Urkunde Nr. 1528 aus Band III

Seite im UB:

341-342

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 73860 - Familienarchiv Teleki zu Neumarkt (Családi levéltárak, Teleki család, marosvásárhelyi) Nr. 353.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1528

Ofen 1405 Juni 22 König Sigmund beauftragt das Weissenburger Kapitel bei der Einführung Anthonius', des Sohnes Nikolaus' von Somkerek, und Genossen in den Besitz von Scharberg und Gernyeszeg mitzuwirken.

Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera, sacri Romani imperii vicarius generalis et regni Bohemiae gubernator fidelibus suis capitulo ecclesiae Transsiluanae salutem et gratiam. Cum nos quasdam possessiones nostras Sarumberk et Gernyezeg vocatas simul cum tributo in dicta Sarumberg exigi consueto in partibus nostris Transsiluanis in comitatu nostro Tordensi habitas et existentes, ad valorem seu numerum quinquaginta integrarum sessionum se extendentes, quae ad manus nostras regias pro aliis possessionibus Harinna, Bylak et Nech vocatis, in dictis partibus nostris Transsiluanis habitis per modum concambii a viris magnificis Frank comite curiae nostrae et Symone pridem ianitorum nostrorum regalium magistro devenerunt, simul cum universis ipsarum utilitatibus, fructibus, proventibus et emolimentis quovis modo vocitatis fideli nostro dilecto nobili viro Anthonio filio Nicolai de Sumkerek¹⁾ et per eum Johanni fratri eiusdem carnali pro eiusdem Anthonii fidelibus servitiis per alias nostrae maiestatis literas novaeque nostrae donationis titulo in perpetuum contulerimus easdemque ipsis per nostrum et vestrum homines iuxta regni nostri consuetudinem statui facere intendamus, fidelitati igitur vestrae firmiter praecipiendo mandamus, quatenus vestrum mittatis hominem pro testimonio fide dignum, quo praesente Johannes filius Semyen de Zenthkyral vel Stephanus frater eiusdem de eadem aut Nicolaus Bolgar dictus sin Georgius filius Benedicti de Iklod seu Petrus et Ladislaus filii Iwanka aliis absentibus homo noster ad facies praedictarum possessionum Sarumberk et Gernyezeg vocatarum vicinis et commetaneis earundem universis inibi legitime convocatis et praesentibus accedendo introducat praefatos Anthonium et Johannem in dominium earundem statuatque easdem eisdem praemissae nostrae donationis titulo perpetuo possidendas, [S. 342] si non fuerit contradictum. Contradictores si qui fuerint, citet ipsos contra annotatos Anthonium et Johannem in praesentiam vaivodarum partium nostrarum Transsiluanarum ad terminum competentem rationem contradictionis eorum reddituros. Et post haec ipsius introductionis et statutionis seriem cum nominibus contradictorum et citatorum si qui fuerint et termino assignato dictis vaivodis nostris more solito rescribatis. Datum Budae, feria secunda proxima post festum corporis Christi, anno domini millesimo quadringentesimo quinto.


1) 1405 König Sigmund, Bekräftigungsurkunde: Sumberk.^{^}