Urkunde Nr. 2012 aus Band IV

Seite im UB:

300-307 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 72.

Druckvorlage:

nach Original

Abdruck als:

Volltext

Sprache:

Latein

---

2012

1427 Juni 24 König Sigmund entscheidet den Streit zwischen Anthonius Sander und der Kronstädter Fronleichnamsbruderschaft und nimmt eine neue Aufteilung der Besitzungen Zernescht und Tohan vor.

Nos²⁾ Sigismundus²⁾ dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex damus pro memoria, quod nobis una cum praelatis et baronibus nostris in civi- [S. 301] tate nostra Brassouiensi pro tribunali sedentibus, causasque cunctorum nobis conquerentium iusto aequitatis libramine discutientibus fidelis noster vir providus Anthonius dictus Sander civis ipsius civitatis nostrae Brassouiensis nostrae celsitudinis eorundemque praelatorum et baronum nostrorum veniens in praesentiam, praesentibus et audientibus discreto viro domino Johanne Clospetri plebano ac providis Rewelsclos necnon Scholengewrgh et Georgio Francisci procuratoribus et vitricis ecclesiae parochialis Brassouiensis necnon societatis altaris corporis Christi eiusdem ecclesiae, declarare studuit conquerendo, quomodo ipse dudum sibi ac quondam Thomae similiter plebano eiusdem ecclesiae parochialis de dicta Brassouia necnon Johanni Jacoboque et Cristiano fratribus ipsius quondam Thomae plebani, item Nicolao filio Herbordi de Fekethewhalm quasdam possessiones nostras Zerne et Twhon apellatas in districtu Brassouiensi et comitatu Albensi Transsiluano existentes a nostra maiestate perpetuo obtinuisset, quibus quidem possessionibus tandem ex eo, quia ipsi usque annualem revolutionem huiusmodi nostrae donationis se in dominium earum iuxta antiquam et approbatam regni nostri Hungariae consuetudinem legitime statui facere neglexissent rursus ad manus nostras regias devolutis et per ipsum Anthonium, accepta a praefatis quondam Thoma plebano et aliis praedictis, quod sibi pro suis laboribus et expensis quos et quas pro reacquisitione ipsarum possessionum subiret satisfacerent promissione, eisdemque possessionibus post multos labores et expensas a nostra maiestate iterum reobtentis sibique ipsis, mediantibus nostro et capituli ecclesiae Transsiluanae hominibus, legitime statui facere procuratis, demum vero eisdem possessionibus, ex quo ipsas nostras donationales sub priori sigillo nostro certis ex causis annullato emanatas simul cum literis dicti capituli exinde statutionalibus iuxta nostrum generale decretum infra tempus debitum in eodem nostro generali decreto expressum ex inadvertentia sub maiori nostro authentico, novo et moderno, quo nunc uti rex Hungariae utimur sigillo confirmari facere obmisissent, vice iterata ad nostram celsitudinem derivari debentibus, idem Anthonius, inito et habito cum eisdem quondam Thoma plebano et ipsius fratribus ac Nicolao consilio et eisdem se tam pro prioribus quam postea de novo praetextu iteratae reacquisitionis et reobtentionis possessionum iam fatarum laboribus et expensis hinc inde fiendis quoad portionem eorum cedentibus sibi satisfacturos spondentibus, non parcendo laboribus suis et expensis, per diversa loca et climata iam hic videlicet Hungariae, iam Boznae regnis nostris iamque in partibus Alamaniae nostram comitando serenitatem, pro se et pro eodem Thoma plebano ac aliis praetactis vice reciproca denuo et de novo easdem possessiones a nostra reacquisivisset et reobtinuisset claritate. Nunc vero, ipsis quondam Thoma plebano ac fratribus ipsius necnon Nicolao de Fekethewhalm defunctis, societas seu confraternitas altaris corporis Chrisli et vitrici praefatae ecclesiae parochialis Bras- [S. 302] souiensis, quibus directa medietas praedictarum duarum possessionum foret applicata, nullam sibi pro praemissis suis laboribus et expensis satisfactionem quoad suam scilicet societatis et ecclesiae portionem cedentibus impendere advertentes, eandem medietatem praefatarum possessionum absque ulla satisfactione praemissorum laborum et expensarum suorum tenerent indebite et possiderent, cum tamen eadem societas et vitrici ecclesiae praedictae ipsa medietate iam fatarum possessionum eisdem applicata pro praedictis laboribus et expensis suis quoad partem seu portionem praefatarum ecclesiae et socielatis cedentem