Urkunde Nr. 789 aus Band II

Seite im UB:

195-196 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

789

1362 Mai 6 Der Kolozsmonostorer Konvent bezeugt, dass Joob, Sohn Gregors, und Genossen an Magister Jakob von Drag und Genossen die Hälfte der Besitzung Zentmartun verkauft haben.

Conventus monasterii beatae Mariae virginis de Clusmustra omnibus Christi fidelibus praesens scriptum inspecturis salutem in omnium salvatore. Ad universorum notitiam tam praesentium quam futurorum harum serie volumus pervenire, quod Joob filio Gregorii filii Joob de genere Zyl ac nobili domina Elyzabeth vocata matre eiusdem Joob et Petro dicto Zemes genero eiusdem Joob ab una, magistris Jacobo filio Nicolai magni de Drag ac Nicolao filio Johannis de Sumbur pro se personaliter et Michaele fratre suo uterino parte ex altera coram nobis personaliter constitutis, confessum exstitit per eundem Joob et nobilem dominam matrem eiusdem Job ministerio vivae vocis pariter et relatum, quod rectam dimidietatem possessionis ipsorum Zentmartun vocatae iure hereditario ipsos tangentis¹⁾ in comitatu de Doboka existenti habitam a parte praedictae villae Drag, similiter ex parte plagae occidentali adiacentem usque metas Zentpeter et Myko cum omnibus utilitatibus et pertinentiis universis ad ipsam medietatem spectantibus et cum patronatu ecclesiae sancti Martini in eadem constructae et fabricatae pro viginti marcis fini argenti ponderis civitatis de Clusuar, pro quibus iam dictus [S. 196] Gregorius filius Joob una cum Nicolao, Petro et Joob mediantibus literis privilegialibus honorabilis capituli ecclesiae Waradiensis titulo impignorationis eidem comiti Jacobo de Drag obligaverat, ac etiam pro septuaginta florenis aureis coram nobis in specie ipsis Joob et¹⁾ nobili²⁾ dominae datis et persolutis saepe dictis magistris Jacobo filio Nicolai magni de Drag, Nicolao et Michaeli filiis Johannis de Sumbur dederunt, vendiderunt et contulerunt coram nobis iure perpetuo et irrevocabiliter in filios filiorum ipsorum heredum per heredes servandam, possidendam, tenendam pariter et habendam cum omni pleno³⁾ iuris et dominio, nil proprietatis exinde³⁾ mediae partis ipsis reservando, tali tamen cautela imposita, quod quaecumque⁴⁾ sorores eiusdem Job vel etiam aliqui aut aliquis ex generatione iam dictorum Job et nobilis dominae quartam filialem, dotem et res paraphernales seu aliquam partem portionariam de ipsa medietate venditae et alienatae temporum in processu habere niterentur, ex tunc saepe dicti Joob et domina ac heredes ipsorum de portione ipsorum ipsis remanente dare et solvere sint astricti, salva ipsa medietate remanente sub tali vinculo interserto, quod ab omnibus impetitoribus seu inquietare volentibus praefatos magistros Jacobum, Nicolaum et Michaelem propriis laboribus ipsorum et expensis pacifice et quiete indemniter tenebuntur conservare. Si vero non possent vel non valerent, ex tunc aliam partem ipsis reservatam in eadem Zentmartim habitam similiter cum omnibus utilitatibus et pertinentiis universis ac patronatu praedictae ecclesiae aut aliam aequalem et similem utilitatis memoratis magistris Jacobo, Nicolao et Michaeli ac superstitibus ipsorum in perpetuum possidendam dare et statuere tenebuntur et insuper in subcumbo duelli idem Joob contra iudicem subiacebit eo facto. Ad quod se praefatus Job contra annotatos magistros Jacobum, Nicolaum et Michaelem se sponte obligavit coram nobis. In cuius rei memoriam perpetuamque firmitatem praesentes literas nostras privilegiales concessimus¹⁾ pendentis sigilli nostri munimine roboratas. Datum sexta feria proxima post octavas festi beati Georgii martyris, anno domini millesimo trecentesimo sexagesimo secundo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 195, 1-4 auf S. 196 (5 zu nachfolgender Urkunde).^{^}
[S. 195]
1) Vorlage: tangentes.^{^}
[S. 196]
1) Fehlt in der Vorlage [2x].^{^}
2) Vorlage: nobile.^{^}
3) So Vorlage [2x].^{^}
4) Vorlage: quicumque.^{^}