Urkunde Nr. 3633 aus Band VI

Seite im UB:

346-347

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 186.

Druckvorlage:

nach Original

Abdruck als:

Volltext

Sprache:

Latein

---

3633

Ungarisch-Brod 1468 Juli 31 König Matthias ersucht Radu III., Woiwoden der Walachei, den Handel der Kronstädter in seinem Land nicht zu behindern und dem Michael Ördög aus Kronstadt 100 Zobelfelle zurückzustellen.

Von der Kanzlei: De commissione domini regis.

Mathias dei gratia rex Hungariae, Dalmaciae, Croaciae et cetera fideli nostro spectabili et magnifico Radwl waywodae Transalpino salutem et gratiam. Expositum est nobis in personis fidelium nostrorum universorum civium, hospitum et inhabitatorum civitatis nostrae Brassouiensis querulose, quomodo vos ipsos in iuribus, libertatibus et consuetudinibus antiquis diversimode [S. 347] impediretis, praesertim quod eos in certis factis et negotiis eorum in illis partibus Transalpinis adiudicari faceretis, quod nunquam consuetum ipsis fuit. Ceterum centum pelles sabellinas a quodam Michaele Erdewgh similiter cive dictae civitatis nostrae Brassouiensis pretio sabellinorum¹⁾ quarum pretia hactenus eidem reddere¹⁾ recusassetis recusaretisque etiam de praesenti in eorum praeiudicium atque damnum. Unde requirimus fidelitatem vestram eidemque committentes, quatenus a modo deinceps ipsos cives, hospites et inhabitatores dictae civitatis nostrae Brassouiensis in antiquis eorum libertatibus, consuetudinibus et iuribus teneatis nec eos in ipsis factis et negotiis eorum illic adiudicari facere²⁾ velitis, dictas etiam pelles sabellinas eidem Michaeli vel in specie reddere vel pretia earum persolvere debeatis, secus non faciatis. Praesentibus perlectis exhibenti restitutis. Datum in Broda Hungaricali die dominico proximo ante festum ad vincula beati Petri apostoli, anno domini millesimo quadringentesimo sexagesimo octavo, regni nostri anno undecimo, coronationis vero quinto.


1) Auf Rasur mit dunklerer Tinte später nachgetragen. [2x]^{^}
2) Hierauf non gestrichen.^{^}