Urkunde Nr. 2353 aus Band V

Seite im UB:

40-41

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 88.

Druckvorlage:

nach Original

Abdruck als:

Volltext

Sprache:

Latein

---

2353

Segedin 1439 August 2 König Albrecht verbietet allen Inhabern richterlicher Gewalt in seinem Reich, die reisenden Kronstädter Kaufleute vor das eigene Gericht zu ziehen und ihre Waren zu beschlagnahmen, und trägt dem siebenbürgischen Woiwoden, den Szeklergrafen und den Komitatsgrafen auf, gegen Verletzung dieses Befehls vorzugehen.

Von der Kanzlei: Commissio propria domini regis.

Albertus dei gratia Romanorum rex semper augustus ac Hungariae, Bohemiae, Dalmatiae, Croatiae et cetera rex et dux Austriae et cetera fidelibus nostris universis et singulis praelatis, baronibus, comitibus, castellanis, nobilibus ipsorumque officialibus item civitatibus, oppidis et villis ipsarumque rectoribus, iudicibus et villicis quibus praesentes ostenduntur salutem et gratiam. Cum iusti pro iniustis et innoxii pro reorum excessibus non debeant quoquomodo impediri, igitur fidelitati vestrae firmiter praecipientes mandamus, quatenus dum et quando aut quotienscumque fideles nostri providi et circumspecti cives, hospites ceterique¹⁾ Saxones¹⁾ civitatis¹⁾ nostrae¹⁾ Brassouiensis(1) ac terrae Barcensis aut alter eorum hominesque et familiares ipsorum proprii praesentium scilicet ostensores pro victuum ipsorum necessaria acquisitione diversa climata regnorum nostrorum perlustrantes cum rebus et mercibus eorum ad vestras terras, tenutas, honores, officiolatus seu vestri in medium pervenerint extunc eosdem nostros Saxones, cives et hospites hominesque et familiares suos praedictos aut alterum eorum ad quorumvis instantiam in personis iudicare vel vestro astare iudicatui compellere ac res et bona ipsorum mercimoniala et alia quaecumque arestare seu prohiberi facere nusquam et nequaquam praesumatis nec sitis ausi modo aliquali, [S. 41] signanter pro debitis, delictis et offensis seu excessibus aliorum. Si qui enim quicquam actiones vel questiones contra annotatos iudices, villicos, cives, hospites et inhabitatores aut homines seu familiares ipsorum praenotatos aut alterum eorundem habent vel habuerint hii id in praesentia iudicis, villici et iuratorum civium dictae civitatis nostrae Brassouiensis et terrae Barcensis legittime prosequantur ex parte quorum iidem iudices, villici et iurati cives omni contra eos querulantes meri iuris et iustitiae ac debitae satisfactionis complementum impendere et exhibere tenebuntur prout dictaverit ordo iuris. Alioquin commisimus et harum serie firmiter committimus fidelibus nostris magnificis Desew de Losoncz, vaivodae partium nostrarum Transsiluanarum ac Emerico de Pelsewcz et Francisco de Chaak, comitibus Siculorum nostrorum, necnon comitibus vel vicecomitibus illorum comitatuum in quibus huiusmodi nostra mandata forsitan non observarentur, ut ipsi transgressores eorundem mandatorum nostrorum ad plenariam observationem artius compellant et astringant nostra auctoritate ipsis praesentibus in hac parte attributa et iustitia mediante. Aliud ergo facere non ausuri gratiae nostrae sub obtentu. Praesentibus perlectis exhibenti restitutis. Datum Zegedini dominico die proximo post festum ad vincula beati Petri apostoli, anno domini millesimo quadringentesimo tricesimo nono.


1) Mit dunklerer Tinte nachgezogen. [5x]^{^}