Urkunde Nr. 1527 aus Band III

Seite im UB:

339-341 ^a)

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) 73859 - Familienarchiv Teleki zu Neumarkt (Családi levéltárak, Teleki család, marosvásárhelyi) Nr. 351.

Druckvorlage:

nach Original

Abdruck als:

Volltext

Sprache:

Latein

---

1527

Ofen 1405 Juni 21 König Sigmund verleiht Anthonius, dem Sohne Nikolaus' von Somkerek, und Genossen die Besitzungen Scharberg und Gernyeszeg sammt den in Scharberg zur Einhebung gelangenden Abgaben.

Von der Kanzlei: Relatio Jacobi filii Lachk vaivodae.

Nos Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera, sacri Romani imperii vicarius generalis et regni Bohemiae gubernator²⁾ memoriae commendamus tenore praesentium significantes quibus expedit universis, quod nos consideratis et in acie nostrae mentis mature praemetitis fidelitatibus et fidelium servitiorum gratis meritis et acceptis fidelis nostri dilecti nobilis Anthonii filii Nicolai de Somkerek,³⁾ quibus ipse nobis et nostro sacro regio diademati sub diversis [S. 340] locis et temporibus studuit complacere, et signanter pridem, dum sub Nykapol cum perfidis sacrae orthodoxae fidei persecutoribus bellum commisissemus generale et sinistrante nobis fortuna pro nostra liberatione et restauratione exercitus nostri pervenissemus¹⁾ Danubii flumen, tunc ipse Anthonius inter alios proceres nostros agiliter galeam pro nostrae tuitione personae fideliter conservavit, et subsequenter annis noviter elapsis, dum per universos regni nostri incolas detentionis grande alligabamur vinculis, idem castrum nostrum Tylynyense in regno nostro Croaciae contra Boznenses nostri ad honorem culminis sincera fidelitate custodivit, tandemque in praesentibus regni nostri disturbiis mortis non verens periculum cum diversis sanguinis eius et suorum effusionibus quamplurimisque vulnerum plagis nobis et sacrae nostrae regiae coronae intrepidis famulatibus servire non obmisit, debetque et anhelat ferventius in futurum, et licet ipse Anthonius praetextu huiusmodi suorum laude dignorum servitiorum multa maiora remunerationis praemia a nobis mereretur, tamen in aliqualem recompensam eorundem quasdam possessiones nostras Saromberk et Gernezegh vocatas simul cum tributo in Saromberk²⁾ exigi consueto in partibus nostris Transsiluanis in comitatu Tordensi habitas, existentes, ad valorem seu numerum quinquaginta integrarum sessionum se extendentes, quae ad manus nostras regias pro aliis possessionibus Harynna, Belak et Nech vocatis, in dictis partibus nostris Transsiluanis habitis per modum concambii a viris magnificis Frank comite curiae nostrae et Symone ianitorum pridem nostrorum regalium magistro filiis scilicet quondam Konyae bani de Zecheen devenissent, simul cum universis ipsarum utilitatibus, fructibus, proventibus, redditibus, obventionibus, emolimentis, terris etiam arabilibus, cultis et incultis, praediis, vineis, iuribus montium, pascuis, pratis, fenetis, silvis, nemoribus, rubetis, virgultis, montibus, vallibus, arundinibus, paludibus, molendinis, aquis, rivis, piscinis, aquarum decursibus et generaliter cunctis ipsarum utilitatum integritatibus et pertinentiis universis cuiuscumque nominis vocabulo vocitatis sub earum veris metis et antiquis limitationibus et terminis, quibus eaedem per nos aut alios priores possessores tentae sunt et possessae,³⁾ eidem Anthonio et per eum Johanni filio praedicti Nicolai, fratri eius uterino ipsorumque heredibus et heredum suorum successoribus et posteritatibus universis de certa nostra scientia ac dominorum praelatorum et baronum nostrorum consilio de manibus nostris regiis novae nostrae donationis titulo ac omni eo iure, quo eaedem nostrae incumbunt collationi, dedimus, donavimus et contulimus,⁴⁾ immo damus, donamus et conferimus iure perpetuo et irrevocabiliter habendas, tenendas pariter et possidendas salvo tamen iure alieno, promittentes denique ipsum Anthonium et fratrem eius Johannem praedictum eorumque heredes et posteritates in ipsis possessionibus contra quosvis impetitores et causidicos protegere et⁵⁾ conservare harum nostrarum [S. 341] vigore et testimonio literarum, quas in formam nostri privilegii faciemus redigi, dum nobis in specie fuerint reportatae. Datum Budae, in dominica proxima post festum sacratissimi corporis Christi, anno eiusdem millesimo quadringentesimo quinto.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-3 auf S. 339 (1 zu voranstehender Urkunde), 1-5 auf S. 340.^{^}
[S. 339]
1) Verlängerte Schrift.^{^}
2) Vorlage: gubernatur.^{^}
3) 1405 König Sigmund, Bekräftigungsurkunde: Sumberk.^{^}
[S. 340]
1) Gebessert aus: petivissemus.^{^}
2) Vorlage: Sarombek.^{^}
3) Vorlage: posse.^{^}
4) Vorlage: contulimuus.^{^}
5) Über der Zeile nachgetragen.^{^}