Urkunde Nr. 1142 aus Band II

Seite im UB:

539-540 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 1176 - Abt. 37: K. A. Reps [Parohia Ev. CA Rupea], Nr. 1.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1142

1381 Mai 12 Das Weissenburger Kapitel schaltet die Urkunde des Vizewoiwoden Johann von 1381 Nr. »1140 ein und berichtet dem Vizewoiwoden, dass der Famulus Nikolaus, Sohn Peters von Johannisdorf, in Besitz und Besitzrechte in Johannisdorf eingeführt worden ist.

Nobili viro magistro Johanni vicevaivodae Transsiluano amico ipsorum capitulum ecclesiae Transsiluanae amicitiam cum honore. Literas vestrae amicitiae nobis directas recepimus in haec verba. (Folgt die Urkunde des Vizewoiwoden Johann von 1381 Nr. »1140.) Nos itaque iustis et legitimis petitionibus vestris annuentes cum praefato Stephano [fili]o Benedicti de Kapulna homine vestro nostrum hominem videlicet Andream presbyterum magistrum altaris beatorum Cosmae et Damiani martyrum in corpore ecclesiae nostrae constructi ad praemissa exequenda duximus transmittendum. Qui demum ad nos reversi nobis concorditer retulerunt, quod ipsi feria quinta proxima post festum apparitionis beati Mychaelis [arc]h[angeli] nunc proxime praeteritum³⁾ ad faciem possessionis Zenth Iwan accessissent ac vicinis et commetaneis eiusdem circumquaque legitime convocatis ac praesentibus unam sessionem seu curiam in eadem Zenth Iwan a quodam fossato inter domum Petri Feyer et domum suam habito de eadem Zenth Iwan exeunte versus possessionem Kund a parte dextera extensam cum tertia parte duarum [S. 540] rotarum molendinorum in fluvio piscinae eiusdem villae Zenth Iwan ac quadraginta octo iugeribus terrarum arabilium, prout in literis vestris plenius superius declaratur, eidem Nicolao filio Petri de Zenth Iwan famulo praedicti magistri Ladislai filii Emerici et per eum suis heredibus statuissent perpetuo et irrevocabiliter possidendam, tenendam pariter et habendam nullo penitus contradictore apparente immo omnibus vicinis et commetaneis suis et specialiter praefato magistro Ladislao filio Emerici praefatae statutioni omnino volentibus et consentientibus et tribus diebus continuis stando pacifice et quiete in curia ante dicta, ita videlicet ut in silvis eiusdem villae Zenth Iwan praefatus Nicolaus et sui posteri semper liberum usum habebunt prout convenit et fructus vinearum suarum percipient prout ceteri percipere consueverunt ac pecora praenotati Nicolai cum pecoribus Saxonum eiusdem villae in locis communibus pascualibus libere ubique procedere et p[ascere] possint ac valeant. Datum die dominico proximo post quindenas festi beati Georgii martyris, anno domini millesimo CCC^mo octuagesimo primo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3 auf S. 539 (1-2 zu voranstehender Urkunde).^{^}

3) Mai 9.^{^}