satisfactionem exbibere assumpsissent. Et his propositis idem Anthonius, volens praescriptas possessiones Zerne et Twhon nuncupatas sic prout refert a nostra iteratis vicibus pro se et pro annotatis aliis se reacquisivisse et reobtinuisse maiestate declarare, quasdam duas literas nostras privilegiales, ambas sub nostro maiori novo ac moderno authentico duplici pendenti quo nunc uti rex Hungariae utimur sigillo anno domini millesimo quadringentesimo sexto, quarto decimo Kalendas Maii,¹⁾ regni autem nostri Hungariae praedicti anno decimo octavo emanatas, tenores quatuor aliarum literarum, duarum videlicet nostrarum patentium sub praedicto nostro maiori priori ut praefatur abolito sigillo, unius scilicet in Fekethewhalm, feria tertia proxima ante dominicam Reminiscere²⁾ super ipsius Zerne, et alterius in Coluswar in festo annunciationis beatae Mariae virginis³⁾ omnino anno domini millesimo CCC^mo nonagesimo quinto super praetactae Twhon possessionum ad castrum nostrum Terch spectantium castroque ab eodem per nos segregatarum ac ipsarum cunctarum utilitatum et pertinentiarum perpetua donatione perennalique collatione memoratis quondam Thomae plebano ac Johanni Jacoboque et Cristiano quoad unam tertiam partem necnon praetitulato Anthonio pro alia tertia parte, pro reliqua vero tertia parte annotato Nicolao de Fekethewhalm ac ipsorum Johannis Jacobi et Cristiani necnon Anthonii et Nicolai dumtaxat heredibus sub tali videlicet conditione, ut ipsi et eorum successiva posteritas praefato castro nostro Terchi seu eius castellano pro tempore constituto de ipsa Zerne circa festum beati Georgii martyris⁴⁾ quinque et totidem quinque circa festum sancti Michaelis archangeli,⁵⁾ de praedicta autem Twhon possessionibus ac earum utilitatibus et pertinentiis universis circa easdem festivitates videlicet sancti Georgii decem et sancti Michaelis archangeli similiter decem florenos auri singulis annis effective dare et administrare tenerentur, et aliarum duarum privilegialium praedicti capituli ecclesiae Transsiluanae super statutionibus legitimis earundem posses- [S. 303] sionum, non obstante exspiratione termini seu temporis statutionis huiusmodi quae infra tempus consuetum scilicet anniversarium praefatae nostrae donationis fieri debuisset, pro eisdem quondam Thoma plebano ac Johanne, Jacobo, Cristiano Anthonioque et Nicolao de nostrae maiestatis annuentia speciali et secundum literarum nostrarum in praedicta Brassouia feria quarta proxima post festum epiphaniarum domini¹⁾ anno eiusdem millesimo CCC^mo nonagesimo octavo sub eodem abolito sigillo nostro ad eiusdem Thomae plebani et aliorum praedictorum supplicationis instantiam datarum et praefato capitulo directarum factis subortarum de verbo ad verbum confirmative in se habentes nobis ac dictis praelatis et baronibus nostris curavit demonstrare. Quibus auditis et perceptis praefati dominus Johannes plebanus ac procuratores et vitrici ecclesiae et societatis praedictarum coram nobis ac eisdem praelatis et baronibus nostris ut praemittitur adhaerentes nominibus et in personis earundem ecclesiae et fraternitatis allegarunt tali modo, ut ipsa ecclesia et praefata fraternitas seu societas praescriptas medietates annotatarum possessionum Zerne et Twhon vocatarum non indebite et minus iuste sed ex libera et spontanea ipsorum quondam Thomae plebani et Anthonii ob salutem animarum eorum praefatae societati et ad structuram eiusdem ecclesiae largitione et legatione ac donatione perpetua tenerent et possiderent, et ibidem in horum verborum suorum certius documentum quasdam literas nostras sub moderno secreto nostro sigillo regio Cassouiae in vigilia festi Pentecostes,²⁾ anno domini millesimo CCCC^mo decimo nono, regnorum nostrorum anno Hungariae et cetera tricesimo tertio, Romanorum vero nono patenter exortas, seriem autem et continentiam literarum praefati quondam Thomae plebani et antedicti Anthonii Sander Coronae feria sexta proxima post festum sancti Servatii episcopi anno domini millesimo quadringentesimo tredecimo editarum,³⁾ per quarum scilicet tenorem ipsi quondam Thomas plebanus et Anthonius unanimi, concordi et parili voluntate maturoque et digesto consilio constantiam et habilitatem fratrum fraternitatis sacri corporis Christi dictae ecclesiae sanctae Mariae