Urkunde Nr. 2762 aus Band V

Seite im UB:

334-335

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1299 - Abt.45: K. A. Treppen [Parohia Ev. CA Tărpiu], Nr. 11.

Druckvorlage:

nach Original

Abdruck als:

Volltext

Sprache:

Latein

---

2762

Ofen 1452 Januar 4 Der Gubernator Johannes von Hunyad bestätigt für die Gemeinden Mettersdorf und Treppen die Urkunde des Szeklergrafen Reinoldus von 1449 Nr. »2677, die Urkunde des Vizewoiwoden Markus von 1449 Nr. »2678 und die Urkunde des Konventes von Kolozsmonostor von 1451 Nr. »2757, den Streit dieser Gemeinden mit den Adligen von Györgyfalva um den Besitz der Prädien Chege, Bochonya, Fatha und Thewkes betreffend.

Nos Johannes de Hwnyad regni Hungariae gubernator et cetera, memoriae commendamus tenore praesentium significantes quibus expedit universis, ¹⁾ quod [S. 335] nostri veniens in praesentiam circumspectus vir Petrus Herthel, iudex civitatis Bistriciensis, in personis civium, hospitum et universorum incolarum ac inhabitatorum opidorum Naghdemether et Therpen vocatorum exhibuit et praesentavit nobis quasdam tres literas, unam magnifici domini Raynoldi de Rozgon inter cetera trium generum Siculorum comitis privilegialiter, secundam egregii viri Marci de Herpe vicevaivodae Transsiluanensis patenter, tertiam conventus monasterii beatae Mariae virginis de Colosmonostra modo simili privilegialiter confectas et emanatas petens nos debita cum instantia, ut huiusmodi literas sine diminutione et augmento in praesentibus literis nostris privilegialibus inseri et transscribi et quoad omnes earum clausulas et articulos gratas habentes ratificaremus. Quarum primae tenor is est. (Folgt die Urkunde des Szeklergrafen Reinoldus von 1449 Nr. »2677.) Secundae vero continentia sequitur in haec verba. (Folgt die Urkunde des Vizewoiwoden Markus von 1449 Nr. »2678). Tertiae siquidem series talis est (Folgt die Urkunde des Konvents von Kolozsmonostor von 1451 Nr. »2757). Nos igitur praefati circumspecti Petri Herthel supplicationibus in personis prudentum civium hospitum et universorum incolarum opidorum Nagdemeter et Therpen vocatorum nobis humili cum instantia factis favorabiliter exauditis et admissis praescriptas tres literas magnifici Raynoldi de dicta Rozgon et egregii Marci de Herepe vicevaivodae Transsiluanensis ac conventus monasterii beatae Mariae virginis de Closmonostra non abrasas non cancellatas nec in aliqua earum parte suspectas sed merae et sincerae veritatis integritate praepollentes omnique suspitionis vitio carentes approbantes, acceptantes et ratificantes ac nihilominus innovantes perpetuo pro eisdem civibus et inhabitatoribus dictorum opidorum Naghdemeter et Therpen valituras confirmamus, ratificamus et approbamus vigorosasque esse pronuntiamus harum nostrarum, quibus sigillum nostrum est appensum vigore et testimonio literarum mediante. Datum Budae feria tertia proxima post festum circumcisionis domini, anno eiusdem millesimo quadringentesimo quinquagesimo secundo.

Auf der Rückseite von gleichzeitiger Hand: Roboratio literarum originalium concordiae inter nobiles de Gwrgfalwa et cetera et Saxones de Naddemether et Terpen factae ratione praediorum.


1) Bis hierher in leicht vergrösserter Schrift. Die Initialen in hoher Zierschrift.^{^}