Urkunde Nr. 1628 aus Band III

Seite im UB:

474-475 ^a)

Heute in:

Klausenburg, Filiale des Erzbischöflichen Archivs [Arhiva Arhidiecezei Romano Catolice de Alba Iulia si arhiva statusului Romano Catolic din Transilvania, Filiala Cluj]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1628

1409 März 7 Der Szegszarder Konvent bezeugt, dass der Kantor Johann, Sohn Michaels von Thetyn, ein Haus in Klausenburg an den Magister Jakob Polkuscher in Klausenburg verkauft hat.

Conventus monasterii Saxardiensis universis Christi fidelibus praesentibus et futuris harum notitiam habituris salutem in omnium salutis largitore. Quoniam oblivionis unicum est remedium videlicet scriptura rerum praeteritarum ordinem continens calumniisque eximpleta¹⁾ cupiditate hominum monendo infert silentium, modos contentionis explicans sua serie praesentibus et futuris loquitur veritatem, ad universorum itaque notitiam harum serie volumus pervenire, quod religiosus vir frater Johannes natus Michaelis de Thetyn cantor monasterii beatae Mariae virginis de Chykador ad nostram veniens praesentiam per eundem confessum exstitit in hunc modum, quod ipse quandam domum suam acialem in introitu castri in civitate regali Cluswar vocata habitam in vicinitate²⁾ domus Johannis dicti Twnkel³⁾ cum suis utilitatibus et aedificiis singulis pro evitandis quibusdam necessitatibus ipsum ad praesens urgentibus et signanter ut suis creditoribus et notanter quibus dicta domus impignorata exstitisset, satisfacere possit, viro scientifico Jacobo dicto Polkuscher artium liberalium magistro iuratoque civi de Cluswar praedicta pro quadam vinea sua in territorio domini abbatis de Clusmonstra vineis Thomae dicti Weymber et Mathiae Bulhyn adiacente necnon quadam pecuniae summa plene et integre ut dixit habita ab eodem⁴⁾ nulli vicinorum aut extraneorum eandem vendere intendens sed magis memorato magistro Jacobo ob amoris vinculum speciale diversarumque complacentiarum studium, quibus idem ipsi fratri Johanni deservire studuit, appropr[iare v]olens et desiderans vendidisset, dedisset et appropriasset, immo vendidit et dedit ac appropriavit perpetuo et irrevocabiliter in filios filiorum heredumque ipsius successores possidendam, tenendam ethabendam nullum ius nullumve dominium in eadem sibi reservan[do, sed]⁵⁾ totum ius et dominium, quod ipse in eadem domo habuisse dignosceretur, in praefatum magistrum Jacobum et suos heredes transferendo tali tamen conditione interiecta, ut dictus magister Jacobus singulis annis tres florenos auri quamdiu ipse frater Johannes [vitam du]xerit⁶⁾ in humanis eidem persolvere teneatur defunctoque eodem fratre Johanne ipse magister Jacobus et sui heredes a solutione dictorum trium florenorum [S. 475] auri omnimode sint liberi et exempti contradictione consanguineorum¹⁾ quorumlibet praefa[ti frat]ris Johannis minime valitura, assumens idem frater Johannes memoratum magistrum Jacobum et suos heredes ab omnibus praetextu dictae domus impetere volentibus expedire et defensare ac in dominio conservare suis propriis laboribus et expensis. In cuius rei memoriam perpetuamque firmitatem praesentes literas nostras privilegiales pendentis et authentici sigilli nostri munimine roboratas dicto magistro Jacobo et suis heredibus duximus concedendas. Datum feria quinta proxima ante dominicam Occuli, anno domini millesimo quadringentesimo nono. Praesentibus itaque viris religiosis Johanne priore et cantore, Martino custode ceterisque fratribus in dicto monasterio deo famulantibus iugiter et devote.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen:1-6 auf S. 474, 1 auf S. 475 (dortige 2 zu nachfolgender Urkunde Nr. »1630).^{^}
[S. 474]
1) So Vorlage. ^{^}
2) Vorlage: vicinate.^{^}
3) Kann auch Twukel gelesen werden. ^{^}
4) Vorlage: eisdem.^{^}
5) Loch, 0.8 Centimeter breit. ^{^}
6) Desgleichen 0.7 Centimeter. ^{^}
[S. 475]
1) Vorlage: consaguineorum.^{^}