Urkunde Nr. 49 aus Band I

Seite im UB:

40-41 ^a)

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Heutige Signatur:

Reg. Vat. (Registra Vaticana) Nr. 13, fol. 82 recto et verso, Eintrag Nr. 40.

Druckvorlage:

nach (zeitgenössischem) Registereintrag

Abdruck als:

Volltext

Sprache:

Latein

---

49

Rieti [1225] September 1 Papst Honorius III. beauftragt die Bischöfe von Grosswardein und Raab mit der Untersuchung der Ausschreitungen des deutschen Ordens.

Honorius episcopus . . . . . venerabilibus fratribus . .¹⁾ Waradiensi et . .²⁾ Geuriensi episcopis salutem . . . . . . . . . . Detestabile semper est ingratitudinis vitium, quo quis accepti beneficii et benefactoris sui pariter obliviscitur, cum ad antidota quilibet naturaliter obligetur. Verum ea ingratitudo detestabilior dignoscitur, cum quis, non solum non est memor illius, a quo [S. 41] se novit beneficium recepisse, sed malum ei pro bono retribuit et odium pro amore. Conquerente sane carissimo in Christo filio nostro Andreae illustri rege Hungariae, per dilectum filium magistrum Florentium custodem Orodiensem nuncium suum, nobis innotuit, quod cum in quadam parte regni sui hospitalariis sanctae Mariae Theotonicorum terram ad triginta dumtaxat aratra caritatis intuitu liberaliter contulisset, iidem ipsius liberalitate ac gratia non contenti multo amplius occupavere de terra in parte praedicta, ipso contendentes invito, armata manu, quod occuparunt, taliter retinere, prout praesentatae nobis quorundam abbatum Cisterciensis ordinis literae declararunt, in quorum praesentia quidam ex hospitalariis ipsis responderunt, eidem regi occupata humiliter repetenti, quod in pugna propter hoc potius mori vellent, quam restituere illa sibi. Sed nec hoc contenti, homines eius capiunt, indebitis eos exactionibus aggravantes, et alias ipsis modis innumeris iniuriosi existentes plurimum et molesti, ac conditiones ab eodem rege super moneta ipsius et quibusdam aliis articulis eis impositas, cum Ungariam intraverant, servare nolentes, propter quod a nonnullis asseritur, quod tamquam ignis in sinu, mus in pera et serpens in gremio, qui hospites suos male remunerant, sint eidem regi hospitalarii supra dicti. Praefatus itaque rex devote plurimum postulavit a nobis, ut eosdem hospitalarios liberalitate ipsius qua etiam abutentes, pro tantae ingratitudinis vitio se reddere indignos, mandaremus esse contentos et ab usurpatione qualibet cohiberi. Cum autem religiosi viri, qui a propria perfectionis amore saepe contemnunt, aliena non debeant usurpare, nec sunt, quos non dedeceat aspere contra benefactorem suum super beneficiis eius procedere, necdum eidem iniuriam vel gravamen inferre ac pro bono retribuere sibi malum, et indignum existat, quod quis sentiat ex sua liberalitate iacturam fraternitati^b) vestrae per apostolica scripta mandamus, quatenus ad locum personaliter accedentes, inquisita super his summatim veritate, praenominatos hospitalarios, ut concessis eis in regia donatione terminis sint contenti et easdem conditiones observent, per censuram ecclesiasticam, appellatione remota, cogatis, cum eodem rege insuper, ut contra liberalitatem suam non veniat, nihilominus facientes, non obstantibus literis ad . . de Nivelt¹⁾ . . de Egris et . . de Querc²⁾ abbates a sede apostolica impetratis. Quod si non omnes . . . . . Datum Reate, Kalendis Septembris, anno X.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 40 und 1-2 auf S. 41.^{^}
b) Nachtrag UB I 618 statt iacturam. Fraternitati.^{^}
[S. 40]
1) Alexander.^{^}
2) Gregor.^{^}
[S. 41]
1) Fejér Codex III, 2, 55: Lilienwelt.^{^}
2) Ebendas.: Kerc.^{^}