Urkunde Nr. 465 aus Band I

Seite im UB:

421-426 ^a)

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

465

1328 [Mai 4] bis 1330 vor Mai 30 Entwurf eines Uebereinkommens zwischen dem siebenbürgischen Bischof und dem Weissenburger Kapitel einerseits und den Pfarrern des Mühlbacher Dekanates andrerseits betreffs des Census.

In nomine domini amen. Nos capitulum et cetera notum facimus universis et singulis praesentes literas inspecturis vel audituris et praesertim omnibus et singulis, quorum interest vel intererit seu poterit quomodolibet interesse, quod in nostra praesentia constituti A. et B. procuratores et procuratorio nomine infra scriptorum decani et plebanorum decanatus de Sebus videlicet Mychaelis plebani de Kelnuk decani de Sebus et plebanorum dicti decanatus et nominenter^b) singuli prout in procuratorio ipsorum decani et plebanorum per ordinem continentur asserentes se habere speciale mandatum ad faciendum omnia et singula infra scripta et de ipso mandato fidem facientes ibidem per literas sigillatas sigillo talis capituli praesentibus etiam ibi et interrogantibus, audientibus et recipientibus C. et D. asserentibus se procuratores reverendi in Christo patris domini Andreae dei gratia episcopi et venerabilis capituli ecclesiae¹⁾ Albensis in partibus Transiluanis et in regno Vngariae constitutis et ad infra scripta omnia et singula audienda, recipienda, dicenda et peragenda habere a dictis dominis speciale mandatum. Et de ipso mandato facientibus fidem ibidem per quasdam literas sigillatas sigillo episcopi et capituli praedictorum sponte recognoverunt nomine et vice praedictorum decani et plebanorum et de eorum expresso mandato, quod dudum praedictus decanus et dictorum plebanorum nonnulli et aliquorum ex eis praedecessores in ecclesiis seu plebaneis quas obtinent in decanatu et diocesi supra dictis et in quorum locum in dictis plebaneis seu ecclesiis successerunt instigante²⁾ humani generis inimico tenere indebite et iniuste contra dictos dominos episcopum et capitulum rebellionis spiritum assumpserunt et contra eos ex quibusdam confictis et non veris animis ad sedem apostolicam appellaverunt, iam sunt quatuor anni et amplius, et constituerunt plurimas ad appellationes huiusmodi prosequendum, [quod]³⁾ se ob obedientiam dicti domini episcopi quantum in eis fuit corporaliter subtraxerunt et certos census annis singulis persolvendos capitulo dictae ecclesiae et solvi solitas ab antiquo per eos praedecessores eorum dicto capitulo rennuerunt et solvere recusarunt indebite et iniuste per totum praedictum tempus, et quod dicti domini decanus et plebani et eorum quilibet redeuntes ad cor et recognoscentes, se in praedictis et circa praedicta enormiter erravisse, cupirent redire ad obedientiam et mandata domini episcopi et capituli praedictorum, quorum sunt subditi, [nunc] desistere a [S. 423] praedictis male inchoatis per eos et male acta corrigere et iuxta posse satisfactionem plenariam facere. Unde iidem procuratores nomine et vice dictorum decani et plebanorum et cuiuslibet eorum et de ipsorum ut praemissum est speciali et expresso mandato procuratoribus dictorum episcopi et capituli praesentibus interrogantibus et recipientibus renunciaverunt expresse et ex certa scientia omnibus et singulis appellationibus [ ]¹⁾ vel eorum aliquem seu alterum eorum vel alicuius eorum vice et nomine [ipsorum] ad sedem apostolicam interiectis contra dictum dominum episcopum seu dictum venerabile capitulum vel aliquem de dicto capitulo et omnibus prosecutionibus et processibus [ ]²⁾ secutis recognoscendo, eas fuisse temere interpositas et ex[ ]²⁾ causis ac omnibus et singulis causis huiusmodi appellationibus et [ ]³⁾ alibi inter partes praedictas et nihilominus nomine et vice [ ]³⁾ | ⁴⁾ dictis procuratoribus dominorum episcopi et capituli praedictorum recipientibus nomine et vice ipsorum dominorum episcopi et capituli exhibuerunt reverentiam et debitam obedientiam promiserunt pro omni tempore tamquam subiecti dictis dominis episcopo et capitulo et dictae ecclesiae Transiluanae. Ac insuper promiserunt sollenni stipulatione interveniente dictis procuratoribus stipulantibus et recipientibus nomine et vice dicti capituli se vice et nomine dictorum deeani et plebanorum seu ipsos decanum et plebanos integre soluturos totum censum solvendum dicto capitulo pro tempore praeterito, quo ipsum censum dicto capitulo solvere neglexerunt, et quo fuerunt in rebellione et contumacia supra dictis secundum modum, sed quem dicti census dicto capitulo hactenus solvebantur, quem recognoverunt fuisse talem, quia nuncius capituli ire consueverat⁵⁾ ad⁶⁾ parochias⁶⁾ singulorum dictorum plebanorum et dinumerare focos cuiuslibet parochiae et pro singulis sexaginta focis sic dinumeratis et repertis quilibet de dictis plebanis solvere tenebatur annis singulis dicto capitulo