Urkunde Nr. 2013 A aus Band IV

Seite im UB:

310-314 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Druckvorlage:

nach Abschrift

Abdruck als:

Volltext

Sprache:

Deutsch

---

2013 A

1427 Juli 4 [König Sigmund bestätigt seine Urkunde für Kronstadt von 1427 Nr. »2010 und bezeugt, dass die Stadt in den Besitz der ihr verliehenen Einkünfte aus den Mühlen auf Kronstädter Hattert eingeführt worden ist. ^b)]

[S. 311] Sigmund von gots gnaden Romischer kuning vnd erweiter keser und in Hungarin, Beham, Dalmacie, Croacie, Rame, Servie, Gallicie, Lodomerie, Cumanie, Bulgarieque rex Marckgrawff zu Brandemburg vnd eÿn erbeling zu Lucemburg allen getrewen Cristen, den kegenwertigen vnd zukunftigen, dÿ an werden sehen dyse scrifft heyl in dem heÿlmacher aller ding. Eyn kunigliche hochheyt czÿmt czu frewen in der vilt des wolks vnd also vil genugsamer seÿn vndertenigen begawen mit der mildekeyt der freytum, als¹⁾ vil¹⁾ aus¹⁾ den¹⁾ großmechtig¹⁾ freÿtum werden gemeÿrt dÿ vndertenigen nicht alleyn mit der czal sunder och mit der andechtikeyt. Darum willen mir offenbaren allen keygenwertigen und nochkumelingen, daz vnser getrewen dÿ vorsichigen man greff Velletin vnd Michel Sydenswancz vnd anderen gesworen burger vnser stat Brasso, dÿ sint in ir person vnd in der person aller burger vnd inwaner derselbiger vnser stat kumen vor daz angesicht vnser eren vnd han vns geczegt vnser briff mit vnserem hemelichen sigel des mir nu als eÿn kuning czu Hungarin gebrauchen, dy do offenberlich sin²⁾ ausgegangen, mit den mir alle recht vnd czens gaben narung vnd alle genyz is seÿ an frucht, mel, geld ader an anderen dingen dy von allen mulen der selbiger burger, dÿ do leÿen vnd sin czuschen den enden ader grennicz der selbiger stat ader czu welcher czÿt dÿ gebawt sin ader gebawt werden vnd³⁾ wi³⁾ dick³⁾ in der genanter stat ader czuschen den bergen ader vff dem velt ader in anderen steten in der grennicz der genanter stat von in ader von iren erbeling vnd nochkumelinng, dÿ vns vnseren Czekelgrawen vnd vnser burg Tursch czu han gestanden vnd czugehort dy han mir denselbigen burgeren⁴⁾ gancz vnd gar euenclich vorlossen vnd han sey vnd eyclicheynen von der beczalung⁵⁾ der selbigen muten euenclich ausgehalten vnd dy selbige recht vnd⁶⁾ nucz⁶⁾ der selbigen mulen han mir mit ganczem recht czugekyrt vnd czugeegent dem nucz vnd egeschafft der vorgenannter burger⁷⁾ vnser genanter stat als das lawterer vnd genczer ernoch in dem laut der selbiger briff gescriben stet. Vnd von des wegen haben dy selbigen der richter vnd gesworen burger mit sampt der gemeyn der genanter stat vnser maiestat dymutentlichen vnd andechtichclichen gebeten, das mir dy selbige briff off solden nemen vnd czu vnseren³⁾ hantfesten von worl zu wort solden lossen machen yn vnd vnser stat vnd yren nochkumeling euenclichen czu bestetigen und dy selbige nocz, recht vnd narung der selbiger mulen dy vns vnd vnser burg⁸⁾ czugehort han vnd dÿ mir in han vorlossen solten nur³⁾ mit vnseren lewten dÿ mir darczu bemuemten in lossen entworten vnd geben in ir hend czu großer sicherheyt willen. Vnd der lawd der selbiger briff ist also:
