentis terrenae militiae in evangelica edicta commiltatis et episcopali arce assecuta quantum in mundo claruit miraculis et longe lateque katholico in orbe resplenduit et scribenti laboriosum et audientibus fieret tediosum patrocinio in nostris processibus gessimus gerimusque et habemus, quorum meritis, precibus et intercessionibus nedum in praesentis [S. 300] mundi naufragio verum etiam in coelestis patriae atrio pie speramus confoveri et collocari mera auctoritate regia et potestatis plenitudine ex certaque nostrae maiestatis scientia, de consensu etiam et beneplacita voluntate serenissimae principis dominae Barbarae praedictorum regnorum reginae consortis nostrae carissimae praelatorumque et baronum nostrorum maturo ad hoc accedente consilio, non obstante non exhibitione praefatarum literarum nostrarum sub priori nostro maiori duplici sigillo ut praefertur dissecato privilegialiter emanatarum secundum formam nostri decreti una cum praelatis et baronibus nostris praedictis de et super exhibendis et praefato nostro maiori novo sigillo confirmandis infra certum tempus decreto in eodem specifice praefixum et iam elapsum sub poena revocationis et cassationis huiusmodi literarum non producendarum editi et firmiter stabilili fieri debendae pro eisdem capella sancti Martini et plebano ecclesiae beatae Mariae virginis de Brassouia seu de Corona innovantes perpetuo valituras confirmamus praesentis scripti nostri patrocinio mediante. In cuius rei memoriam firmitatemque perpetuam praesentes concessimus literas nostras privilegiales pendentis authentici sigilli nostri novi duplicis quo videlicet ut rex Hungariae utimur munimine roboratas. Datum per manus reverendi in Christo patris domini Johannis episcopi Zagrabiensis, aulae nostrae et reginalis maiestatum summi cancellarii, fidelis nostri dilecti, anno domini millesimo quadringentesimo vigesimo septimo, tredecimo Kalendas Julii, regnorum nostrorum anno Hungariae et cetera quadragesimo primo, Romanorum decimo septimo et Bohemiae septimo. Venerabilibus¹⁾ in Christo patribus dominis . . . (es folgen die Namen der Grossen des ungarischen Reiches, vgl. ihre Namen in der Urkunde Nr. »2009. Als Bane von Machow werden aber in der vorliegenden Urkunde abweichend von Nr. »2009 Johann von Maroth und Petrus Cheh von Lewa genannt).


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 298, 1 auf S. 299, 1 auf S. 300 (dortige 2 zu nachfolgender Urkunde).^{^}
[S. 298]
1) Verlängerte Schrift. [3x]^{^}
2) Fehlt in der Vorlage. ^{^}
[S. 299]
1) In kleiner verlängerter Schrift. [3x]^{^}
[S. 300]
1) In kleiner verlängerter Schrift.^{^}