Urkunde Nr. 2003 aus Band IV

Seite im UB:

281-283 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 68.

Druckvorlage:

nach Original

Abdruck als:

Volltext

Sprache:

Latein

---

2003

Marienburg 1427 April 14 König Sigmund bestimmt, dass Petrus von Gyapol, der Kastellan von Törzburg, dem die Kronstädter zwei Familiaren erschlagen und auch durch seine Gefangennahme Schaden zugefügt haben, über die Höhe des Verlustes vor dem Grosswardeiner Kapitel eidlich einzuvernehmen sei.

Nos Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex memoriae commendamus quod, nobis una cum praelatis et baronibus nostris ac plerisque regni nostri proceribus primo in Brassouiensi et tandem in Fewldwar civitatibus nostris partium nostrarum Transsiluanarum pro tribunali sedentibus causasque cunctorum regnicolarum nostrorum nobis conquerentium iusto aequitatis tramite discutientibus, fidelis noster nobilis Petrus de Gyapol alias familiaris fidelis nostri magnifici Petri Bubek de Pelsewcz Siculorum nostrorum comitis et castellanus de Terch de aliorum querulantium medio nostram eorundemque praelatorum et baronum nostrorum exsurgens in praesentiam, praesentibus et audientibus providis viris Valentino iudice et nonnullis ex iuratis civibus praefatae civitatis nostrae Brassouiensis, contra eosdem iudicem et iuratos universosque cives eiusdem nostrae civitatis Brassouiensis proposuit et conquestus est eo modo, ut dum ipse quadam vice cum nostris literis regalibus [eisdem i]udici¹⁾ et iuratis praeceptorie loquentibus et directis per ipsum Petrum dictorum Siculorum nostrorum comitem pro repetendo censu et collecta annualibus ex [ ]²⁾ more consueto proveniendo ad ipsam civitatem nostram Brassouiensem eorundemque [S. 282] nostrorum civium medium accessisset, tunc ipsi iudex ac iurati cives totaque communitas hospitum ipsius civitatis nostrae furore concitati super ipsum et familiares suos impetuose irruentes tres ex dictis familiaribus interfecissent ipsumque propria sua in persona nullis culpis suis exigentibus captivassent et captum in eorum vinculis triginta duobus diebus post sese immediale sequentibus conservassent, damna centum florenorum auri ibidem eidem inferendo in suae nobilitatis dedecus grandeque praeiudicium et iacturam manifestam, et his dictis sibi ex parte eorundem iudicis et civium nostrorum Brassouiensium per nostram maiestatem iuris aequitatem impertiri humiliter postulavit in praemissis. Quibus perceptis, quia ipsi Valentinus iudex et iurati cives coram nobis ac dictis praelatis et baronibus nostris adhaerentibus diversis frivolis praetensis occasionibus per eos hincinde adversus dictum Petrum allegatis se et dictam communitatem praefatorum hospitum praescriptae nostrae civitatis Brassouiensis ipsum Petrum detinuisse et in vinculis servasse praescriptos autem tres familiares suos ibidem interemptos fuisse rationabiliter¹⁾ abnegare nequierunt, pro eo iidem iudex ac iurati cives et tota communitas praetactae civitatis nostrae pro huiusmodi detentione ipsius Petri indebita in ipsius homagio videlicet quinquaginta marcis denariis praetextu vero interemptionis iam fatorum trium familiarium ipsius ut fertur ignobilium similiter in eorum homagiis tamquam ignobilium et popularium hominum iuxta regni nostri consuetudinem necnon praedictorum damnorum ipsi Petro eodem tempore illatorum aestimatione adversus eundem Petrum convinci et aggravari debere nobis dictisque praelatis et baronibus nostris agnoscebatur. Et quia ipsi iudex et iurati cives quosdem eorum concives de homagio unius dictorum familiarium ipsius Petri eo tunc penes ipsum in praeallegata