Urkunde Nr. 1787 aus Band IV

Seite im UB:

1-4 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1245 - Abt.42: K. A. Stolzenburg [Parohia Ev. CA Slimnic], Nr. 9.

Druckvorlage:

nach Original

Abdruck als:

Volltext

Sprache:

Latein

---

1787

Konstanz 1416 März 8 Das Konstanzer Konzil beauftragt den Abt von Kerz und Genossen, Nikolaus, den Pfarrer von Salzburg, zu verhalten, an Michael, den Pfarrer von Stolzenburg, den zu Unrecht eingehobenen Zehnten von Stynkendingbrunn und Rungemulde zurückzuerstatten und ihm auch die Prozesskosten zu ersetzen.

Sacrosancta et generalis synodus Constanciensis dilectis ecclesiae filiis . .¹⁾ abbati monasterii beatae Mariae de Candelis Strigoniensis diocesis et..²⁾ decano ecclesiae Patauiensis ac. . officiali Transiluano salutem et dei omnipotentis benedictionem. Petitio dilecti ecclesiae filii Michaelis moderni rectoris parochialis ecclesiae de Stolzenberg Strigoniensis diocesis nobis exhibita continebat, quod licet perceptio omnium decimarum provenientium ex fructibus excrescentibus in locis Stynkendingbrunn et Rungemulde intra limites parochiae dictae ecclesiae consistentibus ad rectorem eiusdem ecclesiae existentem pro tempore tam de iure quam antiqua et approbata ac hactenus pacifice [S. 2] observata consuetudine pertineat, et tam ipse Michael quam praedecessores sui rectores dictae ecclesiae qui fuerunt pro tempore fuissent in pacifica possessione vel quasi iuris percipiendi huiusmodi decimas etiam a tempore cuius contrarii memoria non exstitit, tamen Nicolaus modernus rector parochialis ecclesiae de Salisfodio dictae diocesis falso asserens ius percipiendi huiusmodi decimas ad se ratione ipsius ecclesiae de Salisfodio de simili consuetudine spectare, praefatum Michaelem decimis quae provenerunt ex fructibus ipsis per nonnullos annos praeteritos tunc expressos contra iustitiam spoliavit illasque occupavit et detinuit, prout detinet indebite occupatas. Ortaque propterea inter Michaelem et Nicolaum praedictos super praemissis et eorum occasione materia quaestionis Baldassar tunc Johannes papa XXIII, causam huiusmodi, cum tunc partes ipsae in Romana curia sufficienter praesentes exsisterent, dilecto ecclesiae filio magistro Johanni de Thomariis capellano sedis apostolicae et auditori causarum palatii apostolici ad instantiam dicti Michaelis audiendam commisit et fine debito terminandam. Qui ad instantiam magistri Johannis de Scribanis procuratoris Michaelis coram eo in iudicio comparentis magistrum Petrum Fride procuratorem Nicolai praedictorum, prout eidem auditori legitime constabat, ad dandum et recipiendum libellum in causa huiusmodi per quendam cursorem sedis eiusdem citari fecit ad certum terminum peremptorium competentem. In quo dictus Johannes de Scribanis coram eodem auditore in iudicio comparens praedicti Petri non comparentis contumaciam accusavit et in eius contumaciam quendam dedit libellum pro parte sua in causa huiusmodi. Et deinde Johanne de Scribanis et Petro praedictis coram eodem auditore in iudicio comparentibus liteque per eos legitime contestata necnon de calumnia et de veritate dicenda in ipsius auditoris praesentia praestitis iuramentis pro parte sua in causa huiusmodi in termino ad hoc dato, idem auditor ad instantiam dicti Johannis de Scribanis praefatum Petrum ad dandum et per alteram partem dari videndum positiones et articulos si quos dare vellent in causa huiusmodi per quendam cursorem dictae sedis citari fecit ad certum terminum peremptorium competentem. In quo dictus Johannes de Scribanis coram eodem auditore in iudicio comparens praedicti Petri non comparentis contumaciam accusavit et in eius contumaciam quosdam positiones et articulos pro parte sua in causa huiusmodi dedit, praefatusque auditor ad instantiam dicti Johannis de Scribanis eundem Petrum ad respondendum dictis positionibus et dicendum contra eosdem articulos quidquid vellet, necnon ad producendum et per alteram partem produci videndum omnia iura et munimenta quibus partes ipsae in huiusmodi causa uti vellent per quosdam cursores dictae sedis successive citari fecit ad certos terminos peremptorios competentes. In quibus dictus Johannes de Scribanis coram eodem auditore in iudicio comparens praedicti Petri non comparentis contumaciam accusavit et in eius contumaciam nonnulla literas [S. 3] authenticas, instrumenta publica aliaque iura et munimenta quibus pro parte sua uti voluit in huiusmodi causa produxit in dicto termino ad hoc dato idemque auditor ad instantiam dicti Johannis de Scribanis eundem Petrum ad dicendum contra huiusmodi producta quidquid vellet