[S. 312] Wir Sigmund von gots gnaden Römischer kuning vnd erweiter keser vnd in Hungarin, Beham, Dalmacie, Croacie et cetera kuning tun zu eym gedechtnis mit dysen keygenwertigen briff allen den den is notdurfft ist vnd czu gehort, daz mir von vnser angeborner mildikeyt dy tugencliche werckt alle der dy vns getrewnlich dynen flegen mir zu lonen mit vnsern genedenclichen gunsten vnd czu ezÿren mit vnseren goben vnd han angesehen vnd in vnseren kuninglichen herczen mit eyner wyser betrachtung gemerckt dy hoch stetikeyt der getrewnis vnser getrewer des richters vnd gesworen burger vnd der ganczer gemeÿn vnser stat Brasso, do czu dem ersten ir altfoderen dy vor langen czÿten sint gestorben dy vor dem angesichkt vnser allerdurchluchster vorforen vnd vorfordern vor den heyligen kuning czu Hungarn stetenclich an al mitlunge czirlich gelucht vnd manchfeldich dersehynen sin. Dar noch ir kinder vnd nachkumelinng als der keygenwertig richter vnd gesworen ratleuth vnser vorgenanter stat dy grunen och in ir altfaderen tugenclichen vnd getrewen wercken vnd folgen iren vorfaren noch in eynen beyspil als eynen geyst ingegawssen in eyn bild dÿ han ach getrewlichen gearbet in yrem sweÿz in etlichen sachen vnsers richs seÿ seyen geluchksam ader wyderezem geweyst vnd durch vnser kuninglicher eren willen vnd han in ir person noch guteren nicht geschunt vnd han vns der heyliger cronen in manchen steten vnd manchen czyten bis an dÿse czÿt getrewlich vnd anmenlichen gedynet, daz dy stetikeyt ir getrewkeyt von ewich bis an dyse keygenwertich czyt nicht gestrawfft ist worden vnd ist also czirliclies vnd lebendiches¹⁾ vnd wirdiges gedechtinis daz dÿ vorgangene czyt mit eyner stillung nicht mocht abgelesschen ader vnderdrucken. Darnach mit mitlidung vnsers herezen han mir gedacht dÿ durstikeyt der selbiger vnser burger do sey in sin kumen von snoder wberfallung vnd geweldiger brunst der selbiger vnser stat vorlornis vnd berobnis ir guter dy sey in vorgangnen czÿten von den snoden Turcken echter des crucz Christi vnd von anderen vnseren vnd vnsers richs feyenden gelyden han vnd nis nich des do mynner czu eyner belonung der manchfeldicher czerung in der dy selbigen burger vnser maiestat dy kuningin, prelaten vnd lantherren in der selbiger vnser stat foellont eyn halb iar genugsam han gehalden durch eyner beschirmung vnd behaldung des Bleschen lands, daz och von den Turcken vnd Radolwayden vnsern namheftigen feyenden vnd vngetrewen czu schaden ist kumen. Vnd wÿ wol daz vnser burger von vnser maiestat vil grossere goben vnd belonung haben verdynet doch besunderlich durch eyner belonung der vorgenanten dynst vnd trewnis willen, so verlossen mir in mit vnseren wolbedechten mut vnd mit dem willen vnser allerdurchleuchster²⁾ kuningin Barbare vnser allerliebster frawen och mit dem guten rad vnd [S. 313] willen vnser prelaten vnd lantherren euenclichen alle recht, czens, muten, gaben vnd alle genycz is sey an frucht, mel ader geld ader in anderen dingen dÿ do bekumen von allen mulen derselbigen burger, dy do leyen czwschen der grennicz derselbiger vnser stat dy do nu sin vnd czu welcher czyt ernoch von in vnd iren erbeling vnd nochkumeling gebawt werden is sey czwschen den bergen ader off dem feld czwschen der grennicz der selbiger stat dÿ vns vnd vnseren Czekelgreffwen vnd vnser burg Tursch czu sint gestanden vnd czugehort haben och losen mir dyselbige burger vnd inwaner der genanter stat euencliehen von der beczalung der selbigen muten vnd gaben vnd dy selbige mut vnd recht der mulen dy geben mir in den nucz vnd egeschafft der genanter burger vnd czu egen seyn mit ganezem recht dem nocz de genanten stat mit der krafft des keygenwertigen briffs. Vnd durch des willen gebiden mir mit vnseren kunenclichen gebod vnseren getrewen den großmechtigen Johanni vnd Michel Jackh von Kusan den keygenwertigen Czekelgrewen vnd allen ezukunffügen vnseren¹⁾ Czekelgrewen vnd iren burggrawen vnd vnderburggrawen dÿ sey nu ader ernoch werden seczen vnd willen is anders