virginis eiusdem civitatis, egestatem quoque fabricae et structurae praeexpressatae basilicae in eorum cordium ingemiscenti affectu pensantes, praecise medietatem praetactarum possessionum Twhon et Zerne vocatarum ex gratia nostra ad eos devolutarum cum universis earum utilitatibus et pertinentiis pure propter deum ob salutem animarum eorum praefatis fratribus fraternitatis corporis Christi ob missarum solemnitates et ad structuram eiusdem basilicae eo iure, quo ipsi ea freti fuissent aliaque medietate eorundem uterentur perpetue et irrevocabiliter et absque impedimento aliquali modo et ordine literis [S. 304] in eisdem limpidius explicatis dedisse, donasse et assignasse, nostra vero serenitas dictarum literarum suarum vigore ipsas literas iam fatorum quondam Thomae plebani et Anthonii Sander approbando et ratificando eisdem et contentis eorum suum regium consensum praebuisse benevolum et assensum dinoscuntur, nostrum eorundemque praelatorum et baronum nostrorum produxerunt in conspectum. In quarum quidem donationis et legationis praescriptae medietatis iam dictarum possessionum per ipsos quondam Thomam plebanum et Anthonium annotatis fraternitati seu societati et ad structuram ecclesiae praelibatae factarum contrarium Petrus filius ipsius Anthonii in nostra ac dictorum praelatorum et baronum nostrorum astans praesentia quasdam literas praefati capituli dictae ecclesiae Transsiluanae in festo beatae Luciae virginis¹⁾ anno domini millesimo quadringentesimo vigesimo primo editas studuit exhibere, exprimentes quod ipse Petrus ad ipsius capituli personaliter accedendo praesentiam praefatum Anthonium patrem suum a collatione, traditione et assignatione, praedictam vero fraternitatem altaris corporis Christi et cives de dicta Brassow ac alios quoslibet a receptione, occupatione, detentione, perpetuatione ac usuum et quarumlibet utilitatum perceptione praenotatae medietatis iam fatarum possessionum et quovis colore se de eadem intromissione prohibuisset. Quibus quidem literis per ipsas partes exhibitis et earum seriebus revisis ac perlectis partibusque praefatis suo modo expositis ac earundem partium propositionibus, responsionibus et allegationibus auditis ac auscultatis et perceptis, praelibatis insuper procuratoribus iam dictae fraternitatis seu societatis altaris corporis Christi vitricisque ecclesiae parochialis Brassouiensis antefatae se eidem Anthonio ratione expensarum suarum occasione praevia factarum octoginta florenos novae monetae nostrae dedisse et solvisse asserentibus, ipso vero Anthonio sexaginta florenos numeri praedicti tantummodo se ab eisdem recepisse affirmante et pro emanatione ac exceptione literarum super ipsa nova et iterata reacquisitione et reobtentione a nobis dictarum possessionum confirmationeque earundem octoginta florenorum auri ac ultra hoc in prosecutione et procuratione huiusmodi plus quam quadringentos florenos novae monetae nostrae praedictae exposuisse allegante, tam ipse Anthonius et dictus Petrus filius suus sibi, quam idem procuratores vel vitrici societatis et ecclesiae praedictarum eisdem societati et ecclesiae per nos in praemissis iuris aequitatem postularunt impertiri. Verum licet praememorati quondam Thomas plebanus et Anthonius Sander, decedente antefato Nicolao de Fekethewhalm et eius prolibus, praescriptam tertiam partem dictarum possessionum Zerne et Twhon vocatarum, portionem ut puta ipsius Nicolai ad se condescendisse aestimantes directam medietatem earundem possessionum cum cunctis suis utilitatibus [S. 305]annotatis societati altaris corporis Christi et ecclesiae parochiali Brassouiensi modo praenotato in perpetuum contulerint, tamen quia celsitudo nostra ipsas possessiones Zerne et Twhon nuncupatas ipsis quondam Thomae plebano et eius fratribus necnon Anthonio et Nicolao, ita ut una tertia pars earum ipsi Thomae plebano et dictis suis fratribus ac eorundem fratrum suorum heredibus, alia vero tertia pars memorato Anthonio, reliqua autem et residua tertia pars ipsarum annotato Nicolao et modo simili eorum heredibus cederent, uti id ex praescriptarum literarum nostrarum¹⁾ confirmatarum seriebus praeclarescit, in perpetuum dedisse perhibetur et contulisse ex eoque ipsa tertia pars dictarum possessionum, portio scilicet antelati