Urkunde Nr. 2346 aus Band V

Seite im UB:

33-34

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 83.

Druckvorlage:

nach Original

Abdruck als:

Volltext

Sprache:

Latein

---

2346

Ofen 1439 Juli 5 König Albrecht verbietet allen Inhabern richterlicher Gewalt in seinem Reiche, die reisenden Hermannstädter Kaufleute vor das eigene Gericht zu ziehen und ihre Waren mit Beschlag zu belegen. [S. 34]

Von der Kanzlei: De commissione domini regis.

Albertus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex et dux Austriae et cetera fidelibus nostris universis et singulis praelatis, baronibus, comitibus, castellanis, nobilibus ipsorumque officialibus, item civitatibus, oppidis et villis ipsarumque rectoribus, iudicibus et villicis, quibus praesentes ostenduntur, salutem et gratiam. Cum iusti pro iniustis et inoxii pro reorum excessibus non debeant quoquomodo impediri, igitur fidelitati vestrae firmiter praecipiendo mandamus, quatenus dum et quando aut quotienscunque providi viri cives, hospites et inhabitatores civitatis nostrae Cibiniensis aut alter ipsorum hominesque et familiares eorum, praesentium scilicet ostensores pro victuum ipsorum necessaria acquisitione diversa climata regnorum nostrorum perlustrantes cum rebus et mercibus eorum ad vestras terras, tenutas, possessiones, honorum officiolatus seu vestri in medium pervenerint, extunc eosdem cives, hospites et inhabitatores hominesque et familiares ipsorum praenotatos aut alterum eorum ad quorum vis instantiam in personis iudicare vel vestro astare iudicatui compellere aut res et bona ipsorum mercimonialia et alia quaecumque arestare seu prohiberi facere nusquam et necquaquam praesumatis nec siţis ausi modo aliquali signanter pro debitis, delictis seu excessibus aliorum. Si qui enim quicquam actionis vel questionis contra annotatos cives, hospites et inhabitatores aut homines seu familiares ipsorum praedictos aut alterum eorundem habent vel habuerint, hi id in praesentia iudicis et iuratorum civium dictae civitatis nostrae Cibiniensis legitime prosequantur, ex parte quorum iidem iudex et iurati cives omni contra eos querulanti meri iuris et iustitiae ac debitae satisfactionis complementum impendere et exhibere tenebuntur prout dictaverit ordo iuris. Secus ergo facere non ausuri gratiae nostrae sub obtentu. Praesentibus perlectis exhibenti restitutis. Datum Budae dominico proximo post festum visitationis beatae Mariae virginis gloriosae, anno domini M^o CCCC^o XXX^o nono.

Auf der Rückseite von einer Hand des 15. Jahrhunderts: Contra arestatores mercatorum.