Urkunde Nr. 1714 aus Band III

Seite im UB:

569-570

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 51.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1714

Kronstadt 1413 Mai 19 Thomas, Pfarrer von Kronstadt, und Anthonius Sander schenken an die Heiligleichnamsbruderschaft der Marienkirche zu Kronstadt die Hälfte der Besitzungen Tohan und Zernescht.

Quoniam in tempore quae aguntur vacillant facile, nisi praesidio literarum testiumque iidelium adminiculo¹⁾ et scripturarum tenacitate in statum solidum redigantur, sapientes igitur singula scriptice perennari decreverunt. Nos igitur Thomas Coronensis civitatis parochialis ecclesiae rector atque Anthonius Sander vocitatus eiusdem civitatis conhospes memoriae commendando significamus praesentium tenore quibus expedit universis, quod nos unanimi, concordi et parili voluntate, maturo et digesto consilio constantiam et habilitatem²⁾ fratrum fraternitatis sacri corporis Christi ecclesiae sanctae Mariae virginis eiusdem civitatis, egestatem quoque fabricae et structurae prae expressatae basilicae in nostrorum cordium ingemiscenti affectu pensantes praecise medietatem possessionum Thucha et Zirma vocatarum, ex gratia regia ad nos devolutarum cum universis ipsarum utilitatibus et pertinentiis pure propter deum ob salutem animarum nostrarum praefatis fratribus fraternitatis corporis Christi ad missarum sollennitates et ad structuram eiusdem basilicae dare, legare et testare decrevimus, immo praemissam medietatem eo iure, quo nos freti fuimus et adhuc alia medietate fruimur, eisdem fraternitati et fratribus et ecclesiae beatae Mariae virginis cum universis iuribus, proventibus, utilitatibus et pertinentiis quibuscumque perpetue, irrevocabiliter et absque impedimento aliquali damus, conferimus et assignamus harum patrocinio literarum mediante³⁾ dantes et committentes universis eiusdem fraternitatis fratribus et hominibus, procuratoribus, rectoribus et vitricis eiusdem ecclesiae, ut ipsi cum saepe fata medietate praefatarum Tucha et Zirna possessionuni fructum,⁴⁾ utilitatem, commodum et honorem pro praemissis sollennitatibus quaerere debeant, uti ipsorum voluntas [S. 570] maluerit, vigore et testimonio praesentium mediante. In cuius rei testimonium firmitatemque perpetuam praesentes utrisque nostris sigillis consignantes. Datis Coronae, feria sexta proxima post festum sancti Seruacii episcopi, anno domini millesimo quadringentesimo tredecimo.


1) Vorlage: ameniculo.^{^}
2) Vorlage: abilitatum.^{^}
3) Vorlage: mediente.^{^}
4) Hierauf gestrichen: et.^{^}