Nicolai, ob defectum seminis ipsius non ad ipsos quondam Thomam plebanum et fratres ipsius ac Anthonium ac ipsorum fratrum dicti Thomae plebani praefatique Anthonii heredes et successores sed rursum et iterum ad nostram maiestatem ac ius et dominium castri nostri Terch praenotati, praetitulata vero alia tertia pars, portio puta memorati quondam Thomae plebani dictorumque fratrum ipsius, per ipsum Thomam plebanum saepefatis societati dicti altaris corporis Christi et ecclesiae parochiali Brassouiensi, modo quo supra donata ac legata et assignata ex virtute praemissi nostri consensus adhibitione in ius et proprietatem earundem societatis et ecclesiae, residua quoque tertia pars earundem possessionum, portio videlicet praeallegati Anthonii, eidem Anthonio et praefato Petro filio ipsius rationibus ex praemissis devolvi ac remanere appropriarique et adiudicari ac modo infrascripto trimembriter dividi unaque ipsarum trium partium nobis et antelato castro nostro, altera annotatis societati seu fraternitati et ecclesiae parochiali Brassouiensi, tertia autem et residua praetactis Anthonio et Petro filio ipsius statui et relinqui, eaedem nihilominus societas et ecclesia seu procuratores et vitrici earundem ipsi Anthonio de et super tertia parte expensarum, per ipsum Anthonium in reacquisitione et iterata reobtentione saepefatarum possessionum factarum et expositarum, secundum verificationem ipsius Anthonii, suo iuramento cum tot nobilibus quot videlicet ad huiusmodi verificationem iuxta consuetudinem dictarum partium nostrarum Transsiluanarum quia de suprema earundem expensarum certitudo non constabat requiri debent mediante, fiendam, satisfacere debere nobis ac praetactis praelatis et baronibus nostris nobiscum horum in examine consedentibus et diutius superinde tractantibus agnoscebatur. Pro eo cum nos eorundem praelatorum et baronum nostrorum quaesito et assumto consilio praefatum iuramentum ipsi Anthonio serie aliarum literarum nostrarum exinde confectarum certo termino literis nostris in eisdem expresso ratione dictarum expensarum suarum ipsis partibus benivole acceptantibus et consentientibus deponere committentes prae- [S. 306] missisque suo modo consideratis iam dictam unam tertiam partem antefatarum possessionum Zerne et Twhon vocatarum a praetactoque castro nostro Terch segregatarum et praeallegatis quondam Thomae plebano ac ipsius fratribus necnon Anthonio Sander et Nicolao de Fekethewhalm modo ac sub pactis et conditionibus suprascriptis in perpetuum donatarum, puta portionem ipsius Nicolai ad nostram maiestatem, vice versa ratione praevia devolutam nostris manibus regiis et ad dictum castrum nostrum Terch appellatum applicantes reappropriantes et reannectentes, aliam autem tertiam partem ipsarum possessionum, portionem scilicet annotati quondam Thomae plebani et fratrum ipsius praedictorum, iam nominatis societati seu fraternitati et ecclesiae parochiali Brassouiensi, reliquam autem et residuam tertiam partem earundem, portionem ut puta dicti Anthonii eidem Anthonio et praedicto Petro filio ipsius ipsorumque Anthonii et Petri heredibus cum universis ipsarum utilitatibus et pertinentiis quibuslibet sub eisdem pactis et conditionibus necnon solutionibus annualibus de ipsis duabus partibus ipsarum possessionum cedentibus et memorato castro nostro ac eius castellanis pro tempore constitutis annuatim administrandis adiudicantes, ad divisionem earundem possessionum trimembriter faciendam fideles nostros honoratos viros magistros Benedictum de Borh et Isaiam de Hemhaza, canonicos ecclesiae beatae Mariae virginis Albae regalis homines nostros speciales destinassemus et seriem ipsius divisionis per eosdem nobis oretenus referre commisissemus. Iidem demum nostrae maiestatis dictorumque praelatorum et baronum nostrorum comparentes in praesentia retulerunt, ut ipsi in vigilia festi corporis Christi noviter praeteriti¹⁾<fnz>ad facies dictarum possessionum Zerne et Twhon appellatarum praesentibus praefato Petro filio dicti Anthonii ac Georgio Francisci procuratoribus praedictarum ecclesiae parochialis Brassouiensis et societatis praetacti altaris corporis Christi in eadem ecclesia habiti accedendo, easdem in tres rectas et aequales partes taliter divisissent, quod pro una earundem trium partium