Urkunde Nr. 891 aus Band II

Seite im UB:

288-289 ^a)

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) 30393 - Siebenbürgische Urkunden (Erdélyi országos kormányhatósági levéltárakból) Nr. L 98.

Druckvorlage:

nach Original

Abdruck als:

Volltext

Sprache:

Latein

---

891

1367 Februar 5 Das Grosswardeiner Kapitel schaltet die Urkunde des Königs Ludwig I. von 1366 Nr. »868 ein und bezeugt den Verlauf der Teilung eines zwischen Sard und Krapundorf gelegenen Landstrichs.

Capitulum ecclesiae Waradiensis universis Christi fidelibus praesentibus pariter et futuris praesentium notitiam habituris salutem in salutis largitore. Ad universorum notitiam harum serie volumus pervenire, quod literas serenissimi principis domini Lodouici dei gratia illustris regis Hungariae patenter confectas nobis directas recepimus summo cum honore nunc tenorem per omnia continentes. (Folgt die Urkunde des Königs Ludwig I. von 1366 Nr. »868.) Nos itaque mandatis eiusdem regiae sublimitatis ut tenemur cupientes obtemperare una cum homine eiusdem regii culminis Petro de Jara vicevaivoda Transsiluano ad hoc¹⁾ specialiter delegato virum discretum magistrum Ladislaum socium et concanonicum nostrum archidiaconumque de Kuleser unum pro testimonio ex nobis fide dignum ad contenta literarum earundem fideliter exequenda duximus destinandum. Qui demum ad nos reversi et per nos requisiti nobis concorditer retulerunt, quod ipsi in festo beati Jacobi apostoli nunc praeterito²⁾ et aliis diebus immediate subsequentibus ad hoc aptis ad faciem supra dictae terrae litigiosae vicinis et commetaneis suis inibi legitime convocatis et praesentibus accessissent et eandem in duas divisissent partes coaequales, quarum unam videlicet a parte praenotatae villae episcopalis Saard vocatae praefato domino Dominico episcopo eiusque ecclesiae et villae praenotatis, aliam vero partem supra dictae villae vestrae et usui populi eiusdem funiculo distributionis mensurando statuissent perpetuo possidendas, novas metas divisionem ipsius terrae demonstrantes in locis necessariis et opportunis erexissent hoc modo. Prima enim meta incipitur in quodam monte inter duos montes maiores unum a parte Igen Elusbyrch et a parte Saard Hegesberch vocatos [S. 289] a parte occidentali, et abhinc descendit in latere eiusdem montis, in quodam loco puro inter nemora,¹⁾ in quo prius vinea exstitisset, est alia meta de novo erecta, et dehinc in pede eiusdem montis est iterum una meta penes nemora¹⁾ erecta, et postea currendo versus villam regalem Karco vocatam scilicet ad partem orientalem in terris arabilibus erexissent unam metam, abhinc versus eandem plagam per bonum spatium eundo in eisdem terris arabilibus erexissent similiter unam metam, abhinc paulisper pergendo confodissent similiter unam metam terream et deinde similiter in eisdem terris arabilibus versus eandem plagam eundo erexissent unam metam similiter terream. Dehinc versus eandem plagam uti praemittitur per modicum spatium gradiendo unam metam terream erexissent, deinde in eisdem terris arabilibus prope quandam viam magnam et publicam qua itur de possessione Saard versus possessionem Igen vocatam iuxta quendam fluvium Igenpataca vocatum erexissent unam metam,²⁾ et abhinc transeundo versus eandem plagam orientalem scilicet versus possessionem Karco vocatam pergendo similiter in terris arabilibus successive erexissent septem metas, quarum una et ultima est satis prope ad quasdam tres metas terreas et lapideas, quae separant et distinguunt a parte possessionum Igen, Bochard et Saard et ibi eaedem metae de novo erectae dicuntur terminari. In cuius rei memoriam perpetuamque firmitatem praesentes concessimus literas nostras privilegiales pendentis et authentici sigilli nostri munimine roboratas. Datum in festo beatae Agathae virginis et martyris, anno domini M^o CCC^mo LX^{mo b)} septimo. Viris discretis Petro praeposito, Benedicto lectore, Stephano cantore, custodia vacante ceterisque canonicis dominis ac magistris salubriter existentibus.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 288 und 1-2 auf S. 289.^{^}
b) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier über dem Zahlzeichen, letztes nach dem Zahlzeichen nichthoch mit Abkürzungssstrich.^{^}
[S. 288]
1) Vorlage: huc.^{^}
2) 1366 Juli 25. ^{^}
[S. 289]
1) Vorlage: nemores [2x].^{^}
2) Hierauf: similiter unam metam.^{^}