nicht haben, daz sey vorbas ernach dy vorgenanten vnser burger²⁾ durch der recht czyns, gaben vnd allerley genycz der von iren mulen vns vnd vnser burg als vorgescriben stet, sold bekumen vnd czustan dy in vorlossen sin mit dysem briff nicht sullen hinderen an ir person noch an iren gutern noch schadheftig machen durch der beczalung der mut vnd in keynerley³⁾ dingen twt betwnigen czu beczalen dy selbige mut der vorgenanten mulen. Wen ir dysen briff wberlesen hat so gebt in wyder in dy hend do er aus kumt. Gegeben czu der Brasso ader in Cronen an den nesten Donnerstag var der geburt sent Johannis des doffers, anno domini M^o CCCC^o XXVII^o vnser rieh des Vngerischten XLI^o, des Romischten XVII, des Bemischten VII^o.
Als mir dy dyemutige vnd innerliche bed des vorgescriben des richters vnd gesworen ratleuth, dy sey vnser kuningclicher maiestat in ir vnd der ganezer gemeyn vnd inwaner person han angelegt, gutenclichen vnd genedenclichen derhort han, so han mir vnser vorgescriben offen briff gelesen an abschabung vnd an vorserung vnd felschung vnd an alles vordechtenis vnd han seÿ dyser keygenwertich hantfest ingemengt vnd⁴⁾ inlossen scriben von wort czu wort an al merung vnd mynnerung vnd lian dy burger vnd inwaner mit vnseren getrewen vnd erbaren mannen meyster Benedic von Barth vnd Ysayam von Hemhaza korheren in vnser lieben frawen kirchen czu Stulwissemburg dy mir [S. 314] besunderlich dar czu gesaczt haben lossen infuren in dy hirschaft aller vorgescriben recht vnd aller genycz dy do kumen von allen mulen der burger dÿ nu sin vnd ernoch gemacht werden dy leyen czwuschen dem grennicz der vorgenanten stat Brasso dy vns vnd vnseren Czekelgrewen vnd vnser burg Tursch solten bekumen daz sey dy selbige recht euenclichen sullen besiezen als vns dy selbige vnser lewth haben gesagt daz nÿmant darwyder hat geredt als sey wyder czu vns sin kumen. Also han mir dy selbige briff mit alle dem daz darin stet besteticht vnd affgenomen vnd bewert mit dem willen vnd vorhengnis vnser durchlewster frawen vnd kuningin fraw Barbaren vnser allerliebster vnd mit dem wol bedachter rad vnser prelaten vnd lantherren den dingen czu eynem gedechtnis vnd eyner ewyger bestetigunk¹⁾ han mir dyse keygenwertige hantfest vorlawen mit vnserem newen czwysechigen sigel des mir gebruchen als²⁾ eyn kuning von Hungarn gecrefftig vnd bestetigt gegeben durch dy hend des erbaren vaters her Johannis bischoff czu Agram der vnser kuninglicher aulen oberster czanler ist 1427. Czu der erbar herren vnd veter geezyter Jorg erczbischoff von Granen vnd der ander herren wertlicher vnd geystlicher als is in dem haupt briff gescriben stet, dy czu den czyten herren in Hungarn sin gewest.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-8 auf S. 311, 1-2 auf S. 32, 1-4 auf S. 313, 1-2 auf S. 314 (dortige 3-4 zu nachfolgender Urkunde).^{^}
b) Regest fehlt im UB - hier übernommen aus Nr. 2013.^{^}
[S. 311]
1) Mit derselben Tinte unterstrichen. [5x]^{^}
2) Hierauf ais durchgestrichen.^{^}
3) Über der Zeile nachgetragen. [5x]^{^}
4) Hierauf vnd durchgestrichen./fnzt> <fnzt>5) Hierauf des durchgestrichen.[2x]^{^}
6) Am Rande nachgetragen.^{^}
7) Hierauf vnd durchgestrichen. ^{^}
8) Hierauf czig durchgestrichen. ^{^}
[S. 312]
1) Hierauf gedechtinis durchgestrichen. ^{^}
2) Hierauf frawen durchgestrichen.^{^}
[S. 313]
1) Über der Zeile nachgetragen.^{^}
2) Hierauf der durchgestrichen.^{^}
3) Ein zweites у am Schluss durchgestrichen.^{^}
4) Hierauf ingescr durchgestrichen. ^{^}
[S. 314]
1) Vorlage: bestetük.^{^}
2) Hierauf in durchgestrichen.^{^}