Urkunde Nr. 1100 aus Band II

Seite im UB:

498-499

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1100

Szentimre 1378 November 18 Johann, Vizewoiwode von Siebenbürgen, ersucht das Weissenburger Kapitel, bei der Einführung der Gattin Johanns von Salzburg, in den Besitz von Reussdorf, ferner der Hälfte von Hohndorf und des vierten Teiles von Gugendorf, Eppeschdorf und Gogeschdorf mitzuwirken.

Honorandis viris capitulo ec.clesiae Transiluanae dominis et amicis suis Johannes vicevaivoda Transiluanus amicitiam cum honore. Dicit nobis Johannes filius Nicolai de Vizakana in persona dominae coniugis suae filiae videlicet quondam Michaelis filii Hennigii de Segusuar, quod ipsa domina coniux sua mediantibus instrumentis suis iuxta regni consuetudinem ab antiquo approbatam in dominium possessionis Kund et medietatem possessionis Hondorph et quartae partis trium possessionum Goganfalua, Ebesfalua et Gyakus vocatarum vellet introire, si contradictio aliquorum sibi non obviaret. Super quo vestram diligenter petimus amicitiam, quatenus vestrum mittatis hominem pro testimonio fide dignum, quo praesente Thomas filius Akus de Bolya vel Dionisius filius Nicolai de Hydeguiz an Petrus filius Pauli de Balasteleke sive Georgias de eadem aliis absentibus homo noster ad facies dictarum possessionum accedendo omnibus vicinis et commetaneis earum legitime inibi convocatis et praesentibus easdem possessionarias portiones in praefatis possessionibus habitas iuxta vestra privilegia exinde confecta cum omnibus utilitatibus earundem statuat dominae ante dictae eo iure quo ad ipsam pertinere dignoscitur perpetuo possidendas, si contradictio aliquorum in statutione ipsarum possessionariarum portionum sibi non obviaverit, contradictores vero, si qui in statutione praefatarum possessionum exstiterint, ex tunc eosdem in nostram citetis praesentiam ad terminum competentem rationem contradictionis eorum reddituros. Et post haec totius [S. 499] facti seriem cum nominibus contradictorum et citatorum terminoque assignato nobis amicabiliter rescribatis. Datum in sancto Emerico, in octavis festi beati Martini confessoris, anno domini M^mo CCC^mo LXX^mo octavo.