Urkunde Nr. 2677 aus Band V

Seite im UB:

274-276

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1293 - Abt.45: K. A. Treppen [Parohia Ev. CA Tărpiu], Nr. 5.

Druckvorlage:

nach Original

Abdruck als:

Volltext

Sprache:

Latein

---

2677

Bistritz 1449 Mai 22 Der Szeklergraf Reinoldus von Rozgony bezeugt, dass die Gemeinden Metlersdorf und Treppen die Prädien Fatha, Boczina, Czegw und Thekews nach langwierigen Auseinandersetzungen von den Adligen von Györgyfalva für 2 000 Goldgulden übernommen haben.

Nos Rinoldus de Rozgan inter cetera trium generum Siculorum comes per illustrissimum principem dominum Johannem de Hwnyad regni Hungariae gubernatorem iudex deputatus specialis memoriae commendantes per praesentes, quod cum nos iuxta literatorium mandatum et commissionem specialem eiusdem domini gubernatoris inter nobiles de Gurgfalwa ac Saxones regales in possessionibus regalibus Nagdemeter et Terpen vocatis commorantes¹⁾ super rectificatione metarum inter easdem possessiones Nagdemeter et Therpen ac praedia Fatha, Boczina, Czegw et Thekews nuncupata adiacentia una cum nostris in hac parte assessoribus finale iudicium et decisivam conclusionem facere voluissemus mox Martinus Weynreich, Caspar Rudel²⁾, Stefanus³⁾ Smit, Laurencius Sutor de Terpen⁴⁾ item Johannes Amgessechen, Andreas Klobis, alter Andreas Braunifar Petrusque Rudel de Niddemeter⁵⁾ praedictis possessionibus ab una parte siquidem ab alia Blasius et Johannes filii Ladislai Henke de praedicta Gurgfalwa⁶⁾, Ladislaus filius Stefani⁷⁾ filii Gerew de Zamußfalwa⁸⁾ ex nobili domina Anna vocata filia praedicti Ladislai Henke progeniti ac Johannes et Ladislaus filii Stefani⁷⁾ de Zakahasa a nobili domina similiter Anna nuncupata filia Petri filii Kerestien⁹⁾ de Czegew procreati necnon Michael filius Nicolai filii Johannis filii Gerew de Wasserhel pro nobilibus dominabus [S. 275] Helena, Sziva¹⁰⁾ et Potencia vocatis Nicolai de Schomodiom consortibus filiabus videlicet quondam nobilis dominae Veronica nuncupatae relictae quondam Sigismundi de Bakay et Caspar de Motz pro nobili domina Katherina vocata filia praefatae dominae Annae matris utputa praenarrati Ladislai filii Sthefani¹¹⁾ filii Gerew specialiter nostram venientes in praesentiam se per nos ad pacis et concordiae unionem super praemissis transmitti debere postularunt. Tandem idem ad nos reversus reversi praefati Martinus Weynreich et Johannes Amgeschen in ipsorum ac universorum et singulorum hospitum incolarum totius communitatis de praedictis regalibus Nagdemeter et Terpen necnon praefati Blasius et Johannes ac alii supranominati consimiliter in ipsorum cunctarum prolium ac fratrum proximorum et consanguineorum generationumque suorum factum praemissum quomodolibet tangentium et concernentium personis oneribus et quibusvis gravaminibus eorundem si iidem in subnotandis persistere vellent penitus et per omnia super sese ac universas possessiones portionesque et iura possessionaria necnon cunctas eorum res et bona assumptis et receptis sunt nobis confessi eo modo, quod licet ratione et praetextu praedictorum praediorum Fatha et Bachina¹²⁾, Czhegew et Thewkews omnino in comitatu de Doboka existentium litis et controverisanis materia inter ipsos mota fuerit et exorta et satis diu ventilata ultimatimque ad diffinitivam sententiam pro partibus dictorum nobilium reportatam deducta extiterit. Tamen ipsi praescripta rectificatione metarum semota ordinantibus et componentibus nonnullis probis et nobilibus viris et egregio Marco de Herepe vicevaivoda Transsiluano ac venerabili et religioso viro domino fratre Anthonio abate de Colosmonstra necnon magistro Nicolao partium Transsiluanarum prothonotario et Sandrino de Kenth per ipsas partes ad haec specialiter electo ad talem contractum et dispositionem specialem inter se perpetuo duraturam devenissent et devenerunt coram nobis eomodo, quod quia praedicti nobiles praedia antedicta cum omnibus eorundem utilitatibus et pertinentiis quibuslibet sub