Urkunde Nr. 1889 aus Band IV

Seite im UB:

135-136 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1889

Ungarisch-Brod 1421 April 11 König Sigmund trägt Nikolaus, dem Woiwoden von Siebenbürgen und dessen Stellvertreter auf, zu untersuchen, ob die Bewohner von Klausenburg in Oşorheiu/Gyerövásárhely und auf einigen anderen Zollstellen abgabenpflichtig sind.

Von der Kanzlei: Commissio propria domini regis.

Sigismundus¹⁾ dei¹⁾ gratia¹⁾ Romanorum¹⁾ rex semper augustus ac Hungariae, Bohemiae, Dalmaciae, Croaciae et cetera rex fideli nostro dilecto magnifico Nicolao de Chaak partium nostrarum Transsiluanarum vaivodae vel ipsius vicevaivodae salutem et gratiam. In nostrae maiestatis venientes praesentiam fideles nostri providi Caspar iudex et Rudolphus iuratus civis nostrae civitatis Coluswar in eorum ac universorum concivium et cohospitum ipsorum personis celsitudini nostrae declararunt gravi sub querela, quod quamvis ipsi et quilibet eorum fundatione ipsius nostrae civitatis Coluswar per omnes partes nostras Transsiluanas supradictas in locis quorumlibet tributorum a tributaria solutione vigore gratiosorum indultorum divorum regum Hungariae, nostrorum scilicet praedecessorum, gratiose sint exempti et emanci- [S. 136] pati, prout super his in quibusdam privilegiis ac literis nostris et aliis literalibus eorum instrumentis clarius continentur. nihilominus tamen nonnulli forent nobiles et signanter ad tributum in possessione Wasarhel exigi solitum pertinentes necnon alterius status possessionati homines praedictarum partium nostrarum Transsiluanarum, qui ab ipsis contra praemissam eorum libertatis praerogativam in locis tributorum suorum tributum seu tributariam solutionem exigi et extorqueri fecissent facerentque et de praesenti potentia mediante in eorum iuris praeiudicium et damnum satis grande, supplicantes exinde iidem exponentes, sibi et praedictis aliis per nos superinde opportune provideri. Unde nos sicuti nobilium et ecclesiarum iuribus sic etiam civitatum nostrarum libertatibus laudabilibus et rationabilibus nolumus aliquatenus derogare, igitur fidelitati vestrae firmiter praecipiendo mandamus, quatenus habita praesentium notitia partibus utrisque vestri in praesentiam ad certum terminum convocatis auditisque partium propositionibus et responsionibus, revisis etiam et diligenter examinatis earum¹⁾ iuribus et literalibus instrumentis, si et in quantum praedictos cives et hospites nostros in huiusmodi eorum exemptione et libertatione tributaria antiquiorem datam suorum literalium instrumentorum quam antedictos nobiles et alterius status possessionatos homines rite et legitime reperieritis, ex tunc eosdem cives et hospites per amplius ad ullam solutionem tributariam compelli nullatenus permittatis. Ubi vero praedictos nobiles et alterius status possessionatos homines in eorum literalium instrumentorum super eorum tributis confectorum data antiquiores agnoveritis, ex tunc praedictos cives et hospites nostros ad solutionem tributariam iustam et consuetam astringi permittere debeatis. Secus ergo non facturi in praemissis gratiae nostrae sub obtentu. Et hoc idem iniungimus futuris vaivodis vel vicevaivodis similibus regiis sub praeceptis firmiter observare. Praesentes etiam perlectas semper reddi iubemus praesentanti. Datum in nostra civitate Broda Hungaricali, feria sexta proxima ante festum beatorum Tiburcii et Valeriani martyrum, anno domini MCCCCXX primo, regnorum nostrorum anno Hungariae et cetera XXXV^to, Romanorum XI^mo et Bohemiae primo.

Unter dem Siegel: Commissio propria domini regis.

Auf der Rückseite vom Schreiber der Urkunde: Coluswar.

Von einer Hand des späteren 15. Jahrhunderts: litera super tributa. [S. 137]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 135, 1 auf S. 136.^{^}
[S. 135]
1) Verlängerte Schrift [4x].^{^}
[S. 136]
1) Gebessert aus: eorum. ^{^}