unam marcam fini argenti ponderis Budensis. Pro tempore vero futuro promiserunt dicti procuratores dictorum decani et plebanorum dictis aliis procuratoribus capituli supra dicti stipulantibus et recipientibus eiusdem capituli nomine annis singulis pro toto illo tempore, quo dictas ecclesias obtinebunt, solvere cum effectu dictos census infra scripto modo, videlicet quia pro toto dicto decanatu et universis et singulis plebanis eiusdem decanatus dicti decanus et plebani solvent annis singulis dicto capitulo eorundem decani et plebanorum particulis quinquaginta et duas marcas fini argenti et ponderis Budensis in supra scripta civitate Albensi apud cameram dicti capituli et nihilominus in quocumque alio loco et etiam in Romana curia, in qua dicti census petiti fuerunt, tertio die post festum beati Nicolai confessoris⁷⁾ ipsi capitulo seu alio per praedictum capitulum ad hoc deputato. Quas quidem quinquaginta et duas marcas dicti decanus [S. 424] et capitulum in eorum parochiis postea colligere possunt, prout magis eis videbitur expedire et debebunt dictae [L] et duae marcae ponderari ut praedicitur ad pondus Budense si poterit tunc haberi, ita quod semper quando ponderabuntur simul marcae quatuor eleventur. Et si pondus Budense tunc non haberetur, ad quamlibet marcam in pondere Transiluano et specialiter de Sebus addi debebunt tres lotones huiusmodi autem marcas additis ut praemittitur cuilibet ipsarum marcarum dictis tribus lotonibus dictum capitulum pro aequivalentibus marcis Budensis ponderis recipere tenebuntur. Quas quidem quinquaginta et duas marcas pro tempore futuro in dictis terminis et in dicto pondere dicti procuratores dictorum decani et plebanorum procuratoribus dicti capituli praesentibus stipulantibus et recipientibus nomine ipsius capituli solvere cum effectu et sub obedientia dicti domini episcopi et successorum suorum semper manere sub poena ducentarum marcarum fini argenti ad praedictum pondus toties committatur et dictis dominis episcopo et capitulo acquiratur, quoties contra factum fuerit ratis nihilominus semper manentibus promissionibus supra scriptis. Et ultra ad maiorem roboris firmitatem iuraverunt ad sancta dei evangelia corporaliter tactis scripturis in animas praedictorum dominorum decani et plebanorum attendere et inviolabiliter observare omnia et singula supra scripta sub poena periurii et ammissionis dictorum beneficiorum obligantes pro praedictorum observatione nihilominus omnia praedictorum bona et dictarum ecclesiarum suarum. Et insuper submiserunt praedictos decanum et plebanos et eorum quemlibet pro praedictis omnibus et singulis observandis[ ]¹⁾ camerae domini nostri papae et domini camerarii eiusdem cuiuslibet auditoris seu viceauditoris vel locumtenentis ipsorum et curiae camerae supra dictae. | ²⁾ Et ultra praedicta omnia et singula constituerunt nomine et vice dictorum decani et plebanorum et cuiuslibet eorum seu substituerunt ex potestate super hoc sibi data procuratores dominum Ambrosium de Mediolano advocatum in Romana curia, Marcum de Veneciis et Johannem Angeli de Interano procuratores in curia Romana ad comparendum nomine et vice praedictorum decani et piebanorum in curia camerae dicti domini nostri papae coram aliquo de praenominatis officiali seu auditore vel viceauditore³⁾ curiae dictae camerae et ad recognoscendum coram eis ad petitionem cuiuslibet hoc requirentis pro parte dictorum dominorum episcopi et capituli omnes et singulas promissiones et obligationes superius factas pro parte dictorum decani et plebanorum et omnia talia et singula supra scripta. Et ad audiendum et recipiendum absque aliqua iuris sollennitate omnem sententiam diffinitivam et interlocutoriam in curia dictae camerae proferendam super observatione praemissorum. Et ad volendum et consentiendum, quod in eos decanum et plebanos et eorum quemlibet suspensionis interdicti et excommunicationis et beneficiorum privationis sententiae proferantur, si ullo tempore deficerent in praemissis vel aliquo praemissorum et ad dicendum et faciendum in omnibus et singulis supra dictis et circa ea, ut melius et [S. 425] efficacius valeant et teneant quaecumque fuerint opportuna et quae ipsimet dicere et facere possent si praesentes adessent. Quibus quidem omnibus et singulis sicut peractis in praesentia nostri capituli supra dicti per dictos procuratores utriusque partis [ ]¹⁾ capitulum supra dictum cum instantia rogarunt, quod deberemus praedictis omnibus attestari et sigillum nostrum apponere in testimonium veritatis, unde attestantes praedicta omnia et singula esse vera, prout superius continetur, sigillum nostrum praesenti scripturae apponi fecimus in evidentius veritatis testimonium et maiorem fidei firmitatem et cetera et actum et cetera et ponantur Kalendae, indictio, annus et dies et etiam adhibeantur testes ut in alia forma.

