Urkunde Nr. 998 aus Band II

Seite im UB:

398-399 ^a)

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

998

1373 Februar 6 König Ludwig I. bestätigt für Nikolaus, den Sohn Christians von Neudorf, die Urkunde des Woiwoden Stephan von 1373 Nr. »997 enthaltend die Urkunde des Vizewoiwoden Johann von 1372 Nr. »978, enthaltend, ferner die Urkunde des Kolozsmonostorer Konventes von 1372 Nr. »990 mit der Urkunde des Vizewoiwoden Johann von 1372 Nr. »988, betreffend die Besitzung Törnen.

Lodouicus dei gratia¹⁾ Hungariae, Poloniae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex, princeps Solernitanus et honoris montis sancti Angeli dominus omnibus Christi fidelibus praesentibus pariter et futuris praesentium notitiam habituris salutem [S. 399] in salutis largitore. Ordo suadet aequitatis et ad apicem regiae pertinet maiestatis, ut ea quae rite processerunt illibata conserventur et quae a suis fidelibus iuste petuntur ad exauditionis gratiam admittantur. Proinde ad universorum notitiam harum serie volumus pervenire, quod Nicolaus filius Cristiani de Wyfalw nostrae celsitudinis adiens conspectum exhibuit nobis quasdam literas privilegiales magnifici viri Stephani vaivodae Transsiluani et comitis de Zolnuk in facto possessionis Pokafalua vocatae in comitatu Albensi existentis confectas et emanatas tenoris subsequentis, supplicans nostrae regiae sublimitati prece subiectiva et devota, ut ipsas literas dicti Stephani vaivodae acceptare, approbare, ratificare et pro eodem Nicolao suisque heredibus et universis de benignitate regia confirmare dignaremur. Quarum tenor talis est. (Folgt die Urkunde des Woiwoden Stephan von 1373 Nr. »997 enthaltend die Urkunde des Vizewoiwoden Johann von 1372 Nr. »978, enthaltend ferner die Urkunde des Kolozsmonostorer Konventes von 1372 Nr. »990mit der Urkunde des Vizewoiwoden Johann von 1372 Nr. »988.) Nos itaque praemissis supplicationibus¹⁾ ipsius Nicolai tamquam iustis, modestis et honestis nostrae maiestati humiliter porrectis per eundem regio inclinati cum favore praetactas literas ipsius Stephani vaivodae privilegiales omni prorsus vitio et suspicione destitutas totis earum tenoribus praesentibus de verbo ad verbum insertis quoad omnes sui continentias et clausulas acceptamus, approbamus, ratificamus et pro eodem Nicolao suisque heredibus et posteris universis mera regia auctoritate perpetuo valituras confirmamus praesentis privilegii nostri patrocinio mediante salvis iuribus alienis. In cuius rei memoriam perpetuamque firmitatem praesentes concessimus literas nostras privilegiales pendentis et authentici sigilli nostri novi, duplicis munimine roboratas. Datum per manus honorandi viri magistri Valentini lectoris Strigoniensis doctoris decretorum aulae nostrae vicecancellarii dilecti et fidelis nostri, anno domini millesimo trecentesimo septuagesimo tertio, octavo Idus mensis Februarii, regni autem nostri anno tricesimo tertio. Venerabilibus in Christo patribus dominis Thoma Strigoniensi, fratre Stephano Collocensi, Vgulino Spalatensi et Elya Wagusiensi archiepiscopis, Michaele Agriensi, Demetrio Transsiluano, Stephano Zagrabiensi, Wilhelmo Quinqueecclesiensi, Colomano Jauriensi, Ladislao Wesprimiensi, Johanne Vachyensi, Dominico Chanadiensi, Petro Boznensi, fratre Dominico Nitriensi, Stephano Syrimiensi, Nicolao Theleniensi, Demetrio Nonensi, Nicolao Trauguriensi, Stephano Farensi, Matheo Sybiniensi, Michaele Scardynensi, Jacobo Makarensi et Porciua Seniensi ecclesiarum episcopis ecclesias dei feliciter gubernantibus, Waradyensi et Corbauiensi sedibus vacantibus. Magnificis viris Stephano regni nostri palatino, Stephano vaivoda Transsiluano, Petro iudice curiae nostrae, Johanne magistro tavarnicorum nostrorum, domino Karolo duce Duracii banatum Dalmaciae et Croaciae tenente, Nicolao de Machow et altero Nicolao de Zeech regni Sclauoniae banis, Johanne pincernarum, Paulo dapiferorum, Johanne ianitorum et Stephano agasonum nostrorum magistris ac Michaele dicto Heer comite Posoniensi aliisque quampluribus comitatus regni nostri tenentibus et honores. [S. 400]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 398 (1 auch in voranstehender Urkunde verwendet), 1 auf S. 399.^{^}
[S. 398]
1) Bis hierher kleine verlängerte Schrift.^{^}
2) Vorlage: pua.^{^}
[S. 399]
1) Bis hierher kleine verlängerte Schrift.^{^}