Urkunde Nr. 2102 aus Band IV

Seite im UB:

419-421 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 196 - Abt. 13: K. A. Mediasch [Parohia Ev. CA Mediaş], Nr. 7 (alt Nr. 20).

Druckvorlage:

nach Original

Abdruck als:

Volltext

Sprache:

Latein

---

2102

Hermannstadt 1430 November 30 Ladislaus, Woiwode von Siebenbürgen, entscheidet einen Streit zwischen den Bewohnern von Kirtsch und Ladislaus, dem Pfarrer von Hetzeldorf und dessen Brüdern, um das Grävenamt in Kirtsch.

Nos Ladislaus de Chaak vaivoda Transsiluanus et comes de Zolnok et cetera memoriae commendantes tenore praesentium significamus universis quibus expedit, quod cum nos in festo beati Andreae apostoli³⁾ in civitate Cibinyensi fuissemus constituti ibique pro faciendo super quibusdam causis iudicio moderativo causantibus pro tribunali consedisscmus, tunc villicus iuratique seniores et hospites in possessione Kewres vocata commorantes in ipsorum et ceterorum univer- [S. 420] sorum Saxonum et hospitum de eadem Kewres nominibus et personis de medio aliorum causidicorum in nostram exsurgentes praesentiam contra et adversus honorabilem dominum Ladislaum plebanum de Eczel ac Nicolaum filium Georgii ceterosque fratres eorundem proposuerunt eo modo coram nobis, quod licet ipsi olim quendam Caspar de dicta Eczel iam dudum mortuum in eorum iudicem seu grebonem spontanea et unanimi eorum voluntate elegerint ac iudicatum ipsius villae Kewres dicto Caspar eius tamen usque vitam commiserint et contulerint, tamen idem quondam Caspar ipso vivente numquam ad huiusmodi iudicatum accedere voluisset nec eundem acceptare curavisset nuncque praefati Ladislaus plebanus ac Nicolaus filius Georgii consanguinei praefati quondam Caspar necnon alii fratres ipsorum Ladislai plebani et Nicolai filii Georgii, nescieretur quo iure quare auctoritate, ad dictum iudicatum seu grebenatum ipsius villae Kewres se intromisissent et eundem pro se lege et iure sine omni usurpare et appropriare molirentur. Quo percepto praenominati Ladislaus plebanus et Nicolaus similiter in nostram personaliter exsurgentes praesentiam responderunt ex adverso, quod ipsi dictum iudicatum seu grebenatum antefatae villae Kewres sine lege et iure non tenuissent et nec tenerent de praesenti, sed ipsorum sit et existat iureque successorio ad ipsos debeat pertinere. Et in horum verborum ipsorum comprobationem quasdam tres literas, unam serenissimi principis et domini Sigismundi dei gratia Romanorum regis semper augusti ac Hungariae, Bohemiae, Dalmaciae, Croaciae et cetera regis domini nostri naturalis gratiosissimi pro parte praedictorum Ladislai plebani et Nicolai aliorumque fratrum ipsorum super facto dicti iudicatus seu grebenatus patenter emanatas¹⁾ universisque sedium Sek¹⁾ et Medyes civibus et Saxonibus praeceptorie in eo loquentes,¹⁾ ut si iidem ex efficacissimis literis seu literalibus instrumentis celerisque probabilibus documentis praefatorum Ladislai plebani et Nicolai fratris eiusdem coram eisdem exhibendis et fiendis praescriptum iudicatum seu grebenatum simul cum universis eiusdem utilitatibus eosdem Ladislaum plebanum et Nicolaum aliosque fratres ipsorum rite et rationabiliter tangere agnoscerent, ex tunc eosdem Ladislaum plebanum et Nicolaum ac alios ipsorum fratres in dicto iudicatu seu grebenatu ipsorum cunctisque utilitatibus eiusdem contra quoslibet illegitimos impetitores et signanter adversus praefatos Saxones et populos de dicta Kewres conservare tuerique et protegere deberent et tenerentur, aliam vero circumspectorum virorum comitum iuducumque et consulum ac universorum hospitum septem sedium Saxonicalium adiudicatoriam maiori pendenti sigillo eorundem patenter emanatas,¹⁾ quibus perlectis in eisdem praedictum iudicatum seu grebenatum praedictae villae Kewres saepe no- [S. 421] minatos Ladislaum plebanum et Nicolaum ac alios ipsorum fratres legitime concernere et ad ipsos iure pertinere debere clare comperimus, tertiam vero circumspectorum iudicum et iuratorum civium praescriptarum sedium Sek¹⁾ et Medyes tenorem praedictarum literarum comitum iudicumque et consulum iam fatarum septem sedium Saxonicalium in se exprimentem nobis in specie praesentarunt efficaces et exhibuerunt. Praefati vero villicus iuralique seniores et hospites de praedicta Kewres nullas literas efficaces, quarum vigoribus ipsum iudicatum seu grebenatum praenominatos Ladislaum plebanum et Nicolaum aliosque fratres ipsorum non tangere comprobare eosdemque de eodem excludere possent, exhibere potuerunt et nec invenire habereque posse se affirmarunt. Ideo nos auditis et perceptis partium, propositionibus et comprobationibus una cum egregio Lorando dicto Lepes de Waraskezy vicevaivoda nostro ac circumspectis viris Feffersak magistro civium praedictae civitatis Cibinyensis, Andrea iudice regio de eadem, Laurentio de Weresmorth, Petro Greb de eadem, Jacobo dicto Samson, Michaele dicto Wescewder de Criztyenzygethe et Johanne de Margyndar, ceteris quam pluribus potioribus civibus et senioribus praenominatarum septem sedium Saxonicalium nobiscum pro tunc in iudicio consedentibus praescriptum iudicatum seu grebenatum praeallegatae villae Kewres cum universis eius utilitatibus et pertinentiis iure ad eundem spectantibus in dictisque literis earundem septem sedium Saxonicalium clare expressatis praenominatis Ladislao plebano et Nicolao aliisque fratribus ipsorum perpetuo tenendum, possidendum pariter et habendum duximus adiudicandum. In cuius rei memoriam perpetuamque firmitatem praesentes literas nostras minori pendenti sigillo nostro vaivodali consignatas duximus concedendas. Datum termino et loco praenotatis, anno domini millesimo quadringentesimo tricesimo.

Auf der Rückseite von einer Hand des späteren 15. Jahrhunderts: grebonalus de Kewrews.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3 auf S. 419 (1 und 2 zu den voranstehenden Urkunden »2100 und »2101), 1 auf S. 420, 1 auf S. 421.^{^}
[S. 419]
3) November 30.^{^}
[S. 420]
1) So Vorlage. [4x]^{^}
[S. 421]
1) So Vorlage.^{^}