Praedicta²⁾ forma pertinet et facit ad hoc quod quando iam ex parte plebanorum ab una parte et ex parte domini episcopi et capituli ab altera sunt constituti procuratores. Isti procuratores tam ipsis procuratoriis et mandato comparebunt coram aliquo capitulo et faciant illam recognitionem et concordiam modo et forma praenotatis etiam si alii sacerdotes reverti voluerint, servetur ordo et modus hic contentus vel secundum quod fuerit ordinatum, ea facta forma pacis formetur et colligetur modus de forma et informatione [ ]³⁾ tradita et contenta, sed quod quilibet sapiens poterit ex levi colligere et transformare hoc non praetermisso, quod semper procuratoria utriusque partis tam episcopi et capituli quam etiam sacerdotum semper inserantur de verbo ad verbum.
Item si non posset fieri, ut ipsi sacerdotes et plebani singulariter et personaliter ad aliquem locum [ ]⁴⁾ est ad locum ecclesiae cathedralis ad faciendum et constituendum procuratores vel etiam personaliter [concordiam] faciendam accedere, ex tunc licet non tantum valeat tamen conveniant omnes et singuli Albae apud Praedicatores et Augustinenses beati Stephani et etiam dominus episcopus et domini de capitulo ibi conveniant omnes et ibi fiat ipsa requisitio, recognitio et concordia et materiae praesentis formae formetur illo modo et mutetur sub sigillis [praedictorum] conventuum. Sed quia per se sigilla conventuum fidem non faciunt, opportet de necessitate [ ]⁴⁾ episcopi regni Vngariae literis eorum mediantibus attestentur, qualiter literis talium [ ]⁵⁾ in partibus illis et in regno fides consuevit adhiberi. Ista dicta sunt propter ca [ ]⁶⁾ si praeter melius valet, quod semper fiat sub sigillo episcopi alicuius [ ]⁷⁾ nec praedicitur.
Item⁸⁾ si coram ipsis conventibus fuerit facta ipsa concordia, ex tunc bonum est, quod ille publicus notarius, qui est in Sebus, scribat ipsas [S. 426] literas et se cum testibus subscribat uter alter si potest et semper habito copiae literae vigore cuius se dicit publicum notarium.¹⁾

Auf der Rückseite, Blatt 2': Ista forma et informatio, quae debet mitti capitulo.


a) Erster Seitenumbruch in Vorbemerkungen (Beschreibung des Entwurfs).Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-3 auf S. 422, 1-7 auf S. 423, 1-3 auf S. 424, 1-8 auf S. 425, 1 auf S. 426.^{^}
a) Nachtrag UB I 620 statt nominentur.^{^}
[S. 422]
1) Hierauf nochmals: ecclesiae.^{^}
2) Vorlage: instingante.^{^}
3) Schaft mit Unterlänge und Ansatz des Bauches sichtbar. ^{^}
[S. 423]
1) Lücke, 2 Centimeter breit. ^{^}
2) 3.5 Centimeter. [3x] ^{^}
3) 3 Centimeter. ^{^}
4) Blatt 1'. ^{^}
5) Hierauf: ad. ^{^}
6) Auf dem Rand nachgetragen. [2x]^{^}
7) Dezember 8. ^{^}
[S. 424]
1) Lücke, 4 Centimeter breit. ^{^}
2) Blatt 2. ^{^}
3) Vorlage: auditori vel viceauditori.^{^}
[S. 425]
1) Lücke, 4 Centimeter breit. ^{^}
2) Die Stelle von Praedicta bis notarium enthält Anordnungen betreffend den Abschluss des Uebereinkommens. ^{^}
3) Lücke, 1 Centimeter breit.^{^}
4) 2 Centimeter. [2x]^{^}
5) 2.5 Centimeter. ^{^}
6) 3 Centimeter. ^{^}
7) 4 Centimeter. ^{^}
8) Die Stelle von Item bis notarium ist auf dem Rand nachgetragen und durch Zeichen als hinter praedicitur gehörig bezeiehnet. ^{^}
[S. 426]
1) Die Stelle von Praedicta bis notarium enthält Anordnungen betreffend den Abschluss des Uebereinkommens.^{^}