Urkunde Nr. 978 aus Band II

Seite im UB:

373-375 ^a)

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

978

Szentimre 1372 März 17 Johann, Vizewoiwode von Siebenbürgen, bezeugt den Vergleich zwischen Comes Nikolaus von Donnersmarkt, dem Sohne Christians von Neudorf, einerseits und den Söhnen Georgs von Törnen andererseits, betreffend die Besitzung Törnen. [S. 374]

Nos Johannes vicevaivoda¹⁾ Transsiluanus memoriae commendamus per praesentes, quod in octavis diei medii quadragesimae nunc proxime praeteritis²⁾ comite Nicolao de Monora actore ab una, parte vero ab altera Johanne et Thoma filiis Georgii filii Basow de Pokafalua, in causam attractis iuxta continentiam priorum literarum nostrarum prorogatoriarum modum et formam iudiciariae nostrae deliberationis exprimentium, easdem octavas²⁾ denotantium ad nostram personaliter accedentes praesentiam, per easdem partes pari et consona voce ac per modum pacificum nobis propositum exstitit pariter et relatum oraculo vivae vocis, quod licet regia maiestas eundem comitem Nicolaum fllium Cristiani vulgariter Greeb de villa Wyfalw vocata ex humillima et instanti³⁾ supplicatione eiusdem auresque audibiles suas benignitate regia praebendo propter sua servitia fidelia eiusdem comitem Nicolaum Georgio filio Pouka de Poukafalua sine prole masculino avo suo videlicet patre dominae Margarethae matris suae in eiusdem Georgii iuribus possessionariis ac hereditatibus in eadem possessione Pokafalua vocata in comitatu Albensi Transsiluano habita existenti eundem Georgium quoquomodo tangentibus verum heredem⁴⁾ et legitimum successorem creasset, instituisset et praefecisset de regiae suae potestatis plenitudine et gratia speciali volendo et committendo ipsa regalis maiestas, ut dicta iura possessionaria et hereditaria memorati Georgii filii Pouka in eu[nde]m Nicolaum nepotem suum tamquam filium suum naturalem ac ipsius Nicolai heredes et posteros iure successorio devolverentur perennaliter possidenda lege regni seu consuetudinaria, quae dictae institutioni suae gratiosae viderentur repugnare, non obstante, insuper prae[fatum N]icolaum in possessionaria portione dictae dominae Margarethae matris suae, quam ipsa similiter in dicta possessione Poukafalua pro iure suae quartae filialis secundum regni consuetudinem in spem habere debuisset pro eo, quod ipsi Cristiano ut puta homini ignobili et [imposse]ssionato nupta fuisset, matrimonium commisisset, perpetuo esse successorem eandem possessionariam portionem sibi et suis posteris confirmasset dominus noster rex praenotatus, ratione quarum possessionariarum portionum lis et contentio non modica inter partes praedictas mota f[uis]set exorta ac diutius ventilata, eandem tamen, ut omnis litis et dissensionis materia ac invidiae fomes e medio ipsorum radicitus exstirparetur ac ipsi et eorum posteritates invicem sempiterno pacis favore et mutua se vicissitudine fraternitaliter amplexari valerent, per compositionem et ordinationem quamplurimorum proborum et nobilium virorum pacem partium sincere zelantium adepta tamen prius nostra iudiciaria concordandi licentia taliter [S. 375] inter se concordassent et devenissent, immo concordarunt et devenerunt coram nobis tali modo, quod si ipsi Johannes et Thomas filii Georgii filii Basow pro omnimoda expeditione eorum relictis et sedatis omnibus acquisitionibus ipsius comitis Nicolai filii Cristiani in dicta possessione Poukafalua prius recitata quartam partem eiusdem possessionis per eundem comitem Nicolaum dudum a Martino filio Alardi et sororibus eiusdem filiabus scilicet eiusdem Alardi, quae olim per eundem Georgium filium Basow ratione quartae filialis dominae matris suae sororis eiusdem Basow filiae videlicet Poka extradata exstitisset, pretio comparatam pacifice cum omnibus suis utilitatibus et pertinentiis universis perpetuo reliquissent possidendam, ceterum residuas alias tres partes eiusdem possessionis in tres partes coaequales inter se dividere tenerentur et sorte inter ipsos immissa tertiam partem earundem cum omnibus utilitatibus et pertinentiis quibuslibet videlicet terris arabilibus, fimatis et campestribus, aquis, piscinis et locis piscinarum, fenetis et aliis quibuslibet utilitatibus ad dictam quartam partem modo praemisso prius extradatam superaddentes eidem comiti Nicolao filio Cristiani et per eum suis heredibus heredumve suorum successoribus et posteritatibus universis perpetuo et irrevocabiliter possidendam, tenendam pacifice pariter et habendam dedissent et tradidissent, ac dederunt et tradiderunt coram nobis, assumentes et obligantes se et eorum successores praefatum comitem Nicolaum filium Cristiani et suos heredes ab omnibus temporis in processu impetere volentibus semper et ubique propriis eorum laboribus et expensis expedire et in pacifico dominio conservare, universas etiam literas inquisitionales, obligationales et alias quascumque usque diem datarum praesentium contra sese sub qualicumque forma verborum emanatas cassas et inanes relinquentes viribus carituras earumque exhibitionibus nocituras. In quorum omnium praemissorum testimonium praesentes literas nostras patentes, eisdem¹⁾ duximus concedendas. Datum in sancto Emerico, octavo die praedictarum octavarum diei medii quadragesimae, anno domini millesimo trecentesimo septuagesimo secundo.


a) Seitenumbruch nach Kopfregest. Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-4 auf S. 374, 1 auf S. 375 (dortige 2 zu nachfolgender Urkunde).^{^}
[S. 374]
1) Bis hierher kleine verlängerte Schrift.^{^}
2) März 10. [2x]^{^}
3) Vorlage: ininstanti.^{^}
4) Vorlage: heredum.^{^}
[S. 375]
1) Vorlage: eidem.^{^}