aequali parte in praedicta possessione Zerne in linea ipsius aquilonali et a fine eius occidentali versus orientem post sese quinque ac in linea meridionali eiusdem plateae et a fine ipsius orientali versus occidentem similiter quinque, nobis et dicto castro nostro Terch nuncupato, item pro alia tertia parte ibidem et in eadem linea tres ac ultra capellam in ipsa possessione habitam declinando ad plagam meridionalem quinque populosae et sexta deserta cum aedificio ac terris arabilibus et aliis utilitatibus memoratis ecclesiae et fraternitati seu societati, item pro residua tertia parte modo simili ibidem et in eadem linea immediatae duae et ultra rivulum in linea occidentali et a fine ipsius meridionali versus aquilonem octo annotatis Anthonio Sander et Petro filio ipsius, praeterea in antefata possessione Twhon simi- [S. 307] liter pro una tertia parte ipsius in linea meridionali et a fine eius occidentali versus orientem similiter post sese sex consimiliter nobis et praefato castro nostro Terch necnon ibidem et immediate pro alia eiusdem tertia parte duae ac in alia linea ipsius possessionis scilicet aquilonali et a fine eius orientali versus occidentem quatuor eisdem Antonio Sander et Petro filio ipsius deindeque pro residua et reliqua tertia parte ipsius possessionis linea in eadem usque finem eiusdem lineae sex sessiones seu curiae saepe fatis ecclesiae et societati seu fraternitati proveniendo cessissent habitaque sic prout praemittitur divisione possessionum earundem, iidem nostri homines tam nobis et dicto castro nostro partem nostram quam ipsis ambabus partibus et cuilibet earum suam portionem sibi in eadem divisione cedentem, cum universis suis utilitatibus et pertinentiis quibuslibet statuissent et commisissent in perpetuum possidendam et tenendam. Qua quidem relatione dictorum nostrorum hominum modo praenotato coram nobis ac ipsis praelatis et baronibus nostris facta percepia, quia nec tempore praenotatae divisionis et statutionis possessionariis per praedictos nostros homines prout praenarratur factarum contradictio cuiuspiam obviasset neque nunc coram nobis ac ipsis praelatis et baronibus nostris quisque contradicebat, pro eo nos una cum eisdem praelatis et baronibus nostris talismodi divisionem et statutionem possessionariam modo quo supra peractam, acceptantes et approbantes cuilibet parti suam portionem in ipsa divisione modo praenotato provenientem et statutam similiter cum cunctis suis utilitatibus et pertinentiis universis, sub pactis, conditionibus et solutionibus de praefatis duabus partibus memoratis ecclesiae et societati necnon Anthonio et Petro filio ipsius deventis et statutis praelibato castro nostro et eius castellano pro tempore constituto cedentibus annis singulis et terminis praenotatis administrandi relinquimus eisdem et committimus eo iure, quo eis ex praemissis dinoscuntur pertinere in perpetuum possidere, tenere et habere, auctoritate nostra regia mediante, salvo iure alieno. In cuius rei memoriam firmitatemque perpetuam praesentes concessimus literas nostras privilegiales pendentis aulhentici sigilli nostri praedicti quo videlicet nunc uti rex Hungariae utimur munimine roboratas. Datum per manus reverendi in Christo patris domini Johannis, episcopi ecclesiae Zagrabiensis, aulae nostrae et reginalis maiestatum eximii cancellarii, fidelis nostri dilecti, anno domini millesimo quadringentesimo vigesimo septimo, octavo Kalendas Iulii, regnorum nostrorum anno Hungariae et cetera XL primo, Romanorum decimo septimo et Bohemiae septimo. [S. 308]

<fnet>a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 300 (1 zu voranstehender Urkunde), keine auf S. 301, 1-5 auf S. 302, 1-3 auf S. 303, 1 auf S. 304, 1 auf S. 305, 1 auf S. 306, keine auf S. 307.</fnet>
[S. 300] <fnzt>2) Verlängerte Schrift. [2x]</fnzt>
[S. 301] <fnzt>1) April 18, vgl. Nr. »1561. </fnzt> <fnzt>2) März 2, vgl. Nr »1352 zu März 9. </fnzt> <fnzt>3) März 25, vgl. Nr. »1358. </fnzt> <fnzt>4) April 24. </fnzt> <fnzt>5) September 29.</fnzt>
[S. 303] <fnzt>1) Januar 9, vgl. Nr. »1409.</fnzt> <fnzt>2) Juni 3. vgl. Nr. »1859. </fnzt> <fnzt>3) Mai 19, vgl. Nr 1714</vw>. </fnzt>
[S. 304] <fnzt>1) Dezember 13.</fnzt>
[S. 305] <fnzt>1) fehlt in der Vorlage.</fnzt>
[S. 306] <fnzt>1) Juni 18.</fnzt>