Urkunde Nr. 1140 aus Band II

Seite im UB:

537-538

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 1176 - Abt. 37: K. A. Reps [Parohia Ev. CA Rupea], Nr. 1.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1140

Kokelburg 1381 März 25 Johann, Vizewoiwode von Siebenbürgen, ersucht das Weissenburger Kapitel, bei der Einführung des Famulus Nikolaus, Sohn Peters von Johannisdorf, in Besitz und Besitzrechte in Johannisdorf mitzuwirken.

Dominis et amicis suis carissimis capitulo ecclesiae Transsiluanae Johannes vicevaivoda Transsiluanus amicitiam cum honore. Dicit nobis Nicolaus filius Petri de Zenth Iwan, quod Petrus quondam de dicta Zenth Iwan et per consequens Ladislaus filius Emerici de Ebesfalua domini sui pro suis servitiis meritoriis unam sessionem seu curiam in eadem Zenth Iwan a quodam fossato inter domum Petri Ffeyer et domum suam habito de eadem Zenth Iwan exeunte versus possessionem Kund a parte dextra extensam cum tertia parte duorum molendinorum in fluvio piscinae eiusdem Zenth Iwan cum duabus terris supra domum suam, item duabus terris supra quoddam berch Tamastelke vocatum, item quatuor terris ad puteum Pechkuch venientibus, item supra molendinum altum quatuor terris, item duabus terris ad viam ad Lapusligeth venientem, item duabus terris a parte Lapusligeth, item sex terris in Jerkumuelgw a parte sinistra supra viam, item tribus terris ad Karachnukykuulgw cum pede venientibus, item quatuor terris supra quendam rivulum Rurkumuelgpataka in septentrionali, item duabus terris fenilibus, quarum finis ad meridiem ducitur, quae forent ultra Garath a parte Handruh, item quatuor terris supra puteum Tergwkuth a parte dextera in eadem Zenth Iwan supra viam, item novem terris ad Kechnirpataka veniente, quarum tres sunt in uno loco, quatuor in alio et duae earum similiter in tertio loco, item duabus terris in Esponuelgw existentibus, item duabus terris in Engudal arabilibus ita videlicet quantum in silvis eorum iidem Nicolaus vel sui posteri uti possent dedisset in filios [S. 538] filiorum suorum cum utilitatibus vinearum, in quarum dominium vellet iuxta regni consuetudinem introire, ita videlicet quod pecora dicti Nicolai cum pecoribus Saxonum semper in communi in locis pascualibus libere ubique procedere possint. Super quo vestram amicitiam praesentibus petimus,quatenus vestrum mittatis hominem pro testimonio fide dignum, quo praesente Stephanus filius Benedicti de Kapulna vel Ladislaus de eadem aut Ladislaus filius Jacobi de Somogyon aliis absentibus homo noster personaliter vicinis et commetaneis earundem legitime inibi convocatis et praesentibus accedendo introducat eundem Nicolaum in dominium praefatarum sessionis et terrae in filios filiorum perpetuo possidendas. Et post haec seriem totius facti ut fuerit expediens nobis amicabiliter suo modo rescribatis. Datum in castro Kykulleu, in festo annunciationis beatae Mariae virginis, anno domini millesimo CCC^mo octuagesimo primo.