Urkunde Nr. 2315 aus Band V

Seite im UB:

11-13

Heute in:

Neumarkt am Mieresch, Staatsarchiv [Direcţia Judeţeană Mureş a Arhivelor Naţionale ale Romȃniei, Târgu Mureș]

Heutige Signatur:

Pfarrarchiv Schässburg [Parohia evanghelică CA Sighişoara] (Inventar 539), Urkunden Nr. 4.

Druckvorlage:

nach Original

Abdruck als:

Volltext

Sprache:

Latein

---

2315

Schässburg 1438 August 1 Der Schässburger Rat bezeugt, dass Katharina, Witwe nach Ägidius Parvus, ihre Besitzanteile in Wolkendorf, insgesamt 19 Hof- [S. 12] stellen, der Nikolaus-Kirche in Schässburg vermacht hat und bestätigt die von Katharina getroffene Festsetzung der Rechte und Pflichten dieser Hörigen.

Ne igitur ea quae hominum tractantur per opera ab hominum dilabantur memoria consonum est, ut ipsa literarum roboribus cautissime solidentur. Hinc est quod nos iudex iuratique ciues et seniores ciuitatis Segeswar universi, unaque cum honorabili viro domino Nicolao plebano nostro praecipue ad singulorum tam praesentium quam futurorum notitiam harum tenore volumus pervenire, quomodo nobilis domina et honesta videlicet Katherina relicta Egidii Parvi nostri quondam concivis dissolutionem sui corporis sentiens affuturam mente et ratione sana illud cupiens prosequi dictum evangelicum thezaurisate vobis thezauros¹⁾ in coelo, ubi neque erugo neque tynia demollitur et ubi fures non effodiunt neque furantur, cuius intuitu cuiusdam suae possessionis in Wolkan scilicet decem et novem curiarum populosarum per ipsam iuris dominio possessarum pro salute et perpetuo refrigerio suae animae beatum Nicolaum confessorem patronumque ecclesiae nostrae parrochialis cupiens inheredare ac heredum facere eidem ecclesiae dumtaxat, ipsam praedictam possessionem testamentaliter perpetue habendam et possidendam legavit, ita videlicet ut nullus plebanorum, iudicum neque iuratorum civium et seniorum nostrorum constitutorum aut temporibus futuris constituendorum, ipsos iobagiones beato Nicolao per ipsam legatos, ad sua servitia videlicet arationum, falcationum, introductionum, ligonisationum aut quorumcunque laborum minis aut compulsibus constringere et coartare debeat nec quovismodo praesumat neque descensus nocivos aliquos super ipsis facere audeat atque censum annualem ipsis non nimis onerosum suis in extremis statuit imponendum prout in litera testamentali eius lucidius continetur. Nos enim ipsius extremam voluntatem et comissionem non irritantes neque contradicentes, sed toto nostro conatu adimplentes cum praefato domino Nicolao nostro plebano ipsos iobagiones beati Nicolae in supradicta Wolkan residentes taliter decrevimus esse censuales scilicet ut quilibet iobagionum in terra beati Nicolai commorantium singulis annis circa festum sancti Martini confessoris unum florenum hungaricalem vitrico seu provisori²⁾ ecclesiae beati Nicolai pro tempore constituto dare et persolvere debeat et teneatur et per ipsum vitricum in usus necessarios ipsius ecclesiae exponendum. Ceterum vero temporibus deposcentibus et opportunis cum vecturis atque aliis servitiis et administrationibus necesariis ecclesiae sanctae debeant et teneantur ministrare. Sed tamen ad servitia seu famulatus nostri plebani aut vitrici aut cuiusvis ex nobis secundum legationem testamentariam praememoratae dominae Katherinae ipsos iobagiones nolumus esse adstrictus. Insuper ipsorum in extremis legandi et testandi suis heredibus et amicis more villarum et sedis circumiacentium sua bona prout ipsis videbitur plenam habeant facultatem. Si vero heredibus fuerint orbati eo tunc sua bona iure succesorio in usus et utilitates ecclesiae beati Nicolae praeexpressae tenentur per omnia extradari. In ingressu enim et recessu habita licentia vitrici ecclesiae nostrae saepedictae videlicet beati Nicolai eidem suum terragium, per ipsumque in usus eiusdem ecclesiae exponendum more et consuetudine aliorum nobilium iobagionum deponere teneantur. In cuius rei testimonium firmitatemque perpetuam praesentes literas nostri maioris sigilii appensione robaratas ipsis iobagionibus beati Nicolai ad evidentissimam futurorum cautelam digne duximus [S. 13] concedendas. Datum in Segeswar, ipso die sancti Petri ad vincula, anno domini M^o CCCC^o XXX^o octavo.


a) Im UB Abbildung der Urkunde auf Tafel I, unten als »Abb.. ^{^}

1) Original thezaurus.^{^}
2) Vorlage provisore. ^{^}

Abb.