Urkunde Nr. 766 aus Band II

Seite im UB:

177-178

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Familienarchiv Béldi [Fond Familial Béldi] (Inventar 1152).

Druckvorlage:

nach Einschaltung (Insert)

Abdruck als:

Volltext

Sprache:

Latein

---

766

1360 Mai 7 Das Weissenburger Kapitel bezeugt, dass Magister Nikolaus von Durles einerseits und Magister Jakob und Genossen von Schmiegen andererseits in Betreff von Durles, Schmiegen, Almaschken, Gogeschdorf und Babucz einen Teilungsvertrag geschlossen haben, und schaltet die Urkunde des Weissenburger Kapitels von 1355 Nr. »697, betreffend den Wald Nogbyk, ein.

Nos capitulum ecclesiae Transsiluanae significamus tenore praesentium quibus expedit universis, quod magistro Nicolao filio quondam Symonis bani de Darlaz ab una, parte vero ex altera magistris Jacobo, Petro, Johanne et Symone filiis Mychaelis filii eiusdem Symonis bani de Sumugyn coram nobis personaliter constitutis, per eosdera confessum exstitit ministerio vivae vocis pariter et relatum, quod ipsi in eorum quinque villis seu possessionibus infra nominatis videlicet Darlaz et Sumugyn supra dictis, Almas,¹⁾ Gyakus et Babuch vocatis talem fecissent divisionem et fecerunt coram nobis inter se perpetuo duraturam, quod praedictae possessiones Sumugyn, Almas et Gyakus sub metis et distinctione metarum in aliis literis nostris patentibus super divisione cuiusdam silvae ipsorum Nogbyk vocatae confectis per ipsos in specie coram nobis exhibitis contentarum ac recta media pars possessionis Babuch praedictae cum omnibus earum utilitatibus praenominatis filiis Michaelis filii Symonis bani, praedieta vero possessio Darlaz similiter sub distinctione metarum in eisdem aliis literis nostris patentibus nostri in praesentia exhibitis contentarum ac alia recta media pars ipsius possessionis Babuch cum omnibus earum utilitatibus praedicto magistro Nicolao filio quondam Symonis bani cessissent et cesserunt coram nobis cuilibet partium sua portio perpetuo possidenda, tenenda et habenda omnesque alias literas super facto divisionis possessionum eorum qualitercumque et quomodocumque inter ipsos usque modo confectas et emanatas praeter praemissas alias literas nostras super divisione ipsius silvae Nogbyk confectas cassas, frivolas et inanes ac exhibitionibus earum nocituras commiserunt tali obligaminis vinculo interiecto, quod si qua partium praemissam divisionem refutando infringeret, ex tunc pars talis alteri parti ipsam divisionem inviolabiliter observanti in centum marcis argenti in praedictis aliis literis nostris patentibus contentis sine portione iudicis convinceretur et remaneret ipso facto. Insuper his peractis et confessis, eaedem partes nobis humiliter supplicarunt, ut praemissas alias literas nostras super divisione praedictae silvae Nogbyk confectas tenoris infra scripti uberiorem rei ad cautelam praesentibus literis nostris super confessionibus eorum praedictis emanatis annecti et adiungi ac de verbo ad verbum inseri faceremus. Quarum quidem literarum tenor per omnia talis est. (Folgt die Urkunde des Weissenburger Kapitels von 1355 Nr. »697.) Nos igitur ad instantem petitionem necnon [S. 178] confessionem partium praedictarum praesentes literas nostras simul cum inclusione et annexione tenoris et copiae praedictarum aliarum literarum nostrarum de verbo ad verbum concessimus sigilli nostri munimine roboratas. Praesentes vero dum nobis reportatae fuerint in formam literarum nostrarum privilegialium redigi faciemus. Datum feria quinta proxima post festum inventionis sanctae crucis, anno domini millesimo CCC<sup>mo>/hoch> a) sexagesimo.


a) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier über den Zahlzeichen.^

1) Hierauf gelöscht: d.^</sup>