Urkunde Nr. 222 aus Band I

Seite im UB:

157-158

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

222

Gran 1287 Dezember 6 Lodomerius, Erzbischof von Gran, beglaubigt die Urkunde des Papstes Honorius IV. von 1287 Nr. »215 und der Kardinäle von 1287 Nr. »219 und beauftragt den siebenbürgischen Bischof Petrus, die Beamten der Königin Elisabeth bei Einhebung der ihr gehörigen Steuern und Zölle im Distrikt Bistritz zu unterstützen.

Venerabili in Christo patri Petro dei gratia episcopo Transiluano amico suo carissimo Lodomerius miseratione divina archiepiscopus sanctae Strigoniensis ecclesiae eiusdemque loci comes perpetuus, in hac parte a sede apostolica et omnium cardinalium eiusdem sedis iudex delegatus, mutuam in domino caritatem. Noverit vestra reverenda paternitas, nos recepisse literas sedis apostolicae et venerabilium patrum eiusdem sedis cardinalium in haec verba. (Folgt die Urkunde des Papstes Honorius IV. von 1287 Nr. »215.) Item literas etiam venerabilium patrum coetus cardinalium sub eadem forma, verbis competenter mutatis, recepimus tenorem huiusmodi continentes. (Folgt die Urkunde der Kardinäle von 1287 Nr. »219.) Et quia eaedem literae lectae in congregatione regni noviter habita cum summa reverentia sunt receptae, placuitque universitati praelatorum omnium et baronum necnon et nobilium Budae convenientium, ut ipsi proventus reginales tam in tricesimalibus locis quam in teloniis et tributis, censibus et terragiis iuxta regni consuetudinem approbatam, cui etiam eaedem literae sedis apostolicae et cardinalium inituntur, sicut tenor earum insertus praesentibus manifestat, debeant cum integritate sine contradictione qualibet exhiberi, et quoniam eiusdem sacrosanctae sedis et venerabilium patrum dominorum cardinalium mandatum pariter et praeceptum cum summa reverentia et exact[ri]cia prosequi nos oportet, exigente hoc ipsum eiusdem dominae Elisabeth, dei gratia illustris reginae Hungariae iustitia manifestat neque aliquid, quod venustis eius moribus et eximiis acribus, immo verius venerabilis vitae passionibus valeat imputari, amicitiam vestram duximus affectuosius requirendam, auctoritate sedis apostolicae paternitati vestrae confidenter cum reverentia imponentes, quatenus census et tributa eidem dominae reginae provenientia in districtu de Bezterce, tam in capite quam in membris pertinentibus ad eosdem et iura omnia ac tributa, monitione praemissa et inductione paternali praehabita, officialibus eiusdem dominae reginae latoribus praesentium procurare velitis integraliter cum diligentia paternali, contradictores si qui fuerint auctoritate sedis eiusdem per cen- [S. 158] suram ecclesiasticam compescendo, in principales personas, quae impedimentum huic negotio praestiterint et in familiam eorum iurisdictionem et villas ac totam universitatem civium interdicti sententias promulgando, sicut negotii qualitas fuerit ut apud deum et eandem sacrosanctam Romanam ecclesiam, matrem ecclesiarum omnium et magistram, vestrae sollicitudinis instantia et vigilantia merito valeat commendari. Datum Strigonii, in festo beati Nicolai confessoris, anno domini M^o. CC^o. LXXX^o. V^o II.