Urkunde Nr. 1102 aus Band II

Seite im UB:

500

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1102

1379 Januar 22 Das Weissenburger Kapitel schaltet die Urkunde des Vizewoiwoden Johann von 1378 Nr. »1100 ein und berichtet dem Vizewoiwoden, dass Ladislaus, Sohn Emerichs von Eppeschdorf, in Betreff der Besitzungen Eppeschdorf, Reussdorf, Hohndorf, Gugendorf und Gogeschdorf vorgeladen worden ist.

Nobili viro magistro Johanni vicevaivodae Transiluano amico ipsorum capitulum ecclesiae Transiluanae debitam amicitiam cum honore. Literas vestras nobis directas recepimus in haec verba. (Folgt die Urkunde des Vizewoiwoden Johann von 1378 Nr. »1100.) Nos itaque iustis et legitimis petitionibus vestris annuentes cum praedicto Georgio de Balasteleke nomine vestro nostrum hominem videlicet Petrum clericum de choro ecclesiae nostrae pro testimonio fide dignum ad praemissa peragenda duximus transmittendum. Qui demum exinde ad nos reversi nobis concorditer retulerunt, quod cum ipsi feria secunda nunc proxime praeterita¹⁾ ad faciem praenominatae possessionis Ebesfalua vicinis et commetaneis suis legitime convocatis accedendo quartam partem eiusdem possessionis Ebesfalua praefatae nobili dominae consorti Johannis filii Nicolai de Vizakana filiae videlicet quondam Michaelis filii Hennegii statuere voluissent, Ladislaus filius Emerici de eadem Ebesfalua a statutione quartae partis eiusdem possessionis et etiam a statutione praetactae possessionis Kund ac medietatis possessionis Hondorph necnon quartae partis possessionum Goganfalua et Gyakus vocatarum, quas ipsi demum iuxta continentiam praedictarum literarum vestrarum etiam praefatae dominae consorti Johannis filii Nicolai statuere voluissent, ipsos prohibuissent ipsique eundem Ladislaum filium Emerici eodem die et loco contra praedictam dominam coniugem Johannis filii Nicolai ad octavas festi purificationis virginis gloriosae proxime nunc venturas²⁾ in vestram citassent praesentiam rationem contradictionis suae redditurum. Datum Sabbato proximo post festum beatorum Fabiani et Sebastiani martyrum, anno domini M^mo CCC^mo LXX^mo nono.


1) Januar 17.^{^}
2) Februar 9.^{^}