Urkunde Nr. 2068 aus Band IV

Seite im UB:

378

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

2068

1429 März 21 Das Weissenburger Kapitel schaltet die Urkunde des Vizewoiwoden Roland Lepes von 1429 Nr. »2063 ein und bezeugt, dass Nikolaus von Talmesch in den Besitz von Härwesdorf eingeführt worden ist.

[C]¹⁾apitulum ecclesiae Transsiluanae omnibus Christi fidelibus tam praesentibus quam futuris praesens scriptum inspecturis salutem in omnium salvatore. Ad universorum notitiam harum serie volumus pervenire, quod nos literas nobilis viri Lorandi Lepes de Waraskezy vicevaivodae Transsiluani nobis directas recepimus in haec verba. (Folgt die Urkunde des Vizewoiwoden Roland Lepes von 1429 Nr. »2063.) Nos itaque²⁾ petitionibus ipsius Lorandi Lepes vicevaivodae in hac parte nobis oblatis annuentes unacum praefato Mychaele de Wessed homine suo nostrum hominem videlicet Jacobum literatum chori ecclesiae nostrae clericum ad praemissa peragenda pro testimonio transmisimus fidedignum. Qui tandem exinde ad nos reversi nobis concorditer retulerunt, quod ipsi feria sexta proxima ante dominicam Ramispalmarum³⁾ ad faciem medietatis dictae possessionis Hortobag vicinis et commetaneis eiusdem universis inibi legitime convocatis et praesentibus accedente introduxissent praefatum Nicolaum de Thalmach statuissentque eandem eidem praemisso iure sibi incumbente perpetuo possidendum nemine penitus contradictore apparente tribus continuis diebus in facie eiusdem iuxta regni consuetudinem inibi moram faciendum. Datum quarto die introductionis et statutionis praenotatarum, anno domini supra dicto honorabilibus et discretis viris dominis Demetrio praeposito, ⁴⁾ Georgio cantore, Mychaele custode, Alexio decano ceteris canonicis dictae ecclesiae nostrae salubriter existentibus et devote.


1) Raum für C frei gelassen.^{^}
2) que über der Zeile nachgetragen.^{^}
3) März 18.^{^}
4) Vorlage: ppoito.^{^}