civitate nostra Brassouiensi interempti, Georgii videlicet filii Gregorii dicti Feuldes in vico Venecia dicto civitatis Varadiensis, eidem Gregorio patri ipsius Georgii in civitate Varadiensi praedicta exhibitione literarum capituli ecclesiae Varadiensis octavo die festi Epiphaniarum domini²⁾ anno eiusdem millesimo CCCC^{o 3)} XXV^to confectarum satisfecisse declarabant, pro eo nos eosdem iudicem et cives totamque communitatem praedictae civitatis nostrae Brassouiensis super satisfactionem [ huiusm ]odi⁴⁾ homagii quitos et expeditos reddendum commisimus eo modo, ut iidem iudex et cives ac tota communitas annolatae civit[alis nostrae Brassouiensis ]⁵⁾ homagia annotati scilicet Petri et duorum familiarium suorum ignobilium oc- [S. 283] tavo die festi assumtionis beatae Mariae v[irginis ]¹⁾ eadem solvere. Quia autem de eo verum praedicta damna praeallegato Petro tempore praedicto per praefatos cives et hospites [praescriptae nostrae civitatis Brassouiensis illata centum]²⁾ florenos auri extendant veritas non constabat, ideo idem Petrus valorem huiusmodi damnorum suorum ad ipsos centum [florenos auri iurame]nto³⁾ suo mediante cum tot hominibus nobilibus videlicet vel aliis quot ad huius verificationem secundum consuetudinem regni nostri requiri debent [nobis ac praelatis et baronibus nostris]⁴⁾ iidem iudex et cives ipsi Petro de ipsis certificatis damnis satisfacere debere cernebatur. Igitur commisimus, ut idem Petrus eodem octavo die festi assumptionis beatae virginis coram eodem capitulo Varadiensi super eo, quod praemissa damna sua ad praedictos centum florenos auri se extendant cum tot personis nobilium vel aliorum quot ad huius verificationem more et de consuetudine regni nostri necessario adduci et computari debuerint sacramentum praestare teneatur habitaque depositione talismodi iuramenti praefatum capitulum Varadiense ad persolvendam ipsi Petro illam summam pecuniae, super qua idem Petrus iam dictum suum iuramentum deposuerit praefatis iudici et civibus ac communitati dictae civitatis nostrae Brassouiensis ipsum capitulum legitime terminum praefigere debeat. Qui si in ipso per praefatum capitulum eis praefixo termino huiusmodi summam pecuniae praefato Petro persolverint, bene quidem, alioquin volumus et harum serie firmiter committimus fidelibus nostris magnificis Johanni et Michaeli Jakch comitibus praefatorum Siculorum nostrorum vel ipsorum vicecomitibus, ut ipsi praedictos iudicem et iuratos ceterosque cives Brassouienses ad persolvendam ipsi Petro dictam summam pecuniae, super qua suum iuramentum praestiterit, prout congruum fuerit, compellant et adstringant auctoritate nostra regia ipsis in hac parte tenore praesentium attributa mediante. Committimus tamen, ut idem Petrus infra terminum⁵⁾ praescriptorum damnorum suorum per ipsum ad praedictos centum florenos auri aestimatorum suum iuramentum deponendi liberam habeat facullatem praesentium testimonio mediante. Datum in praedicta Feuldwar partis nostrae Transsiluanae feria secunda proxima post dominicam Ramispalmarum, anno domini millesimo CCCC^mo vigesimo septimo, regnorum nostrorum anno Hungariae et cetera XL^mo primo, Romanorum XVII^mo et Bohemiae septimo. [S. 284]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 281, 1-5 auf S. 282, 1-5 auf S. 283.^{^}
[S. 281]
1) Lücke: 0.9 cm.^{^}
2) Lücke: 2 cm.^{^}
[S. 282]
1) Über der Zeile nachgetragen.^{^}
2) Januar 13.^{^}
3) Lücke: 1.9 cm. ^{^}
4) Lücke: 3.9 cm. ^{^}
5) Lücke: 5.4 cm.^{^}
[S. 283]
1) August 22. Hierauf Lücke: 8.7 cm. ^{^}
2) Lücke: 7.2 cm. ^{^}
3) Lücke: 6.6 cm. ^{^}
4) Lücke: 3 cm. ^{^}
5) Vorlage: num.^{^}