Urkunde Nr. 1789 aus Band IV

Seite im UB:

9

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 44.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1789

Kronstadt 1416 März 11 Nikolaus, Woiwode von Siebenbürgen, und Michael, Comes der Sekler, beglaubigen für die Fronleichnamsbruderschaft der Marienkirche in Kronstadt die Schenkungsurkunde des Kronstädter Pfarrers Thomas und des Anthonius Sander von 1413 Nr. »1714 über die Hälfte der Besitzungen Tohan und Zernescht.

Nos Nicolaus de Chaak vaivoda Transsiluanus et comes de Zolnok necnon Michael filius Salomonis de Nadasd comes Siculorum universis quibus decet per haec scripta significamus, quod providi viri Arnoldus filius Johannis et Johannes Laan nuncupatus incolae et inhabitatores civitatis Coronensis tamquam procuratores et¹⁾ procuratorio nomine fratrum fraternitatis pretiosi corporis Christi civitatis Coronensis praenotatae nostram personaliter accedentes in praesentiam produxerunt, exhibuerunt ac visioni nostrae demonstraverunt quasdam literas patentes viri discreti domini Thomae Coronensis civitatis parochialis ecclesiae rectoris atque Anthonii Sandor nuncupati eiusdem civitatis cohospitis impressione sigilli eorundem consignatas ac in charta papirea conscriptas. Quarum tenor sequitur et est talis. (Folgt die Urkunde des Pfarrers Thomas und des Anthonius Sander von 1413 Nr. »1714.) Quibus quidem literis coram nobis productis praesentatisque et visioni nostrae demonstratis supplicatum fuit nobis per Arnoldum et Johannem praenominatos, nominibus quibus supra, quatenus easdem literas praesentibus nostris literis patentibus transcribi et transsumi transsumptumque in formam²⁾ redigi facientes eisdem roborare et concedere dignaremur. Petitionibus quorum favorabiliter inclinati praetaxatas literas absque diminutione et augmento aliquali de verbo ad verbum transcribi et transsumi committentes sub impressione sigillorum nostrorum consignatas duximus concedendas fratribus fraternitatis corporis Christi praenotatis uberiorem ad cautelam. Datum in Corona praedicta, feria quarta proxima ante festum sancti Gregorii papae, anno domini M^o CCCC^o XVI^o. [S. 10]


1) Hierauf et durch Unterpunktierung getilgt.^{^}
2) So Vorlage.^{^}