Urkunde Nr. 219 aus Band I

Seite im UB:

154-155

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

219

Rom bei St. Sabina 1287 August 2 Die Kardinäle beauftragen den Erzbischof von Gran Lodomerius, die Königin Elisabeth von Ungarn aus dem Gefängniss zu befreien und in ihren Rechten zu schützen.

Miseratione divina episcopi presbyteri et diaconi sacrosanctae Romanae ecclesiae cardinales venerabili fratri Lodomerio dei gratia archiepiscopo [S. 155] Strigoniensi salutem in domino. Habet horrenda nostris auribus inculcata relatio, quod Ladizlaus Hungariae rex illustris in propriae salutis et famae dispendium a carissima ecclesiae filia Elisabeth illnstri regina Hungariae ipsius consorte divertens se mulieribus infidelitatis nota respersis impudenter copulare praesumpsit et ut liberius immo periculosius huiusmodi sua desideria sequi possit, praedictam reginam sub arta facit, ut dicitur, custodia detineri, quae quasi necessario et decenti destituta subsidio, cruciatur fame, nuditate gravatur et aliorum necessariorum magnum et indecentem cogitur tollerare defectum, propter quod ipsa inter tam duras angustias constituta, lacrimis irrigatur assiduis, laboribus non intermissis affligitur et amaris suspiriis fatigatur. Nos itaque circa praefatam reginam super tam infelici et lugubri statu eius tanto maioris compassionis gerentes affectum, quanto solet amplius temporalibus abundare divitiis et altioris prosapiae claritate¹⁾ coruscat et praeterea cupientes sibi respirationis votivae remedia et opportunae consolationis commoda procurare, ne quod absit, eius innocentia tam gravibus pressa molestiis tantisque afflictionibus fatigata succumbat, considerantes etiam, quod in praesentis cumulo temporis, quo Romana ecclesia noscitur destituta pastore, nobis incumbit in talibus providere, fraternitatem tuam rogamus et hortamur attente, nihilominus tibi praesentium tenore mandantes, quatenus pro divina et apostolicae sedis ac nostra reverentia sedulis et operosis vigiliis praedictam reginam de huiusmodi liberare custodia plenaeque restituere studeas libertati sibique tam dotalitia quam alia iura sua integre facias assignari, contradictores et rebelles per censuram ecclesiasticam appellatione postposita compescendo. Ut autem super praemissis efficacius procedere valeas, venerabilem fratrem nostrum Petrum episcopum Wesprimiensem et carissimum ecclesiae filium regem Boemiae illustrem ac dilectos filios nobiles viros ducem Austriae neonon et Johannem, Nicolaum et Herricum filios quondam Herrici dicti bani, quibus super exhibendo in hac parte tibi ab eis auxilio literas nostras dirigimus, requirere prout decens et opportunum videris non obmittas. Datum Romae apud sanctam Sabynam, IIII^to Nonas Augusti, anno domini M^o. CC^o. LXXX^o septimo.


1) So Kopialbuch in Karlsburg. Vorlage: caritate.^{^}