Urkunde Nr. 1549 aus Band III

Seite im UB:

382-385 ^a)

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) 73864 - Familienarchiv Teleki zu Neumarkt (Családi levéltárak, Teleki család, marosvásárhelyi) Nr. 356,

Druckvorlage:

nach Original

Abdruck als:

Volltext

Sprache:

Latein

---

1549

1405 Dezember 29 König Sigmund bekräftigt für Anthonius, den Sohn Nikolaus' von Somkerek, und Genossen die Urkunde des Königs Sigmund von 1405 Nr. »1527, ferner die Urkunde des Weissenburger Kapitels von 1405 Nr. »1540 mit der Urkunde des Königs Sigmund von 1405 Nr. »1528, betreffend die Besitzungen Scharberg und Gernyeszeg. [S. 383]

Von der Kanzlei: Commissio propria domini regis.

[S]igismundus¹⁾ dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex, marchio Brandemburgensis, sacri Romani imperii archicamararius, Bohemiae et Lucemburgensis heres omnibus Christi fidelibus praesentibus pariter et futuris praesentium notitiam habituris salutem in salutis largitore. Caelestis altitudo consilii supra cuncta tenens imperium in excelsis ad hoc in orbe terrarum regum et principum constituit potestates,²⁾ ut ipsi elevatis in circuitu oculorum circumspectibus illis suum domum regium suaeque regiae munificentiae dextram porrigant adiutricem, quos fidei sinceritas et devotionis fidelitas virtutumque urbanitas digne et merito recommendant. Proinde ad universorum notitiam harum serie volumus pervenire, quod fidelis noster vir nobilis Anthonius filius Nicolai de Sumkerek³⁾ sua ac Johannis fratris sui uterini in personis in nostrae celsitudinis veniens conspectum exhibuit nobis quasdam duas literas unam ut puta nostram regiam patentem, secretiori novo rotundo sigillo nostro consignatam super perennali donatione quarundam possessionum Sarumberk et Gernyezegh vocatarum ac tributi in Sarumberk praedicta exigi consueti in partibus nostris Transsiluanensibus in comitatu Tordensi habitarum et existentium, ad valorem seu numerum quinquaginta integrarum sessionum uti fertur se extendentium, quae ad manus nostras regias pro aliis possessionibus Harina, Belak et Neech vocatis, in praetactis partibus nostris Transsiluanis situatis titulo concambiali a viris magnificis Frank comite iudice curiae nostrae et Symone ianitorum pridem nostrorum regalium magistro filiis scilicet quondam Koniae bani de Zechen devenerunt,⁴⁾ et aliam similiter patentem honorabilis capituli ecclesiae Albensis Transsiluanae super legitima statutione possessionum praefatarum ac tributi pro eisdem Anthonio filio Nicolai ac Johanne fratre suo carnali rite factis confectas tenorum subsequentium, supplicans exinde maiestati nostrae humiliter et devote, ut easdem ratas, gratas et acceptas habendo nostrisque literis privilegialibus verbotenus inseri faciendo pro ipsis eorumque heredibus innovantes perpetuo valituras dignaremur confirmare. Quarum unius scilicet nostrae regiae literae patentis tenoris est. (Folgt die Urkunde des Königs Sigmund von 1405 Nr. »1527.) Alterius siquidem ut puta annotati capituli ecclesiae Albensis Transsiluanae literae tenor per omnia sequitur in haec verba. <ku<(Folgt die Urkunde des Weissenburger Kapitels von 1405 Nr. »1540 mit der Urkunde des Königs Sigmund von 1405 Nr. »1528.) Nos igitur humillimis et devotis ipsius nobilis viri Anthonii filii Nicolai de Sumberk supplicationibus [S. 384] nominibus quibus supra nostrae per eum subiective oblatis maiestati regia benignitate exauditis et clementer admissis praefatas binas literas nostram scilicet sub dicto novo rotundo et secretiori sigillo nostro emanatam et