Urkunde Nr. 2063 aus Band IV

Seite im UB:

376

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2063

Szentimre 1429 März 9 ^a) Roland Lepes, Vizewoiwode von Siebenbürgen, ersucht das Weissenburger Kapitel bei der Einführung des Nikolaus von Talmesch in eine Hälfte der Besitzung Härwesdorf mitzuwirken.

Amicis suis honorandis capitulo ecclesiae Transsiluanae Lorandus Lepes de Waraskezy vicevaivoda Transsiluanus amicitiam paratam cum honore. Dicit nobis Nicolaus de Tolmach, quod ipse in dominium medietatis cuiusdam possessionis Hortobag vocatae in comitatu Albensi existentis habitae, portionem scilicet Nicolai, Andreae et Johannis filiorum Johannis dicti Gereb de Vyngarth, ipsum omnis iuris titulo concernendum legitime vellet introire, si contradictio cuiuspiam sibi non obviaret in hac parte. Super quo vestrum amicitiam praesentibus petimus diligenter, quatenus vestrum mittatis hominem pro testimonio fidedignum. Quo praesente Ladislaus de Dalya vel Jacobus de Bolya aut Mychael de Wessed sin Nicolaus de Hoziuthelek aliis absentibus homo noster ad faciem medietatis dictae possessionis Horthobag vicinis et commetaneis eiusdem inibi legitime convocatis et praesentibus accedendo introducat praefatum Nicolaum de Thomach¹⁾ statuatque eandem eidem praemisso iure sibi incumbente perpetuo possidendum si non fuerit contradictum. Contradictores vero si qui fuerint citet eosdem contra annotatum Nicolaum nostram in praesentiam ad terminum competentem rationem contradictionis eorum reddituros. Et post haec huiusmodi introductionis et statutionis seriem cum nominibus contradictorum et citatorum, si qui apparuerint, terminoque assignato nobis amicabiliter rescribatis. Datum in Zenthemreh feria quarta proxima ante dominicam Judica, anno domini millesimo quadringentesimo vigesimo nono.


a) Ausstellungsort im UB als: Sântimbru/Szentimre.^{^}

1) So Vorlage.^{^}