Urkunde Nr. 1910 aus Band IV

Seite im UB:

161-162

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 61.

Druckvorlage:

nach Original

Abdruck als:

Volltext

Sprache:

Latein

---

1910

Grosswardein 1422 Juni 4 König Sigmund befreit die Bewohner von Kronstadt für zehn Jahre von der Entrichtung des Martinszinses und verfügt, dass dieser zur Aufrichtung einer Stadtmauer verwendet werde.

Von der Kanzlei: Relatio Piponis de Ozora
comitis Themesiensis et cetera.

Nos Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex notum facimus tenore praesentium quibus expedit universis, quod pro parte fidelium nostrorum, dilectorum providorum iudicis iuratorum et universorum civium ac populorum civitatis nostrae Brassouiensis partium nostrarum Transsiluanarum, audivit nostra maiestas supplicationem quomodo nuper, tempore ut puta ingressus Turkorum sacrae fidei et [S. 162] nostrorum inimicorum in ipsas partes nostras Transsiluanas proh dolor facti, ipsa civitas nostra Brassouiensis simul cum civibus nostris eam inhabitantibus necnon rebus et bonis ipsorum depraedata fuisset et devastata, quam quidem civitatem nunc remanentes seu residui cives nostri, succurrente eis auxilio nostrae maiestatis, in certa parte muro vellent circumdare et eam munitione murorum fortificare, unde exstitit supplicatum pro eisdem nostrae claritati humiliter et devote, ut ipsis civibus nostris in aedificatione ipsius muri subsidium dignaremur adhibere. Nos itaque pensantes, qualiter ex fortificatione dictae civitatis et constructione muri nedum ipsis civibus eam inhabitantibus verum etiam toti regno nostro utile cedet commodum et tuitio regnicolarum specialis, ideo in auxilium expensarum, quas praefati cives nostri Brassouienses in constructione muri praenotati facere habent, de speciali gratia nostrae maiestatis totam taxam seu collectam, quam ipsi cives et populus singulis annis in festivitatibus sancti Martini nobis et fisco nostro regio dare deberent per decem annos a data praesentium computando affuturos duximus deputandam, annuendam et concedendam, immo deputamus, concedimus et annuimus per praesentes, tali modo quod ipsi universi cives nostri Brassouienses in ipsis decem annis de praedicta taxa sancti Martini nihil nobis solvere teneantur, sed eandem in labores muri ipsius civitatis ut praemissum est expendere debeant. Quocirca vobis, fideli nostro dilecto magnifico viro [vaivodae nostrarum]¹⁾ praedictarum partium Transsiluanarum vel vestras vices gerentibus, cunctis etiam aliis proventus nostros regales [in dictis partibu]s¹⁾ nostris Transsiluanis levantibus praesentium notitiam habituris firmiter praecipimus et mandamus, quatenus prae[fatos]²⁾ cives [et populos nostro]s³⁾ dictae civitatis nostrae Brassouiensis ratione praeassumtae taxae festi sancti Martini in praedictis d[ecem]²⁾ annis [impedire nullo modo]i debeatis neque ipsam taxam ab eis petere vel recipere audeatis. Praesentes autem sigillo nostro maiori, quo ut [rex]²⁾ Hungariae utimur, fecimus consignari. Datum Waradini feria quinta proxima post festum Penthecostes anno domini M^o CCCC^o XX^o secundo, regnorum nostrorum anno Hungariae et cetera XXX^o sexto, Romanorum XII^{o 4)} et Bohemiae secundo.

Unter dem Siegel von der Kanzlei: Relatio Piponis de Ozora
comitis Themesiensis.

Auf der Rückseite von gleichzeitiger Kronstädter Hand: Privilegium de donatione census ad decem annos civitati per Georgium Burger et Johannem Cruss extractum. [S. 163]


1) Lücke 3 cm. [2x]^{^}
2) Lücke 0.8 cm. [3x]^{^}
3) Lücke 2.6 cm. ^{^}
4) Unter der Zeile nachgetragen. ^{^}