annotati capituli ecclesiae Albensis Transsiluanae patentes, non abrasas, non cancellatas nec in aliqua sui parte vitiatas sed prorsus omni suspicionis vitio destitutas, immo merae et sincerae veritatis integritate praepollentes praesentibusque literis nostris privilegialibus de verbo ad verbum sine diminutione et augmento aliquali insertas quoad omnes earum continentias, articulos et clausulas acceptamus, approbamus et ratificamus, eas nihilominus requirentibus eximiis fidelitatibus et fidelium obsequiorum laude dignorum et praeconio attollendorum meritis et sinceris complacentiis praefati Anthonii per ipsum nobis et sacro nostro diademati, immo toti regno nostro cum summa fidelitatis constantia et vigilantia curiosa et laborum instantia assidua ferventer impensis et intrepide exhibitis auctoritate regia et potestatis plenitudine ex certaque nostrae maiestatis scientia, praelatorum etiam et baronum nostrorum consilio praematuro ac uniformi decreto eorundem simul cum praemissa possessionaria donatione et legitima statutione superius in earundem tenoribus latins enodatis pro eisdem Anthonio filio Nicolai et Johanne fratre suo uterino eorumque heredibus et posteritatibus universis absque alieni iuris praeiudicio innovantes perpetuo valituras confirmamus praesentis scripti nostri patrocinio mediante. In cuius rei memoriam firmitatemque perpetuam praesentes concessimus literas privilegiales pendentis et authentici sigilli nostri novi duplicis munimine roboratas. Datum per manus reverendissimi in Christo patris et domini, domini Eberhardi eadem dei et apostolicae sedis gratia episcopi Zagrabyensis aulae nostrae summi cancellarii fidelis nostri dilecti, anno domini M^o quadringentesimo quinto, quarto Kalendas mensis Januarii, regni nostri anno decimo septimo. Venerabilibus in Christo patribus et dominis Valentino tituli sanctae Sabinae sacrosanctae Romanae ecclesiae presbytero cardinali et ecclesiae Quinqueecclesiensis gubernatore, Johanne Strigoniensi, Collocensi et Jadrensi sedibus vacantibus, Andrea Spalatensi et altero Andrea Ragusiensi archiepiscopis, Luca Waradiensi, Stephano Transsiluano, eodem domino Eberhardo Zagrabyensi, Agriensi sede vacante, Johanne Boznensi, Wesprimiensi sede vacante, Johanne Jauriensi, Vacyensi sede vacante, fratribus Dosa Chanadiensi et Hynkone Nitriensi electis et Thoma Seniensi¹⁾ ecclesiarum episcopis ecclesiam dei feliciter gubernantibus, Sirimiensi, Traguriensi, Scardonensi, Tininiensi, Nonensi, Sibinicensi, Corbauiensi, Macarensi et Ferensi sedibus vacantibus. Necnon magnificis viris Nicolao de Gara regni nostri Hungariae palatino, Johanne et Jacobo vaivodis nostris Transsiluanis, comite Frank filio quondam Koniae bani iudice curiae nostrae, Paulo Bisseno et altero Paulo de Pech Dalmaciae, Croaciae praedictorum ac totius Sclauoniae, Johanne de Marouch Machouiensi banis, honore banatus Zeuriniensis vacante, Nicolao Treutul de Neuna tavarnicorum et comite de Posega, magistratus ianitorum nostrorum honore vacante, Martino Ders dapiferorum, Laurencio de Thar pincernarum, Petro Cheh [S. 385] agasonum nostrorum magistris, Silstrang comite Posoniensi aliisque quampluribus regni nostri comitatus tenentibus et honores.

Von der Kanzlei: Commissio propria domini regis.


a) Erster Seitenumbruch nach Kopfregest. Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-4 auf S. 383, 1 auf S. 384.^{^}
[S. 383]
1) Raum für S leer gelassen.^{^}
2) Vorlage: potestatas.^{^}
3) Gebessert aus: Sumberk.^{^}
4) Vorlage: deventarum.^{^}
[S. 384]
1) Vorlage: Beniensi.^{^}