per quendam cursorem dictae sedis citari fecit ad certum terminum peremptorium competentem. In quo dictus Johannes de Scribanis coram eodem auditore in iudicio comparens praedicti Petri non comparentis contumaciam accusavit, praefatusque auditor ad instantiam magistri Hermanni Spaen procuratoris dicti Michaelis per eum de novo constituti eundem Petrum ad concludendum^c) et concludi videndum in causa huiusmodi vel dicendum causam rationabilem, quare in ea concludi non deberet, per quendam cursorem dictae sedis citari fecit ad certum terminum peremptorium competentem. In quo dicto Hermanno coram eodem auditore in iudicio comparente et praedicti Petri non comparentis contumaciam accusante et in eius contumaciam in huiusmodi causa concludi petente, memoratus auditor reputans eundem Petrum quo ad actum huiusmodi prout erat merito contumacem, in eius contumaciam cum eodem Hermanno in huiusmodi causa concludente conclusit et habuit pro concluso in dicto termino ad hoc dato et ad dicti Hermanni instantiam eundem Petrum ad suam in huiusmodi causa diffinitivam sententiam audiendam per quendam cursorem dictae sedis citari fecit ad certam diem peremptoriam competentem. In qua dicto Hermanno coram eodem auditore in iudicio comparente et praedicti Petri non comparentis contumaciam accusante et in eius contumaciam sententiam ipsam ferri petente, saepe dictus auditor reputans eundem Petrum quo ad hoc prout erat merito contumacem in eius contumaciam visis et diligenter inspectis omnibus et singulis actis, actitatis habitis et productis in causa huiusmodi ipsisque cum diligentia recensitis et examinatis ac facta super his omnibus coauditoribus suis causarum dicti palatii relatione fideli, de ipsorum coauditorum consilio et assensu per suam diffinitivam sententiam pronunciavit, decrevit et declaravit, prout haec omnia in dicto libello petita fuerant, ius percipiendi dictas decimas ad eundem Michaelem ratione dictae ecclesiae in Stolzenberg¹⁾ spectasse et pertinuisse ac spectare et pertinere de iure sibique adiudicandum fore, et adiudicavit, et eidem Nicolao in dictis decimis nullum ius competiisse sive competere necnon spoliationes, occupationes, detentiones et impedimenta praedicta fuisse et esse temeraria, illicita et iniusta ac de facto praesumpta dictoque Nicolao super spoliationibus, occupationibus, detentionibus, impedimentis ac decimis praedictis perpetuum silentium imponendum fore, et imposuit, dictumque Nicolaum in decimis ex eisdem fructibus a tempore motae litis huiusmodi citra perceptis et in expensis coram eo in huiusmodi causa legitime factis condemnandum fore, et condem- [S. 4] navit, ipsarum expensarum laxatione sibi in posterum reservata. Et subsequenter praefatis Hermanno et Petro coram eodem auditore in iudicio comparentibus dictoque Hermanno expensas in huiusmodi causa factas taxari petente, saepe dictus auditor expensas ipsas in triginta quinque florenis auri de camera boni et iusti ponderis provida moderatione taxavit, ipsius Hermanni super expensis ipsis iuramento secuto, prout in instrumento publico inde confecto, ipsius auditoris sigillo munito dicitur plenius contineri. Nos igitur ipsius Michaelis supplicationibus inclinati, quae super his ab eodem auditore proinde facta sunt rata habenies et grata dictamque sententiam auctoritate praesentium confirmantes discretioni vestrae per scripta nostra mandamus, quatenus vos vel duo aut unus vestrum per vos vel alium seu alios praemissa executioni debitae demandantes, dictam sententiam ubi et quando expedire videritis auctoritate nostra solemniter publicantes, faciatis dictum Michaelem huiusmodi iuris¹⁾ percipiendi decimas huiusmodi pacifica vel quasi possessione gaudere et de praedictis perceptis decimis ac florenorum summa pro praedictis expensis iuxta praefati instrumenti earundem condemnationis et taxationis tenorem plenam et debitam satisfactionem impendi, contradictores per censuram ecclesiasticam appellatione postposita compescendo. Datum Constanciae, VIII. Idus Martii, anno a nativitate domini millesimo quadringentesimo sextodecimo, apostolica sede vacante.

Auf der Plica links, vom Schreiber der Urkunde: Regestrata gratis Arnoldus.

rechts, von der Kanzlei:
V
X
X Idem

Auf der Rückseite von der Kanzlei: Mundetur


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 1, 1 auf S. 3, 1 auf S. 4.^{^}
b) Nachtrag UB IV, Seite 725 statt: November 11.^{^}
c) Nachtrag UB IV, Seite 725 statt: concludentum.^{^}
[S. 1]
1) Paulo. ^{^}
2) Henrico.^{^}
[S. 3]
1) Ursprünglich: Stoczenberg, 1 vom Schreiber nachgetragen. ^{^}
[S. 4]
1) Vorlage: iure. ^{^}