Urkunde Nr. 5471 * aus Band VIII

Heute in:

Neumarkt am Mieresch, Staatsarchiv [Direcţia Judeţeană Mureş a Arhivelor Naţionale ale Romȃniei, Târgu Mureș]

Heutige Signatur:

Pfarrarchiv Schässburg [Parohia evanghelică CA Sighişoara] (Inventar 539)

Druckvorlage:

nach Original

Abdruck als:

Volltext

Sprache:

Latein

---

5471 *

1494 Mai 3 Das Weissenburger Kapitel schaltet auf Ersuchen des Markus, Dr. der Rechte, Pfarrer von Schaas, Archidiakon von Pest und Domherr von Waitzen, und des Schässburger Stadtpfarrers Magister Clemens die Urkunde des Schässburger Bürgermeisters, Richter und Rats von 1491 Nr. »5152 * und von König Wladislaws II. von 1491 Nr. »5154 * über die der Nikolaus-Kirche in Schässburg gehörende Besitzung Wolkendorf ein.

Capitulum ecclesiae Albensis Transsilvaniae omnibus Christi fidelibus praesentibus et futuris praesens scriptum inspecturis salutem in omnium salvatore. Ad universum notitiam harum serie volumus pervenire, quod venerabilis dominus Marcus legum doctor, plebanus de Segesd nec non archidiaconus Pesthiensis ac canonicus ecclesiae Wacciensis et honorabilis magister Clemens, similiter plebanus civitatis Segesvariensis, nomine et in persona parochialis ecclesiae beati Nicolai episcopi et confessoris civitate in eadem fundatae, nostram personaliter venientes in praesentiam exhibuerunt et praesentarunt nobis quasdam binas literas, vnam videlicet prudentium et circumspectorum Michaelis Polnar magistri civium, item Valentini Pictoris regii, Stephani Kramp terrestris iudicum ac Petri Rosznar aliorumque iuratorum civium dictae civitatis Segesvariensis privilegialiter emanatam ac sigillo civitatis eiusdem de subtus in cordula pendente consignatam formam et tenorem quarundam aliarum literarum, antecessorum similiter iudicis iuratorumque civium et seniorum ipsius civitatis Segesvariensis fassionalium sive testamentalium transsumptive in se continentem, aliam vero serenissimi principis et domini nostri domini Wladislai dei gratia regis Hungariae et Bohemiae et cetera et cetera gratiosam patentem in papir confectam ac sigillo eius regio ab intra de subtus communitam tenorum infrascriptorum, petentes nos debita cum instantia, vt easdem de verbo ad verbum transscribi et transsupmi ac literis nostris inseri facere et easdem eidem ecclesiae beati Nicolai episcopi et confessoris dare et concedere dignaremur, iuris eiusdem uberiorem ad cautelam. Quarum quidem duarum literarum vnius videlicet praefatorum Michaelis Polnar magistri civium iudicumque ac iuratorum civium civitatis praenotate tenor sequitur et est talis: (Folgt die Urkunde des Schässburger Bürgermeisters und Rates von 1491 Nr. »5152 * mit der Urkunde des Schässburger Rates von 1438 Nr. »2315). Alterius vero dictarum literarum puta praefati serenissimi domini nostri regis tenor is est: (Folgt die Urkunde König Wladislaw II. 1491 Nr. »5154 *.) Nos igitur iustis ac legitimis petitionibus praefatorum dominorum Marci doctoris archidiaconi et canonici ac magistri Clementis plebanorum per eos ut - praefertur nomine et in persona profatae parochialis ecclesiae sancti Nicolai episcopi dictae civitatis Segesvariensis in hac parte nobis porrectis congruum praebentes assensum praescriptas duas literas, vnam vt praemittitur praefatorum Michaelis Polnar magistri civium judicumque et juratorum civium eiusdem civitatis Segesvariensis privilegiales, tenorem originalium in se continentem, et aliam dicti serenissimi domini nostri regis gratiosam praemisso modo nobis exhibitas et praenotatas nec abrasas non viciatas nec in aliqua earum parte suspectas, sed omni prorsus suspicionis vitio carentes de verbo ad verbum sine diminutione et augmento aliquali praesentibus literis nostris similiter privilegialibus transscribi transsumpique ac inseri facientes, easdem pendentis et autentici sigilli nostri munimine roboratas, eidem ecclesiae sancti Nicolai episcopi praefatae civitatis Segesvariensis iuris sui vberiorem ad cautelam duximus concedendas comuni justitia suadente. Datum sabbato proximo in festum beatorum Philippi et Jacobi apostolorum, anno domini millesimo quadringentesimo nonagesimo quarto, venerabilibus dominis Martino preposito, Johanne cantore, Michaele custode ac similiter Michaele decano aliisque concanonicis nostris in eadem ecclesia nostra Albensi salubriter existentibus et denote.