antiquis veris metis et metarum limitibus de manibus ipsorum eisdem Saxonibus regalibus de praescriptis Nagdemeter et Terpen ipsorumque heredibus et posteritatibus universis iure perpetuo et irrevocabiliter dedissent, assignassent, appropriassent et perpetuassent nullum ius nullamve iuris proprietatem praediis in eisdem sibi reservandis sed omne¹³⁾ ius et omnem dominii proprietatem quod et quam praediis in praedictis hactenus habuissent in eosdem Saxones et eorundem superstites prorsus et in toto transferentes. Ob hoc ipsi Martinus Weynreich ac Johannes Amgessechen in ipsorum et ceterorum praenominatorum personis duo milia florenorum auri subscripto modo, ut puta anno in praesenti sexingentos et quinquaginta in beati Michaelis archangeli et in secundo anno consimiliter in eiusdem festi beati Michaelis archangeli alios sexingentos et quinquaginta, in tertio nempe anno in eodem festo beati Michaelis archangeli festivitatum octavis septingentos florenos puri auri rerum quarumlibet aestimatione exclusa salvis etiam decima et nona partibus semper Thordae coram universis regni nobilibus persolvere assumsissent immo assumserunt coram nobis plene et ex integro tali obligaminis vinculo interserto, quod si praefati hospites et incolae primam solutionem facere recusarent aut non possent ex tunc praenarrata praedia simul cum cunctis eorum utilitatibus antedictis sub metis et metarum cursibus per superius nominatos nobiles ostensis eisdem nobilibus pleno iure et pacifice contradictione praedictorum hospitum et incolarum in hac parte non obstante succedere et remanere debent. Si vero primam et secundam solutionem facerent et ultimam facere recusarent aut non possent ex tunc primae duae solutiones nullius solutionis effectum sortirentur et praedicti nobiles praedicta praedia cum praedictis ipsorum utilitatibus cum omni plenitudine iuris et dominii in perpetuum pacifice possidendi liberam habeant facultatem. Persolutis autem praedictis duobus milibus florenorum auri iidem nobiles praeno-[S. 276] minatis hospitibus et incolis de Nagdemeter et Terpen ¹⁴⁾ coram conventu de dicto Clusmonstra expeditorias et quintancias atque super praemissis praediis literas necessarias in forma consueta fateri et in dominio eorundem praedictorum praediorum ¹⁵⁾ contra quosvis illegitimos impetilores propriis laboribus, fatigis et expensis conservare teneantur. Ubi autem ipsi nobiles aut eorum successores eosdem populos, hospites, et incolas in dominio eorundem praediorum conservare nollent aut non possent et eosdem praetextu eorum litem movere et eos impedire atque praemissam dispositionem et compositionem ac contractum dissolvere et retractare attemptarent¹⁶⁾, ex tunc in succubitu duelli facti potentialis convincerentur et convinci deberent eo facto. Ad quae omnia praemissa et quaevis praemissorum singula eaedem partes sese obligarunt coram nobis universas etiam literas inquisitorias, evocatorias, iudiciales, protestatorias, prohibitatorias, sententionales ac generaliter quascumque sub quibuscumque verborum formis usque modo in alterutrum quoquomodo emanatas et emanari procuratas cassas, vanas, anullatas et viribus carituras earumque exhibitoribus fore nocituras relinquendo harum nostrarum testimonio literarum quibus sigillum nostrum est appensum mediante. Datum Bistriciae in festo ascensionis domini, anno eiusdem millesimo quadringentesimo quadragesimo nono.

Auf der Rückseite von gleichzeitiger Hand: Litera originalis concordiae magnifici Rynoldi inter Nagdemeter, Terpen et nobiles de Gurgfalwa.


1) 1452 commorantibus.^{^}
2) 1452 Vndel und Rewdel.^{^}
3) 1452 Stephanus.^{^}
4) 1452 Therpen.^{^}
5) 1452 Vndel bzw. Rwdel de Nagdemeter.^{^}
6) 1452 Gwrgfalwa.^{^}
7) 1452 Stephani. [2x]^{^}
8) 1452 Zamusfalwa.^{^}
9) 1452 Kerestyen.^{^}
10) 1452 swa und sua.^{^}
11) 1452 Stephani.^{^}
12) 1452 Voczina, Czegw et Thekews.^{^}
13) Auf Rasur.^{^}
14) 1452 Therpen.^{^}
15) Über der Zeile nachgetragen.^{^}
16) at über der Zeile nachgetragen.^{^}