Urkunde Nr. 988 aus Band II

Seite im UB:

387-388 ^a)

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

988

Szentimre 1372 Juli 24 Johann, Vizewoiwode von Siebenbürgen, ersucht den Kolozsmonostorer Konvent, bei der Einführung des Comes Nikolaus, Sohn Christians von Neudorf, in die Hälfte der Besitzung Törnen mitzuwirken.

Religiosis viris et honestis conventui ecclesiae beatae Mariae virginis de Kolosmonostora amicis suis Johannes vicevaivoda Transsiluanus amicitiam paratam. Dicit nobis comes Nicolaus filius Cristiani de Wyfalw, quod ipse iuxta continentiam instrumentorum suorum in dominium rectae dimidietatis cuiusdam possessionis Poukafalua²⁾ vocatae ipsum de iure tangentis per formam iuris vellet introire, si contradictio cuiuspiam eidem non obviaret [S. 388] in hac parte. Quare vestram requirimus amicitiam praesentibus diligenter, quatenus vestrum mittatis hominem pro testimonio fide dignum, quo praesente Petrus vel Ladislaus filii Johannis de Peturfalua ac Nicolaus dictus Baguth de Jclund aliis absentibus homo noster ad faciem praedictae possessionis Pokafalua vocatae accedendo vicinis et commetaneis eiusdem undique legitime inibi convocatis et praesentibus rectam dimidietatem eiusdem possessionis Poukafalua vocatae iuxta continentiam instrumentorum eiusdem eidem comiti Nicolao filio Cristiani cum omnibus suis utilitatibus et pertinentiis quibuslibet statuat et relinquat perpetue possidendam, si per quempiam non fuerit contradictum, contradictores vero si qui fuerint citet eosdem contra eundem Nicolaum ad nostram praesentiam ad terminum competentem rationem contradictionis ipsorum reddituros. Et post haec ipsius possessionariae statutionis seriem ac si necesse fuerit nomina contradictorum, diem et locum citationis cum termino assignato nobis in vestris literis amicabiliter rescribatis. Datum in sancto Emerico, in vigilia festi beati Jacobi apostoli, anno domini millesimo trecentesimo septuagesimo secundo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 387 (1 zu voranstehender Urkunde).^{^}

2) Fehlt in der Vorlage. ^{^}