Urkunde Nr. 215 aus Band I

Seite im UB:

151-152

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

215

Rom bei St. Sabina [1287] März 12 Papst Honorius IV. beauftragt den Erzbischof von Gran, Lodomerius, die Königin Elisabeth von Ungarn aus dem Gefängniss zu befreien und in ihren Rechten zu schützen.

Honorius episcopus servus servorum dei venerabili fratri . . archiepiscopo Strigoniensi salutem et apostolicam benedictionem. Habet horrenda nostris auribus inculcata relatio, quod carissimus in Christo filius noster Ladizlaus rex Hungariae illustris quasi alienatus ab utero matris ecclesiae in ipsa¹⁾ non expavens delinquere sacramentum a carissima in Christo filia nostra Elisabeth regina Hungariae illustri coniuge sua, non sine coniugalis thori foeda violatione divertens non solum infidelibus proh pudor se copulavit mulieribus impudenter, verum etiam ut liberius se foedaret cum illis dictam reginam proh dolor carceri mancipavit, in quo subtracto sibi omnis subventionis auxilio idem rex eiusdem reginae nobilitatis, quam ex regali traxit prosapia, consideratione postposita, ipsam fame cruciat, nuditate flagellat et subtractione aliarum²⁾ necessitatum affligit, propter quod dicta regina inter angustias utriusque hominis constituta lacrimis irrigatur assiduis et amaris suspiriis fatigatur. Nos itaque ad dictam reginam paternam compassionem habentes ac propterea cupientes optatae³⁾ respirationis et opportunae consolationis sibi commoda procurare, ne quod absit ipsius innocentia inter squalores carceris deficiat fatigata, fraternitatem tuam rogamus attente per apostolica tibi scripta mandantes, quatenus vigiliis sedulis studeas eandem reginam de carcere maeroris educere ac restituere plenariae libertati sibique facias etiam omnia iura tam dotalitia⁴⁾ quam alia iuxta consuetudinem regni Hungariae hactenus in eodem regno pacifice observatam⁵⁾ impendi, contradictores et rebelies per censuram ecclesiasticam appellatione⁶⁾ postposita [S. 152] compescendo non obstante. Si eidem Ladizlao regi a sede apostolica sub quacumque forma verborum sit indultum, quod excommunicari aut quod terrae ipsius interdici non possint per literas sedis apostolicae, quae plenam et expressam de indulto huiusmodi non fecerint mentionem aut quavis alia indulgentia eiusdem sedis, per quam effectus praesentium impediri valeat vel differri. Datum Romae apud sanctam Sabynam, IIIIto Idus Marcii, pontificatus nostri anno secundo.


1) Specimina: ipsius.^{^}
2) So Specimina, fehlt in der Vorlage.^{^}
3) So Kopialbuch in Karlsburg und Specimina. Vorlage: optare.^{^}
4) Specimina: dotalia.^{^}
5) So Specimina. Vorlage: conservatam.^{^}
6) So Kopialbuch in Karlsburg und Specimina. Vorlage: aplice.^{^}