Urkunde Nr. 1630 aus Band III

Seite im UB:

475-476 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1630

1409 März 25 König Sigmund befreit die Klausenburger bezüglich ihres Weinbaues von der Abgabe des Neuntens und des Terragiums.

Von der Kanzlei: Commissio propria domini regis.

[S]igismundus²⁾ dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex, marchio Brandemburgensis, sacri Romani imperii archicamararius, Bohemiae et Lucemburgensis heres omnibus Christi fidelibus praesentibus pariter et futuris praesentium notitiam habituris salutem in omnium salvatore. Tunc culmen regium sublimius elevatur, tunc in alienis nationibus eius gloria dignis laudibus diffusius dilatatur, quando subditis sibi fidelibus studio suae virtutis tranquillitas et exemptio aliqua procuratur. Proinde ad universorum tam praesentium quam futurorum notitiam harum serie volumus pervenire, quod nos ad civitatem [S. 476] nostram Koloswar vocatam, per nos aliis liberis civitatibus regni nostri annumeratam necnon omnibus libertatibus, privilegiis, gratiis, exemptionibus, iuribus et iurisdictionibus universis, quibus aliae liberae civitates in regno nostro existentes utuntur, gaudent et perfruuntur, praedotatam et gratiose insignitam, cuius cives hospites habitatores et incolae sacrae coronae Hungariae et maiestati nostrae semper et ubique omni studio fidelitatis inviolatae constantiam servaverunt et tanto fidelius et ferventius servare futuris temporibus tenebuntur, quanto gratiosius libertates et exemptionem aliquam a nobis se conspicient obtinere, benignae considerationis intuitum convertentes eique¹⁾ de innata nobis clementia exemptiones ampliando et onera solutionum submovendo gratiam volentes facere specialem ad hoc praecipue, ut ipsa civitas nostra tam in multitudine populi et rerum ubertate quam libertatum et exemptionum ampliatione ad instar aliarum regni nostri civitatum liberarum grata suscipiat incrementa, supra dictos cives hospites incolas et habitatores civitatis nostrae Koloswar praedictae praesentes et futuros cuiuscumque status vel officii, regiminis aut conditionis existant, a solutione nonae partis vinorum et terragii de ipsorum vinis et vineis eorundem in quibuslibet territoriis, districtibus, provinciis et terris habitis et habendis procreandis quibuscumque personis et locis fienda, ut annotata civitas nostra Koloswar vocata cum aliis civitatibus regni nostri liberis et praesertim in dictis partibus nostris Transsiluanis existentibus aequali gaudeat libertate, regia auctoritate ex certa nostra scientia praelatorumque et baronum nostrorum ad hoc matura deliberatione et diutius digesto accedente consilio exemimus, absolvimus et tenore praesentium libertamus ac exemptos, absolutes et liberatos perpetuis temporibus esse debere statuimus de regiae plenitudine potestatis, decernentes quod exemptio, absolutio et libertatio huiusmodi nullis debeat a quocumque infringi temporibus vel quibuscumque dolis aut machinationibus alterari seu in dubium aut in irritum revocari sed plenam et irrefragabilem roboris perpetui obtineat firmitatem, non obstantibus quibuscumque pactis, conventionibus, contractibus, promissionibus et obligationibus cum quibusvis locis, communitatibus et universitatibus ac personis modo quocumque forsitan superinde factis, literis, iuramento vel alia quacumque firmitate roboratis, quibus omnibus derogare censuimus nullamque respectu et in contrarium praesentium habere vigoris firmitatem praesentium patrocinio mediante. In cuius rei memoriam firmitatemque perpetuam praesentes eisdem concessimus literas nostras privilegiales pendentis authentici sigilli nostri novi duplicis munimine roboratas. Datum per manus reverendi in Christo patris domini Eberhardi episcopi Waradiensis, aulae nostrae summi cancellarii fidelis nostri dilecti, anno domini millesimo quadringentesimo nono, octavo Kalendas Aprilis, regni autem nostri vigesimo.

<re>Von der Kanzlei: Commissio propria domini regis. [S. 477] </re>


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 475 (1 zu voranstehender Urkunde Nr. »1628), 1 auf S. 476.^{^}
[S. 475]
2) Raum für S leer gelassen.^{^}
[S. 476]
1) Vorlage: eisque.^{^}